نداء..لمن يهمه الأمر

بسم الله الرحمن الرحيم

قبل ما أدخل بس على الكلام اللي عامل الموضوع علشانه ...انا مش مصدق عيني بصراحه لما شوفت البوابه....دي بوسة دي!!!....وي شفايف دي ولللا انا اللي مش شايف؟؟

اعتقد ان القائمين على الموقع أكبر من اني انصحهم وأقول يا جماعه شيلوا البوسة دي


بداية ...
منظر جميل اوي شوفته في متحف الاناتومي...كل مجموعه قاعدين مع بعض ...وبيراجعوا سوا
....

اقتكرت فكرة جميلة اوي السنة اللي فاتت...ان البنات كانوا بيتجمعوا في مكتبة اسنان وبيذاكروا ...بالرغم من فشلها ودا لظروف المكتبة

لكن في متحف الاناتومي ..الموضوع مختلف تماما...فانت بقدر تاكل وتشرب...وتخلوا بصحابك وتقعدوا لوحدكم وحاجة آخر حلاوة خالص

فانا بصراحه بنادي كل ذي علم انه يزكي عن علمه ويقتطع ولو ساعه من وقته كل أسبوع يقعد فيها في متحف الاناتومي....يشرح للغلابة اللي مش عارفه تلم المناهج


وانا مع قلة معلوماتي وعدم المامي الكامل بالمنهج.....هكون أول واحد يقدم الموضوع ده....انا جربته مع ناس زمايلي في مادة الاناتومي واخدنا العضلات بتاعه الجزء الثاني....والحمدلله روحوا مبسوطين ....وطلعوا فاهمين ...


ومش الاناتومي وبس..ان شاء الله كل المواد...واهي فرصة جميله اتعرف بيكم واتشرف بيكم

المواد في نظري ما هي الا حكايات قبل النوم ...مجموعه من القصص ...يعني هنبئا قاعدين نحكي حواديت مع بعض

ويا جماعه ياللي تعبتوا وذاكرتوا...ياريت تقدموا شيء لزمايلكم ..فزكاة العلم....تزيد العلم علما ...وتزيدك توفيق في الامتحان ...وتبارك لك في دقيقة حتى هتذاكرها

وقبل ما أختم
ياريت يكون زميلي حبيبي اللي طلب مني الساليفري جلاند ..تكون وصلت له الرساله الخاصة
واي حد محتاج اي حاجة في الساليفري جلاند....ياريت يشتري ورق دكتور هشام من مكتبة الفجر...ويتفضل الى متحف الاناتومي ويقعد معايا نص ساعه باذن الله

طايب
الموضوع ...هو نداء لكل الطلبة اللي مذاكرين ...وفاهمين...بانهم يشرحوا للناس اللي مش مذاكرة

ونداء بردو لبتوع سمك لبن تمر هندي ...حبايبي اللي انا اصلا دخلت المنتدى علشانهم ...اللي كانوا زي حالاتي كده السنة اللي فاتت..تايهين ...
انا موجود في متحف الاناتومي يوميا باذن الله لاي حد محتاج اي حاجة في اي مادة ...وبلاش كسوف او كسل...وياريت مش ننسى ان العلم بيضيع بحاجة من اتنين: الكبر ....الحياء

وأخيرا..منتظر تفاعلكم