سامحني أمالجم (سلسلة معلومة ع الماشي)

بسم الله الرحمن الرحيم

بجد لازم كل واحد يطلب من الأمالجم انه يسامحه لو واحد سأله.... الأمالجم دا عبارة عن ايه ؟؟ ...ومش عرف يجاوب

بجد حاجة تكسف .... طيب عايزين نعرف نجاوب وبمنتهى البساطة ومن غير تعقيد ولا كلام كتب

بص يا حبيبي انت وهو ... أي بيت لازم له من أساس ..ومن غير الأساس لا يكون البيت ..بالظبط زي أركان الاسلام

طيب ايه أركان الأمالجم واللي من غيرها ماكنش فيه حاجة اسمها أمالجم؟؟!!
فيه عندي عناصر أساسيةEssential elements ...ودي أهم حاجة ...وهي ...3 معادن وطبعا معاهم الزئبق
وهما ...silver ....tin .....copper

طايب..خلاص يا عم أنا وضعت الأساس ..عايزين بئا جدار وسقف ..وزينه وكده..علشان نخلي البيت أجمل ونحمي البيت ...ونضمن ان البيت مش يقع على دماغنا
علشان كده فيه حاجات ..ضفناها للأمالجم ....زي ايه؟؟؟

هقولك بس خللي بالك ممكن مش تكون موجوده....zinc........palladium........indium

..طايب يا روح قلبي اصحا معايا بئا علشان داخلين على منحدر تاريخي هام جدا جدا...وهو اشمعنا العناصر دي؟؟....والحاجات الزيادة دي لزمتها ايه؟؟

أخويا حبيبي احنا أخدنا ان فيه حاجة اسمها muscle of mastication وطبعا مش كلنا فاكرهم..والوقتي مش وقتهم بس دول بيعملوا ليا force of mastication ودي قوة رهيبه

وهنا بئا يقوم الدفاع الجوي بتاع الأمالجم بالمهمة دي....طيب ليه؟؟....silver>increase strength, decrease creep
يقوم واحد من بتوع سمك لبن تمر هندي ..يسأل ..ايه موضوع الcreep??

اعذروني لازم نتكلم عن creep وباستفاضة لانه من أهم الحاجات اللي ممكن دكتور محترم يسألك فيها في الشفوي ويلخبط ليك دماغك
كنا أخدنا قبل كده تحت عنوان rheological properties(time-independant......فقرة بعنوان Creep and Flow

واتعلمنا حاجتين ..تعريفه ومميزاته
Creep:plastic deformation of material under static load or constant stress
والdeformation بيزيد كل ما الوقت بيزيد

بالظبط زي رجل الكرسي على السجادة
كل م بيمر الوقت ..بتعلم رجل الكرسي على السجادة أكتر وأعمق

طايب...كده عرفنا ازاي نعرفه...طيب ايه عيوبه؟؟
هقولك عيوبه..حاجتين هنقولهم في تلت حاجات
يللا زي ما اتعودنا هنعد مع بعض ..ونقووووووووووووووول

واحد: deformation of dental restorations ...وخصوصا..low copper restoration

تنين: ممكن يعمل ليا مصيبه ..cause fracture of restoration >>>secondary caries
يعني بالبلدي...هيبوظ الحشوة ويعمل ليا سوسة من جديد

أخيرا: poor fit of fixed partial denture



انت واجع دماغنا ليه يا عم؟؟
علشان دي حاجة لازم مش ننساها أبدن وخصوصا مع الcopper

طاااااااااااااااااااااايب أنا تهت ومش فاهم منك حاجة!!!!!
هبسطهالك ..قدمنا حته أملجماية صوغنتته ...وضعتها تحت الميكروسكوب ...
لقيت فيها
silver>>>ودا قولنا انه بيزود strength ويقلل creep اللي انا لسه واجع دماغكم بيه
وفيه فائده أخيرة ..انه بيزود مقاومة الماده من ان لونها يتغير increase resistance to tarnish


هنلاقي ايه تاني تحت الميكروسكوب ؟؟
هنلاقي tin
sn >ودا ما شاء الله كله مصايب وطريقه مطبات أعوذ بالله بس له حسنة واحده في حياته

طايب..نعرف مصايبه الأول.؟؟؟ وللا فائدته ؟؟

الأعمال بالخواتيم...خلينا في زلاته
sn tin> decrease strength & hardness
ياااااااااااااااااه قد كده قلبه أسود!!!!!!

لا يا حبيبي دا لسه المصيبه الكبرى ... decrease resistance to tarnish and corrosion

وأكيد يا حبايبي كلكم عارفين ايه الفرق بين tarnish و corrosion ؟؟
لو حد مش عارف....يبقا يقول...وان شاء الله أقولها له في مشاركة

المهم ...
تيجي ندخل بئا على الفائدة العظيمة بتاعته

دا الريس ...مش علاء مبارك ...لا لا ولا البرادي
دا ريس التفاعل

تفاعل ايه؟؟؟

أنا بردو قولت ان فيه واحد قاعد نايم وهيسأل السؤال ده

بس يا نايم....معلش تعالى على نفسك الوقتي واحفظ الحته دي ...control reaction between silver and mercury
وبعد شوية..هنقول ايه قصة التفاعلات باذن الله

ندخل ع العنصر التالت في العناصر الاساسية...ألا وهو copper
يسلام على الcopper وحلاوته وجمال خطوته....دا له قصة لوحده هنحكيها ان شاء الله في classification
بس أعرف عنه الوقتي انه بيعمل increase strength & hardness
وكمان بيعمل ليا حاجة جميله increase setting expansion

علشان كده....مين الأغلى في السوق.....high copper ولللا low copper???
طبعا ومن غير تردد high copper

طيب ليه؟؟؟
مش تستعجل هنقول بعدين


ندخل بئا على الإضافات وهاخد منها أهم حاجة فيها ..اللي هو zinc
ايه حكايته دا كمان؟؟
ببساطة بيلعب دور مهم جدا أثناء التصنيع prevent oxidation of other metals during manufacturing
يعني لموأخذه شغال كناس scavenger
وبيلعب دور مهم بردو في الحشو of mercury help amalgamation process

ولولا الZinc كان الأمالجم Brittle.....يسلام!!

هو إضافه جميله جدا جدا
بس انت لازم تخللي بالك أوي أوي أوي
ليه؟؟
أصل بتوع المعادلات اكتشفه له معادله في منتهي الخطورة وهي كالتالي
Zinc + saliva (or water) = delayed expansion
يعني ايه؟؟
يعني يا حبيبي وانت بتحط الحشو في بؤ العيان...اياك تكون ايدك فيها عرق...
لان العرق اللي فيه ميه هيتفاعل مع zinc
وفي خلال يومين ..تلاته ...هتبوء العملية بالفشل بسبب delayed expansion

يعني خليك طبيب محترم والبس جونتي gloves

طايب ندخل على الاضافتين اللي بعد كده وهقولهم بسرعهم
Indium >reduces mercury vapor from restoration
يعني أنا ومن بعدي الطوفان والعمر مش يعزأة
لان بخار الزئيق .قاااااااااااااااااااااااااااااااتل
يعني سعادتك لو من مدمني الشم ...وعندك حاسة شم قوية...هتروح في خبر كان


آخر إضافة
Palladium >reduces tarnish (surface discoloration) & corrosion


بعد وجع الدمااااااااااغ ده....
لو أنا رايح أشتري dental amalgamهيكون عامل ازاي ؟؟(Forms)

Powder
Or
Tablets
Or
Capsules

وأكيد كبسوله الأمالجم هي المنتشرة جدا وهي اللي كلنا بنستعملها

هو كلام كتير بس مش عايزك تطلع غير بحاجتين الوقتي ...
ان high copper ..دا شيء كويس ....لانه بيزود strength ...وكمان decrease creep

هيفضل لينا حتة واحده remove gamma 2

ودي ان شاء الله المرة الجاية ....لانها حته مهمة ..لازم نعمل ليها موضوع ممتع ...مش موضوع ممل زي دا..وانا تعبت ...ههههههه

ودمتم بخير حال وابقوا قابلوني لو حد فهم حاجة:d