اشتغالة الأمريكان في تقسم الأمالجم (سلسلة معلومة ع الماشي)

بسم الله الرحمن الرحيم
ازيكو يا شباب
طبعا بتوع الكورسات والمحاضرات يغلقوا التوبيك حالا لانهم مش هيطلعوا بشيء جديد
أنا بخاطب بتوع ..سمك لبن تمر هندي
انا بصراحه متضايق جدا..لاني بعد ما كتبت الموضوع وخلاص ..هرسله...اختلط عليا الأمر وكل شيء ضاع..وبكتبه من جديد..بس ما اعتقدش انه هيبقا كويس زي الأول...لسبب بسيط...متضايق جدا من اللي حصل ده..ياربي!!!!!!!

المهم بدون مقدمات بئا وبدون أحداث قصصيه سامحوني ...

عندنا ثلاث تقسيمات للأمالجم ..وهي ببساطة شديدة جدا
أول حاجة..شكله عامل ازاي؟؟
لو أنا هشوفه تحت الميكروسكوب
واحد: مخروطي ..وكأني مقطعه بمنشار ..lath-cut

تنين: spherical...وطبعا المعنى في بطن الشاعر

تلاته: واحد وتنين مع بعض ..mixture of lath-cut & spherical...وبعبر عنه بكلمة واحده Admixed

فيه شوية علماء أمريكان ...مش عاجبهم التقسيمة دي...
عملوا جميعه ...وقعدوا في جلسة من جلساتهم قالوا ...طالما copper مهم جدا ...احنا هنقسمه على حسب نسبه copper فيه .....copper content
وهيكون يا اما نسبه عاليه high copper ...أو صوغيرة low copper
طايب ايه الفرق؟؟؟
اصحا معايا كده يا مسكر وفتح عيونك ....واحفظ النسبه دي 6%
Low copper >less than 6%
High copper > more than 6%

شوية علماء أمريكان ...أفتوا بجواز تحريم النقاب ...ما هي الدكتوراه من فرنسا.....أقصد الzinc
يعني ...أمالجم فيه zinc
وأمالجم نسبه zn ...لا تذكر
واحفظ بردو معايا النسبة دي 0.01%
Zinc containing amalgam >> more than 0.01%
Zinc free amalgam >>less than 0.01%

طاااااااااااايب بسرعه كده هنقول شوية مفاتيح للمعادلات
يعني ...لو حد سمع كده عن gamma
واحد يقولي أعوذ بالله..مش دا الاشعاع اللي بيموت !!!!
بس يا عم الكتكوت...احنا ولا بتوع اشعاعات ولا بتوع انفجرات ولا كلام فارغ..احنا يا ابني بنتعامل مع سبائك يعني معادن ...ومش كل المعادن..دا هم تلاته ...ومعاهم الزئبق

يعني ..أقولك gamma...تروح كده وانت مغمض من غير ما تفكر....تقولي فضه وزئبق Ag Hg

طايب..تعالا بئا نتعرف على العائله ...عندنا ابن صوغنون شطور وحلو خالص ..اسمه gamma one...وطالما ابن..يبئا من نسل الاب طبعا ...يعني ..فضه ....فضة وايه؟؟؟....فضه وtin ...Ag Sn ...يعني راجل من ظهر راجل


ندخل بئا ع البت المجنونة ..التانيه اللي جت من الأم ....يعني زئبق ....زئبق وايه؟؟....هيبقا ايه يعني يا ناصح...زئبق و tin .....Hg sn ...بس خللي بالك دي بنت يعني مافيش مشكله بتحصل الا ما تكون وراها...مبهدله حالة الأمالجم خالص يا عيني ...بس كويس ..مش موجوده غير في low copper بس

يعني high copper ..مش فيها gamma two.؟؟؟؟!!
آه طبعا ما فيش فيها

يعني بنقدر في high copper ..نتخلص منها بطريقتين
الأولى: بنكونها الأول وبعدين نغدر بيها ونشيلها على طول بال copper

التانيه:بشيلها على طول من الأول وبنريح دماغنا وبردو بالcopper
يعني في الحالتين مش موجودة

طايب...بيظهر مكانها ايه ...بيظهر حاجة من اتنين
Eta

Episilon
وعلشان مش توجع دماغك..الاتنين عباره عن Cu Sn



الوقتي بئا لو انت واد تمام ..تروح فاتح كتابك ...وتقرأ المعادلات ...

ولو انتي بنت بجد اوعي تفتحي كتابك وكملي قراءة الموضوع


الوقتي بئا يا شطورة انتي وهيا ...ندخل على الدح ..أقصد مذاكرة ليل ونهار دي وحته مع اللي دماغهم عاليه شوية ....لو مش فهمتوها...يبئا ولا كإنكم قرأتوها

1-lath-cut amalgam needs more condensation pressure
2-lath-cut & admixed amalgam produce better contour than spherical amalgam
3-spherical alloy requires less mercury than typical lath-cut( has been better products)

من الاخر كده يا جميله...
لو عندي shallow cavity ...ومحتاج حته حشواية صوغنتته ..هستعمل spherical

لكن لو عندي deep cavity ...يبقا وانتي مغمضة admixed

طبعا يا شباب ..المعلومة دي للبنات بس ....علشان يتلخبطوا بئا وكلام من ده..لكن انتوا يا حلوين .كفاية عليكم لحد مفتاح المعادلات

ودمتم جميعا بخير