عودة الرئيس مبارك إلى مصر بسلامة الله

القاهرة- أخبار مصر

عاد
الرئيس حسني مبارك بسلامة الله الى ارض الوطن في السادسة من مساء السبت
قادما من المانيا بعد أن أتم الله شفاءه عقب الجراحة الناجحة التى اجريت
لسيادته منذ ثلاثة أسابيع.وكان في استقبال الرئيس كبار رجال الدولة
لدى وصوله لمطار شرم الشيخ الدولي وعلى رأسهم الدكتور أحمد فتحي سرور رئيس
مجلس الشعب، وصفوت الشريف رئيس مجلس الشورى، وشيخ الأزهر الدكتور أحمد
الطيب، والبابا شنودة الثالث بابا الاسكندرية وبطريرك الكرازة المرقسية،
والمشير محمد حسين طنطاوي القائد العام للقوات المسلحة وزير الدفاع
والإنتاج الحربى واللواء حبيب العادلي وزير الداخلية.كما كان في
استقبال سيادته بالمطار الفريق أحمد شفيق وزيرالطيران المدني، والدكتور
حاتم الجبلى وزير الصحة وأنس الفقي وزير الإعلام، وفاروق حسني وزير
الثقافة، وفايزة أبو النجا وزيرة التعاون الدولى، ويوسف بطرس غالى وزير
المالية، وعبد السلام محجوب وزير التنمية المحلية، وممدوح مرعي وزير العدل،
والوزير عمر سليمان، ومحافظ جنوب سيناء محمد عبد الفضيل شوشة.

الحمد لله إنة رجع دلوقتى الراجل دة لو جرالة حاجة البلد هتقع فى بعضها

انا بحب الريس جدا والله
راجل طيب
الف سلامه عليه
وربنا يديله الصحه

هههههههههههههههههههههههه
شكلك بتهزري ياسمااح وربنا يشفيه يارب

ليه ياخالد
انا مش بهزر والله
انا فعلا بحبه لانى شايفه انه عمل حاجات كتير للبلد حلوة بغض النظر عن الوحش الى فيها
وبعدين اسكت لابلغ عنك انت مش خايف لنتاخد انا وانت ولاايه
لابس بجد انا حاسه اانه طيب وكده بحبه يعنى

ياسلام بجد مثال للمواطن الصالح مش مشكله نتاخد نتاخد
مش ورا الشمس يعني انا من زمان نفسي اعرف ورا الشمس ده يبقي فين ؟؟؟بيقولو في ناس كتير وراها
عايز اشوفهم

دى تريقه ولاايه
يعنى انت بتحبه ولا ...
وبعدين روح ورا الشمس دى لواحدك هتاخدنى معاك ليه
انالسه صغيرة و عايزة اعيش مش عايزة اروح ورا الشمس
روح انت وابقي تعالى احكيلي دا لو رجعت اصلا

وكله الا حبيبي وانا لي مين في الدنيا بعد حبيبي
هو انا هروح لوحدي علي وعلي برده
هقول عليكم كلكم وهقول ان منتدي سنانكو ده
المؤتمر اللي بناقش فيه الحركه
هتسألوني حركة ايه دي اللي هنبقي احنا المنظمين بتوعه اذاي ماعرفشي

ههههههههههههههه
طب كويس انك عرفتنى عشان اسيب المنتدى
بدري بدري قبل ماتاخد معاكو من غير ذنب

هههههههههههههههههههه
لو انتي سيبتي المنتدي احنا هنقعد فيه ليه طيب
وراكي وراكي ماتقلقيش مانا هاقولهم انتي رئيسة الحركه
ههههههههه
والتمويل اجنبي كمان من روما ههههههههههه علي اسممك ماليش دعوه

يالهوى يعنى هتبعونى كمان
طب راعى انى ضيفه في منتداكو
عموما قولهم وانا كمان هقولهم انك الbossالكبير بتاع الحركه
وهقولهم الدليل انه حاطط صورة بنت صغيرة كرمز ليه ومش راضي يغيرها
وهو ولد مش بنت ههههههههههههه
وهما هيصدقونى انا لان الستات مبتكدبش ههههههههههه

ههههههههههههههههههههههه خلاص حل محاييد نلزقها في حد تاني
ههههههههههههههه شغل اشرار اهووه
اصل سمعت ان ورا الشمس حر اوي
فياريت تخلينا هنا احسن

هههههههههههه
اوكى كده كويس
اصل انا سمعت كده برده ان هناك حر
نخلينا هنا احسن بس اى حركه غدر انا هقول علي طول انك الboss

خلاص والله انا مش هنطق تاني
هنا حلو وكميل خالص
بلا شمس بلا بتاع
هههههههههه

الحمد لله على سلامته و نسال الله أن يشفيه و يعافيه

و يرزقه البطانة الصالحة التى تدله على الخير و تعينه عليه

ألناس عمالة تدعيلو بالصلاح والهداية وخلاص كانو ملك يعني مينفعش يمشي ملو وحش يجي غيرو . و بعدين الناس اللي بتقول انو عمل حجات حلوة يقولي كدا عمل ايه وانا اقولو بزظ ايه و نعد قدام بعض و نشوف

واحد صاحب مرض و مش قادر يتحرك هيدير بلد ازاي . ورايح يصيف وبتاع دا رئيس دولة

ايه ده
انت تقصدنى انا ياشريف صح
اوكى
انافعلا قلت انه عمل حاجات كتير للبلد بس قلت بغض النظر عن اللوحش الى فيها
بس مش هقعد اعد معاك بقي الحاجات دى
انابس هسالك سؤال انت مش بتحبه ليه
وبعدين كلمه واحد صاحب مرض دى كبيرة اوى طب مكل الناس اصحاب مرض وده لابيقلل من قيمتهم ولامن شخصيتهم هو كل واحد صاحب مرض يبقي نقوله روح استنى لحد ميجى دورك وتموت يالامعتش ليك لازمه

لا طبعا واحد صاحب مرض يعني اهتمامو الاول الوقتي بصحتة و راحتة و عمر ما هيكون اهتمامو للبلد اللي بيحكمها يعني لو انتي يا سماح تعبتي و حرارتك ارتفعت و كان عندك مزاكرة مثلا هتزاكري ولا هتروحي للدكتور.؟؟؟؟
هي بالظبط كدا هوا الوقتي مريض

اما بقا مبحبوش ليه فكون ان حد يفرض نفسو علينا يبقا اصلا ملوش حق يبقا رئيس هوا نجح في الانتخابات بشكل نزيه اكيد لا دا سبب يخليني اختصر الكلام كلو ... لان كون ان واحد يلجا انو يزور عشان يحكم فهو ليس حاكم اصلا و هوا عارف ان لو كانت الانتخابات نزيهة فهو لن ينجح

طبعا مش زي ما قلتي اقصدك انتي انا بكلم كل الناس اللي بيقولو انو طيب و في حجات حلوة و كدا ...