وما نيل المطالب بالتمني ولكن بالدراع يابا دي غاب

من طرف راقي بأخلاقي الإثنين يوليو 19, 2010 12:06 am

وما نيل المطالب بالتمني ولكن بالدراع يابا دي غاب

سلوا قلبى وقولوا لى جوابا * لماذا حالنا اضحى هبابا
لقد زاد الفساد وساد فينا * فلم ينفع بوليس او نيابه
وكنا خير خلق الله صرنا * فى ذيل القايمة وف غاية الخيابا
قفلنا الباب احبطنا الشبابا * فادمن او تطرف او تغابى
ارى احلامنا طارت سرابا * ارى جناتنا اضحت خرابا
وصرنا نعبد الدولار حتى * تقول له انت ماما وانت بابا
وملياراتنا هربت سويسرا * ونشحت م الخواجات الديابه
ونهدى مصر حبا بالاغانى * فتملؤنا اغانينا اغترابا
وسيما الهلس تشبعنا عذابا * وتشبعنا جرائدنا اكتئابا
زمان يطحن الناس الغلابة * ويحيا اللص محترما مهابا
فكن لصا اذن او عش حمارا * وكل مشا اذن او كل كبابا
ودس ع الناس اوتنداس حتى * تصير لنعل جزمتهم ترابا
امير الشعر عفوا واعتذارا * لشعرك فيه اجريت انقلابا
وما نيل المطالب بالطيابه * دى مش دنيا يا شوقى بيه دى غاب

من طرف dr_khaled الإثنين يوليو 19, 2010 1:21 am

على فكرة حلوة أوي
وفيها فكرة
ويمكن لو كانت ماشية بستايل واحد مثلا الشطر الأول فصحى والتاني عامية كانت تبقى احسن
بس جمييييييلة
ولو انت اللي كاتبها
استمر

من طرف dezner الإثنين يوليو 19, 2010 2:14 am

جميلة جدا بجد

تسلم عليها

من طرف omayma الإثنين يوليو 19, 2010 3:47 am

سلوا قلبى وقولوا لى جوابا * لماذا حالنا اضحى هبابا
لقد زاد الفساد وساد فينا * فلم ينفع بوليس او نيابه
وكنا خير خلق الله صرنا * فى ذيل القايمة وف غاية الخيابا
وما نيل المطالب بالطيابه * دى مش دنيا يا شوقى بيه دى غاب

روعة جدا كلماتها ومعانيها روعة واسلوبها ا حلو اوى
هو مين كاتبها ؟؟؟؟