طلبه الفرقه الثانيه الرجاء الرد سريعا

السلام عليكم ورحمه الله وبركاته رجاء من طلبه الفرقه الثانيه طبعا نتيجه امتحان الماتريال بانت وبعد النتيجه حصل خوف من اخر السنه علشان درجه اعمال السنه فياريت لو حد ينصح بدكاتره الكورس وليه اسمائهم وهل لو درجه اعمال السنه مش كويسه يكون لسه فيه امل في الماده ولا لا؟ معلش طولت عليكم
السلام عليكم

خير ان شاء الله ماتقلقيش..احنا درجاتنا كان يخجل لها الجبين...كانت درجات عجيبة ... ماعرفش لحد دلوقتى الظاهرة الغريبة اللى كانت على الدفعة كلها فى الدرجات ...انا مخدتش كورسات وعدت الحمد لله هى الماتريال مادة غلسة . ...ذاكريها اول باول وسيبيها على ربنا...وماتقلقيش كله خير...حاول تفهميها او تحفظيها معرفش ان شاء الله بس ذاكريها...

على فكرة الماتريال دى مش مادة كورس اطلاقا يعنى اللى هياخد مش هيفرق كتير اوى عن اللى مخدش
المهم المذاكرة
السكشن كمان اهم من المحاضرة
لو معاكى معيد كويس هيفرق معاكى جدا فى الفهم و حاولى تذاكرى كل سكشن او محاضرة اول بأول و التزمى بكلام كل دكتور مش كل حاجة تذاكريها م الكتاب و خلاص عشان متصدعيش و تضيعى وقت كتير
المشكلة ان اسلوب تدريسها عندنا اصلا غلط
يعنى هتفهمى كلام كتير منها ان شاء الله ف تانية مع الخبرة و الوقت و تعرفى انها مكانتش صعبة اوى كده بس احنا اللى بناخدها باسلوب غلط حفظ و خلاص

Danto daragatkooo folll :D w a7p 22ol mabruk lly gapo 20 D

الماتريال مش بتاعت كورسات

ذاكروا اول بأول من المصدر اللي الدكاترة بيقولوا عليه . كل على حدا .

اللي مش هايصحح ذاكروا محاضرته من الكتاب .. لو حذف حاجة احذفوها من الكتاب برده ..

وأنا كنت عملت تحليل لها السنة اللى فاتت والمشكلة مش فى المصدر اللى هتذاكروا منة
المشكلة إن كل واحد بيدخل يقول كلام غير التانى وكل واحد يقولك أنا اللى بصحح سؤالى فى الأخر
وممكن ميدخلش التصحيح أصلا زى دكتورة منال السنة اللى فاتت
والسنة اللى قبلنا كلهم دخلو تقريبا
يبقى الحل إن حضرتك تجيبى تسجيلات المحاضرات تسمعيها كويس
وبعدين ورق دكتور أحمد مصطفى بتاع السنادى لو هو خطة وحش أكتبية بإيدك
وبعد لما تخلصية زودى الزيادات من الكتاب
والحاجات اللى فى الدتا شو زيادة عن الكتاب شفوووووووووووووووووووووووووووى
بس

هو بيدخل يكتب اللى هما بيقولوة بالظبط فى المحاضرة
المفروض تجيب ورق السنادى بس
وتكمل هى علية بس

ده انتم درجاتكم جميلة جدا

عندكم ناس جايبين 19.5 و19

احنا كانت الدرجات عندنا تحت العشرة والحمد لله عدينا عادى

متقلقيش خالص

وطبعا زى ما قالوا الماتيريال مش محتاجة كورس خالص

هى محتاجة حفظ زاكريها اول باول وخلاص

ربنا يعينك ويوفقك

هههههههههههههههههه

انا فاكر اني كونت ساقط في امتحان اعمال السنة

عادي عادي

لو على مصدر المذاكرة المذاكرة؟؟
افهمي من ورق احمد مصطفى
واحفظي الكتاب
ولا حل غير ذلك

انا بقثى بتكلم عن تجربة
الورس غير نافع صدقيني تماما
التزمي بالمصادر اللي الدكتور محددها
سواء ورق او كتاب
وافهمي من ورق احمد مصطفى
ربنا معاكي ويوفقك يارب
والمهم افهمي حاولي تفهمي نفسك ولو الموضوع حياخد وقت شوية

بلا فخر كنت جايبه فيها (واحد ونص ).!!!!!!.......(الحمد لله)

اظن مفيش حد يديكي امل اكتر منى:D ونجحت فيها الحمد لله اهم حاجه بس تشوفي كل دكتور اللي عايز محاضرته اللي من ورقه اللي من الكتاب كده يعنى

كتير اوي كانوا اكتر من 10 وعدوا ماتقلقيش
المهم تذاكري من ورق دكتور احمد واحضري معاه السكشن بيشرح كويس وزي المحاضره بشكل كبير لانه كان بيحضر محاضرات وبيسجل ورا الدكاتره وعارف هم بيقولوا ايه

السلام عليكم .....ان شاء الله خير ...انا بس عندى حل صغير كده واحد صحبى وحبيبى طبقه وما شاء الله كان من القله القليله اللى جابوا امتياز فى الماتيريال ....وهى انه يجيب كشكول كبير ويبدأ حتى من بدايه الترم الثانى يلخص المفيد من الكتاب مع محاضرات الدكاتره فى الكشكول ده ويبقى ده المصدر الموحد للطالب ويوفر وقت كتير جدا ايام الامتحانات........ويضم معاه الترم الاول بالمره.....والله الموفق.......................

اه موافق على حل يونس
وفعلا ده كان تقريبا زي ما انا عملت بس بشكل مختلف شوية

انا كونت بكتب الدرس كله (شابتر مثلا زي imp. material )
كله على ورقه فلوسكاب واحده....
واقعد احذف ..احذف ..لحد ما الورقة دي تاخد الشابتر كله ..بخط منمنم ..وكان اهم حاجة عندي العناوين
فلقيت الماتريال ف اخر السنة كانها ...خمس..ست صفحات بس

صحيح ماجبتش امتياز..بس عدييييييييييييييييييييييييت وبتقدير كمان الحمدلله

شكرا جدا علي الردود وسوري علي التاخير من كلامكم ان شاء الله لسه فيه امل واستفسار بسيط للدكتور يونس حرب والدكتور رفيق قلبي تقصدوا ان منهج الماتريال الخصه يعني عناوين بس طاب والشرح ال في الكتاب العناوين هتذكرني بيه ولا ايه؟ معلش طولت عليكم السلام عليكم

بالنسبه ليونس..انا مش عارف يقصد ايه طبعا بالظبط

وهو ان شاء الله يدخل يشارك ويوضح وجهة نظره

لكن انا ..بالنسبة ليا يعني
كان اهم حاجة عندي عناوين الاجابة...
كونت باجي ف الامتحان عند اجابة اي سؤال...بكتب عناوين الاجابة بخط واضح وكبير
وبعد كده اكتب تحت كل عنوان..اي كلام في اي كلام
معادلة مثلا زي
gypsum products
او شوية علاقات ....زي ..لو زودنا كذا..كذا هيقل
دا نسبته هتاثر على قوته


لكن ورق المذاكرة...طبعا كان التركيز ع العناوين...وتلخيص بسيط خالص ..وصوغنن ..للحاجات المهمة بتاعة كل عنوان

وكانت ليا طريقه في الورقة الفلوسكاب..كونت بطبقها بحيث تعمل ليا اربع صفحات
زي لعبة الورق كده
ااكيد عارفاها
كوننا بنلعبها واحنا صوغنتتين
بتاعة اختار لك رقم

دا لو عايزة تنجحي بس

لكن لو عايزة تجيبي تقدير طبعا...تسالي يونس
:D:D

لاني ما اقدرش افيدك خالص

طبعا رأى غنيم كويس بس هوفعلا للنجاح بتقديربس مش امتياز ولا جيد جدا تقريبا......انا اقصد انك مثلا اخدتى النهارده محاضره .. تقومى تلخصيها من الكتاب بمعنى حذف الحشو بس وكمان تسهيل الاسلوب بتاع الكتاب ... والكتابه بالاسلوب اللى انتى بتحبيه..واللى يسهلك الحفظ.... وبكده هايتم اختصار المنهج لحد كبير ....وكمان هايتم الربط بين الموضوعات عن طريق عمل المقارنات المهمه اللى ممكن تكون فى الامتحان...