يا فلان ........... عارف البنت اللى هناك دى !!!

السلام عليكم و رحمة الله و بركاته


وحيد : شايف البنت اللى واقفة بعيد دى ؟

فريد: اه شايفها مالها ؟

وحيد : اسكت يا عم ان الله حليم ستير ..

فريد: مالها بس ؟ هى مين دى اصلا ؟؟

وحيد : دى يا عم فلانة بنت فلان اللى بتكلم فلان وبتعمل كذا وكذا وسمععتها كذا وكذا

فريد: يااااااااااااااه ومين اللى قالك على الحاجات دى كلها ؟

وحيد: ياعم هو فيه حاجة بتستخبى وبعدين الواحد بيبان عليه برده

فريد: كفاية كدا بقى ياعم..
دع الخلق للخالق احنا بردو عندنا اخوات بنات




علياء: مش دى فلانة؟؟

شيماء: ايوه هى ..

علياء: وايه اللى عاملاه فى نفسها ده..حاطه نص كيلوا بودره على وشها!!
ومين اللى ماشى معاها ده؟؟

شيماء: ده الواد فلان..
ياريتها تيجيي عليه هو وبس..ده نص الدفعه معاها رقمها..

علياء: يا نهار..!!
ربنا يهديها ..

انا سمعت السيانريو ده النهاردة

وانت كام مرة سمعت السيناريو ده ؟ تقدر تفتكر او تقدرى تفتكرى ؟

أكيد كتيييييير اوى


انتوا عارفين ده ايه ؟
.. ده اسمه

قذف محصنات

بهتان وافتراء ....... مهما كان

عارف ان لو احنا فى بلد بيتطبق فيه شرع ربنا كان هيكون ايه عقاب اللى يعمل كده ؟

80 جلده

تقدر تستحمل !!

وكمان أن ترد شهادته..... ولا تقبل له شهادة قط

وان يصبح فاسقا ليس بعدل لا عند الله ولا عند الناس

قال تعالى: (( والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولئك هم الفاسقون ( 4 ) إلا الذين تابوا من بعد ذلك وأصلحوا ))

فقد عاقب الله من رمى مؤمناً بفاحشة بثلاث عقوبات:

الأولى: الجلد.
(( فاجلدوهم ثمانين جلدة )).


الثانية: رفض الشهادة
(( ولا تقبلوا لهم شهادة أبداً )).


الثالثة: الحكم عليهم بأنهم فاسقون.
(( وأولئك هم الفاسقون )).


تعرفوا ربنا سبحانه وتعالى يبقول لنا ايه كمان فى قذف المحصنات .. تعالوا نقرأ الآية دى

" ان الذين يرمون المحصنات الغافلات المؤمنات لعنوا فى الدنيا والآخرة
ولهم فى الآخرة عذاب عظيم "


شايف الخطوره

لعنوا فى الدنيا
ولهم فى الآخرة عذاب عظيم

وقذف المحصنات من

السبع الموبقــات " اى المهلكات "

إياكم إخوانى وقذف المحصنات ........ فاكرينه شىء هين وهو عند الله كبيرة من الكبائر

يعنى هنستفاد ايه ؟


علشان تقول كلام مش كويس على بنت


لااااااااااازم تكون واثق مية فى المية من الكلام ده .. مش كدا وبس

لكن كمان لاااااااااازم يكون معاك اربع شهود على الكلام ده
.. يكونوا رأوا منها ما يثبت ذلك مرأى العين

غير كدا لااااااازم منتكلمش!!


يحضرنى موقف سيدنا عمر عندما سمع صوت امرأة مع رجل لكن من وراء حجاب
وذهب واخبر سيدنا على بن ابى طالب فقال له على أمعك شهود ؟؟ .. معاذ الله هل سيدنا عمر هيفترى عليها يعنى؟؟ وهل هيحتاج هو كمان لشهود ؟

لكن لعظم الموقف لابد أن يكون هناك شهود
فقال له عمر: لااااا

فرد سيدنا على : لو نطقت اسمها .......... لوجب عليك الجلد

تخيلوا !!

يا جماعة بجد كام فينا محتاج للجلد وكام مرة وقعنا فى قذف المحصنات
يا ما الكلام ده خرب بيوت وطلق زوجات واتسبب فى اذى ناس الله اعلم ببراءتهم او ذنبهم

هل لو أختك هترضاها عليها ؟ وبعدين فى مية قضية وقضية نقدر نتكلم فيها و نرتقى بفكرنا بئا مش خلاص بئا هو ده الشغل الشاغل لشباب كتييير


واخيرا هذكركم بقول الله تعالى :
( إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُمْ مَا لَيْسَ لَكُمْ بِهِ عِلْمٌ
وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ )

أسأل الله أن يهدينا جميعا إلى ما يحبه ويرضاه وأن نكون من عباده المخلصين الصتدقين قولا وفعلا

أخوكم

DeZneR