عاوز تبقى دحيح....خش و شوف

كنت فى قعدة مع زمايلى فى الكلية فبنقول لبعض يا جماعة مش ينفع كدا لازم نذاكر علشان الامتحانات ....فى الاخر اقنعنا بعض ان كلنا لازم نبدأ نذاكر خلاص الامتحان فاضله اسبوع


الحمد لله ربنا هداني وخدت قرار اني لازم اذاكر ، دخلت الاوضة وفتحت الكمبيوتر وعملت كولكشن أغاني جميل جداً عشان اسمعه وانا بذاكر (أغاني !!! اول القصيدة كـُفر) وسميته كولكشن المذاكرة وكانت مدته 6ساعات (قال يعني انا هذاكر 6ساعات)


المهم خلصت الكولكشن وجبت كتاب تاريخ علم النفس ولسه بفتحه .. وهب ببص فالساعة لئيتها بئت 6 ايه ده معاد برنامج الرياضة اليوم بتاع خالد الغندور طب مش مشكلة اروح اتفرج عليه واكمل مذاكرة (قال يعني الواد بدأ لما هيكمل) اتفرجت عليه وقولت عيب بقة اخلي عندي دم روحت عملت كوباية قهوة ورجعت الاوضة وجبت الكتاب .. فين القلم الرصاص ؟!


يووه القلم راح فين .. فين القلم راح .. هشام انت اخدت قلمي الرصاص الله يخرب بيتك لسه هدور عليه

أهه الحمد لله لئيته .. ايه ده الساعة 8 زمان فيلم محمد سعد شغال بتاع بوحة .........الله بحبه قوى طيب لما اقوم اتفرج عليه ولما يخلص ابقة اذاكر ...والمذاكرة مش هتطير يعنى

........................
الفيلم خلص ارجع بقة للمذاكرة تانى ......ايه دا فى دى جاى شغال تحت فى الشارع مش عارف فرح مين ..ببص فى البلوكنة لقيت فى تلاتة صحابى واقفين قلت لما انزل معاهم واهو العيال دول وحشونى مش بشوفهم بقالى كتير ....ازيك ياناصر ازيك يا اسلام وازيك يا محمد...ايه عامليين ايه فى الكلية (قال يعنى الصحوبية مقطعة بعضها)

قعدت شوية فى الفرح ووقفت مع اصحابى قلت لما اروح اذاكر احسن

...جبت الكتاب تانى وقعدت اقرى المقدمة وببص فى الساعة لقيتها 12 ..........اووووووووبز معاد انا والنجود وهواك على الاف ام اما اروح اسمع اسامة منير

وفجأة هوووووووووب عايز انام

اليوم اللى بعده اقابل صحابى فى الكلية ...ذاكرتوا ايه يا جدعان ......ولا حاجة
==============

فيه ايه احنا ليه بنهرب من المذاكرة وبنكرهها موت كده وبننكش بمية منكاش على الجري منها
هى فعلا المذاكرة بعبع مرعب للدرجة دي .. طب هو احنا ليه اصلا بنذاكر يعني اللي خدوا شهادات عملوا ايه بيها اساساً ؟!

ايه يا ميدو السؤال الغبي ده اكيد بنذاكر عشان الواحد ميبئاش فرجة العيلة وراح الساقط جه الساقط والصيف يجي وكله يسافر يغير جو وانا الوحيد اللي اسمع جملة جرى ايه ياابو كحكة حمرا انت فاكر نفسك جاي معانا ولا ايه؟!!!


متهيألي معظمنا بيذاكر للهدف السامى دا
عمري فحياتي ماسألت حد السؤال ده وسمعته قال
عشان ابئى بني آدم // عشان الناس تحترمني // عشان مايبئوش اللي حواليا كلهم بيفهموا وانا وباب الشقة واحد

ده الواقع دلوقتي الواحد لما كان فى المدرسة بيروح المدرسة الصبح وهو متبرمج انو يحفظ عشان يدخل يدش في الامتحان ويخرج منه ناسي الورقة كان شكلها ايه (يااعمى فكك ماامتحناها خلاص)

بنفضل بالمنظر ده عمرنا كله لحد الجامعة وفى الجامعة لما نروح نلاقى حاجات كلها دش واعلى من مستوانا

انا بس عايز اعرف هى المشكلة دى مشكلتى انا ولا مشكلة ناس تانية معايا؟

ولو فى ناس تانية عندهم نفس المشكلة يبقة العيب فى مين؟
فينا احنا الجيل كله بقة متخلف؟
ولا فى المدرسين ولا فى المناهج ؟

يلا بقة ردو عليا وسلام دلوقتى علشان اروح اكمل مذاكرة :lol!:
___________________________________________________

طبعا الكلام ده منقول بس بصراحه عجبنى لانه بيعبر عن حالتى تماما فى كيفيه تضييع الوقت

هو أنا بذاكر عشان خاطر بابا وماما بس لما تقولهم كده يقولوا إنتى هتنفعى نفسك واللإسطوانة دى

انا برضه المفروض اذاكر عشان خاطر الناس اللى مستنيانى ابقى دكتور كويس.... بس الظاهر انى معنديش دم :(

أنا مشكلتى تقريبا زيك

أنا عمرى ما حبيت المذاكرة و دايما بتواجهنى الصعوبات دى

بس لو حسييت إنى مضغوط ولازم أذاكر بذاكر مجبر

أنا بكره المذاكرة

طب فين بقى يا دزنر......ما احنا مزنوقين ف الوقت اهو و قاعدين ع النت مع ان كل واحد فينا انت عارف فاضله كام تجربه..بلاش فضايح بقى

اااااااااااااااااااااااااااااااااااااه
انت جيت لمربط الفرس احنا مبنحبش المذاكره اصلا 000انا عن نفسى لما يعنى بذاكر بيبقى برضو علشان والدى و والدتى 000وكمان ساعات علشان الناس اللى بحبهم 00وف ثانوى كنت بذاكر العربى بس علشان المدرس يعنى مساله نسبيه 000

اما عننا بقى وبالذات حضرتك 000انت بقى يا مصطفى بتذاكر كميه مذاكره محدش فى الدنيا دى بيذاكرها 000براحه على نفسك شويه من المذاكره 000ده حتى نظرك ضعف من كتر المذاكره 00صح :lol: :lol: :lol:

اولا ازيك يا مصطفى
ثانيا المزاكرة دي بالنسبه ليا مبتزيدش عن 4 ساعات في اليوم في الايام العادية
الا لا فدر الله في حاله الامتحانات وصلت ايام الثانوية 14 ساعة يوميا
وبصراحه كلنا كده مش لوحدك كده بس المشكلة انك ممكن تلحق تعوض وممكن متلحقش
وعلى الاساس ده انت بتحسب سواء كنت هتقدر تضيع وقت و لا لا

وبصراحه نصنا بيذاكر عشان الامتحان بس يعني بعد الامتحان كله في صندوق الزبالة
والنص التاني بيذاكر علشان بابا وماما واللي هما بيعملوه معانا
وانا بصراحه تبع النص التاني وفعلا على راي امنية الاسطوانة المشروخه
يبني انت هتفيد نفسك مش هتفيدنا احنا ,يبني انتا لما تبقى دكتور كويس سمعتك انت مش سمعة حد تاني ,يبني انت لما تشتغل فلوسك محدش هيقولك هات ................ والكلام اللي بنرضعه من صغرنا ده

يعني بصراحه كده المذاكره دي عدو لابد منه

emo كتب:اااااااااااااااااااااااااااااااااااااه
انت جيت لمربط الفرس احنا مبنحبش المذاكره اصلا 000انا عن نفسى لما يعنى بذاكر بيبقى برضو علشان والدى و والدتى 000وكمان ساعات علشان الناس اللى بحبهم 00وف ثانوى كنت بذاكر العربى بس علشان المدرس يعنى مساله نسبيه 000

اما عننا بقى وبالذات حضرتك 000انت بقى يا مصطفى بتذاكر كميه مذاكره محدش فى الدنيا دى بيذاكرها 000براحه على نفسك شويه من المذاكره 000ده حتى نظرك ضعف من كتر المذاكره 00صح :lol: :lol: :lol:

عندك حق يا ايمو......ده انا من كتر المذاكرة خايف اطلع الاول عليكوا السنه دى لتحسدونى :geek:

NAPEEH كتب:اولا ازيك يا مصطفى
ثانيا المزاكرة دي بالنسبه ليا مبتزيدش عن 4 ساعات في اليوم في الايام العادية
الا لا فدر الله في حاله الامتحانات وصلت ايام الثانوية 14 ساعة يوميا
وبصراحه كلنا كده مش لوحدك كده بس المشكلة انك ممكن تلحق تعوض وممكن متلحقش
وعلى الاساس ده انت بتحسب سواء كنت هتقدر تضيع وقت و لا لا

وبصراحه نصنا بيذاكر عشان الامتحان بس يعني بعد الامتحان كله في صندوق الزبالة
والنص التاني بيذاكر علشان بابا وماما واللي هما بيعملوه معانا
وانا بصراحه تبع النص التاني وفعلا على راي امنية الاسطوانة المشروخه
يبني انت هتفيد نفسك مش هتفيدنا احنا ,يبني انتا لما تبقى دكتور كويس سمعتك انت مش سمعة حد تاني ,يبني انت لما تشتغل فلوسك محدش هيقولك هات ................ والكلام اللي بنرضعه من صغرنا ده

يعني بصراحه كده المذاكره دي عدو لابد منه

كلامك كله تقريبا صح يا نبيه....بس المشكله انى وصلت لدرجه من عدم الاحساس لا توصف..... و الكلام ده مش من يومين...الكلام ده م السنه اللى فاتت....و لا انسى اكبر حادثه استهبال ف حياتى لما رحت امتحان الاحياء و ما كنتش مذاكر الا 6 فصول من 13......... و ما كنتش عايز اكرر الموضوع ده تانى ....بس شكله هيتكرر

هههههههههههههههه
انت كمان 00انا والله العظيم رحت امتحان الاحياء وانا مذاكره الوراثه بس وشويه حاجات هبله كده وطبعا مكنتش فتحت الDNA خالص 000اصل كان ليله الامتحان كان ماتش الاهلى والزمالك فى السوبر (اللى خلص 4-3)بس كان ماتش جاااااااااامد جداااااااااا00
وعادى جداااااا وبرضو جبت فى الاحياء 49 ربنا سترها والامتحان كان سهل 000هههههههههه
فعلا اخوااااااااااااااااات فى الضياع
هههههههههههههه

على فكرة الماتش كان نهائى كاس مصر مش السوبر.... و انتى كنتى واخده احياء ف تانيه ما دام قلتى ع الماتش ده
انا بقى كنت واخدها ف 3 و ما فوتش و لا ماتش ف كاس امم اوروبا وسط الامتحانات....و كنت مكبر ع الاخر و ربنا سترها....بس مش لازم تعرفى الدرجه

اللهم صل عالنبي ده انتوا متفوقين وزي الفل اهه

متحسدناش يا نبيه لو سمحت 00000
هههههههههه

ايه يا جماعة ده ما شاء الله كله دحيح هنا
انا اقفل بقى علشان منظرى وحش

ههههههههه
ليه يا كيكو هو انت مبدحش ولا ايه؟؟

هههههههههههههههههههههههههههه إيه النهايه يا مصطفى ذاكرت يعني :P

دى مشكلتنا كلنا بس اكيد لو حطينا في دمغنا هدف معين هنسعى علشان نحققه هذا السعى عبارة عن المذاكرة

يا جماعه المشكله من الاول مش فينا احنا استقر جوانا اننا بنزاكر عشان نجيب كلية الطب على قول الاهالى كوووووووووووولهم وبعد كده نزاكر ف الكليه عشان املهم نشتغل ونعتمد ع نفسنا وكلام من ده لكن احنا من جوانا مش عايزين حاجه اصلا احنا عايزين نضيع وقت مش فارقه معانا طب من غيرها بنعيط او نزعل شويه بعد النتيجه وننسا ومبنندمش ع حاجه
انتوا بتكلموا ف اييييييييييييه دا تفكيرنا كله محتاج يتغير محتاجين نقتنع احنا بنزاكر ليه بجد؟
انا زعلانه اننا كلنا كدا:cry بس هنعمل ايييييييييييه ربنا يسترها معانا دا انا بحس اننا ف خدمه اجتماعيه مش اسنان :D :D :

بصوا الكلام يتلخص فى كلمتين المذاكره دى عاده بتتعودعليها عشان ان ت مجبر على المذاكره فلازم تكرههها تعرفوااحنا ليهالمذاكرهفى الكليه تقلت علينا عشان احنا من اول السنه مذاكرناش فلازم المذاكره تكون صعبه لكن لو احنا بنذاكر اول باول عمر ماالمذاكره هتكونصعبه بالنسبه لنا وعلى فكره المذاكره مش بعدد الساعات فى ناس ممكنتذاكر فى ساعه واحده وتستوعب وناس تانيه ممكن تبيت عشر ساعات عمرماهتلاقى حد بيحب المذاكره لكن عموما المذاكره بتكون كويسه لكا تكون بتراجع كويس






















8)