Maxillary sinus

بسم الله الرحمن الرحيم

هنتكلم ان شاء الله عن حاجة صوغنتته جدا اسمها maxillary sinus

بدايه ياريت كل واحد هيقرأ الموضوع ...يبص على صفحة 126 في كتاب الاناتومي FIGURE 32-2

وياريت لو مع حد اطلس فوزي جاب الله ..يبص صفحه 322 والرسومات صفحة 323


في كلامي عنه هتكلم من الاخر للاول ...
طايب ايه هو الاخر؟؟

الاخر دا سؤال مليون في المية واتحداك اهو ع المنتدى ..ان الدكتور هيساله ليك..سواء تحريري او شفوي

واي حد من بتوع السنة اللي فاتت عارف واتساله

ايه هو السؤال؟؟

Clinical consideration of maxillary sinus???

الناس اللي بصت في الصفحات دي هتعرف ان فيه relations
بين maxillary sinus وحاجتين مهمين جدا شوية سنان هنقولها الوقتي وعصب بيغذي الاسنان اللي في الفك العلوي superior alveolar nerve
طايب ايه هي الاسنان اللي عاملة علاقة مع maxillarys sinus

اهم حاجة عندي upper six

لو هزود واحد يبقا upper seven
لو هنقص واحد يبقا upper five

وفيه كمان upper four
واحيانا مش دايما canine

يعني الخلاصة 6 ,7,5,4

طايب فين بئا الي انا استفدته كطبيب يعني في عيادتي؟؟؟

واحد: يقولك خللي بالك وانت بتخلع الاسنان دي....اصل لقدر الله ...يدخل حاجة من root جوه الmaxillary sinus
ودا بيذكرني بموقف للدكتورة منه مع دكتور من الفرقة الرابعه على ما اتذكر
كان بيخلع upper six
المهم وجهه احمر وجاب الوان ومش بئا عارف يتنفس...ليه يا حاج؟؟
مش لاقي بقيه الroot

طبعا دي مصيبه..ممكن يضيع مستقبله بسبب الموضوع ده

واخيييرا اكتشفت الدكتورة منه ان العيان بسلامته ...تفله في الحوض من غير الدكتور المحترم ما ياخد باله ....والحمدلله انتهت على خير

طايب ايه تاني لازم اخللي بالي منه بردو؟؟
تخللي بالك يا حبيبي....مش أي حد ييجي العيادة يشتكي من الم في الاسنان اللي فوق...تقوم سيادتك تقوله ..حشو عصب..او تقوله نخلع
ليه؟؟؟
علشان فيه حاجة في الالم اخدناها في الفسيولوجي..اسمها ...بيسمع...referred pain
يعني ايه؟؟
يعني مثلا حاسس بالم في كتفي والوجع اصلا من حاجة تانيه
يعني مهما اعالج في كتفي بكريم او مرهم مافيش فايده لان الشيء المسبب للالم ده عضو تاني خالص
وصدق رسول الله صلى الله عليه وسلم...اذا اشتكى منه عضو ..تداعى له سااااااااااائر الجسد

ايه علاقة دا بموضوعنا؟؟

احنا لسه قايلين ان فيه علاقة بين maxillary sinus وsuperior alveolar

ففيه ناس زي حلاتي كده عندهم حاجة اسمها sinusitis
ودي ببساطة معناها inflammation of maxillary sinus(infection)
فالعصب اهبل بيشيل أي حاجة وخلاص....هو شال الالم وراح موديه للمخ على انه جاي منين؟؟
من السنان اللي هو بياخد منها الاحساس اصلا

يروح المخ المتبرمج داهون...يقولك إلحق!...سنانك فيها مشاكل
وسنانك زي الفل ومية مية بس كل المشكله في الجيوب الانفيه

وممكن يحصل العكس...ان تكون السنان فيها مشاكل ...وتتنقل العدوى دي للجيوب الانفيه

ايه تالت لازم اخللي بالي منه؟؟؟

لو العيان بتاعي غلبان اوي وشايل كل الاسنان اللي بتعمل علاقة غير شرعيه مع الحجيوب دي
ما عدا سنة وحيده ..فرحان بيها

كل ما يكبر...كل ما العضم يكبر...يعني الجيوب الانفيه هتكبر في الحجم لان مافيش تحتها حاجة تعيق نموها في الحجم
فهتحاوط السنة الوحيده وتسبب له بردو مشاكل



طااااااااااااااايب انا عايز اصيغ الكلام الرخم اللي فوق اللي مش ياكل عيش في كلمات بسيطة وباسلوب علمي
هقول كده:-
بدايه هقول مقدمة بسيطة من سطرين
Extension of the floor of the maxillary sinus between the roots occuring after loss of maxillary molars or premolar may be the cause of partial fracture of the floor of maxillary sinus or its perforation during etraction
ودا كلام الدكتور في المحاضرة
1-infection in the teeth .>>may cause infection sinus and may cause opening between the sinus and oral cavity after extraction

2-in case of tumors in the maxillary sinus may cause resorption of the floor of the sinus &the root of the teeth &alveolar bone causing lossness of the teeth

3-sinusitis may cause sever pain in the teeth

اللي فوق ده زي ما قال دكتور سيد ورسم رسمة عاملة زي البالونة كده... وقالك ان ممكن inflammation يعمل حاجة اسمها oro-underal fistula
وبعالجها ب graft bone

المهم مع احترامي الشديد له ...لكن في ورق الكورسات الكلام ابسط من كده وبردو بيوصل المعنى بصورة اوضح
وهذكر اللي في ورق الكورس ولكن كان لابد من ذكر كلام الدكتور للامانه العلمية فقط لا غير

ماذا جاء في ورق الكورس؟؟؟
1-carefull extraction to avoid penetration of the maxillary sinus
2-periapical abscess or infection may extend to the maxillary sinus.
Also the maxillary sinus infection may extend to teeth

3-in some diseases of maxillary sinus ,agroup of teeth may sustain apain resembling pulpal pain . this is because the superior alveaolar nerve may become involved in the mucoperiosteal inflammation of maxillary sinus
4-in case of isolated tooth,the maxillary sinus undergoes expansion surrounding the root of the tooth


مبروك يا دكاترة...خلصت..والاسلوب اللي يعجبك اتكلم بيه بس تقول الكلام اللي انا قولته بالعربي بالاسلوب اللي يعجبه...ممكن يكون ليك انت مصدر للمذاكرة بتاعك ..اتكلم منه


طايب ايه تاني اعرفه غير clinical consideration

احنا بندرس هستولوجي يا جماعه...يعني ع الاقل لو جالك في التحريري ...histological lining of maxillary sinus
تروح حضرتك راسم رسمة العملي اللي اخدتها في السكشن بالبيانات وتوصفها


طايب اعرف عنه ايه تاني؟؟
اعرف اهميته يا اخي؟؟؟
طبعا كلام فارغ...بيخفف وزن الجمجمة...مهم في الصوتيات...له دور في حاسة الشم...بيدفيء الهواء اللي داخل الرئتين

حاجات كده عبيطة بالفهلوة


خلاص كده؟؟

الدكتور سيد اتكلم عن الاناتومي بتاعه ودا دورك انت بئا...تبص للصفحات اللي قولت لك عليها ..ولو مش فهمت ...ياريت تشارك وتقول مش فاهم


واتكلم بردو عن تعريفه؟؟

يعني لو دكتور عايز يفرد عضلاته وقالك عرف ليا يا ابني maxillary sinus

هترد بكل احترام وبثقه في الله
Large bilateral air sinus in the skull bones
Situated in the body of the maxilla –the molar & roots are the teeth which are moe soften to the sinus

Less frequency the premolar roots and conine roots


طايب يا دكتور افهم من كلامك ان احنا كده خلصنا؟؟؟

انت في رايك هنقول ايه تاني؟؟


ياريت اللي يستفيد يشكر الدكتور رحمه لان هي صاحبة الفكرة

يارب ينفعنا بما علمنا ...والعلم يهتف بالعمل ...فان ذاكرت يا ابني وعملت ليك مصدر مذاكرة ...والا العلم اللي فهمته دا هيرتحل ويبعد عنك


وخللي بالك الموضوع ده مهم جدا في الفرقه الرابعه وله فصل كامل