من الاخر عشاني وعشانكم

من طرف sheref ashraf الإثنين ديسمبر 07, 2009 11:41 pm

بسم الله
بصو يا جماعة انا هقولكم السنه دي مفروض تمشي ازاي عشان مصلحتي ومصلحتكم والله
اي ورق دروس او كلام من دا متخدوهوش ابدا ك مصدر اخير للمزاكرة يعني لو جبت ورق ن بتاع الكورسات جيبو عشان يفتحلك المواضيع كدا بس و تعرف احنا بنتكلم عن ايه لكن
لما تيجي تزاكر زاكر من ورق المحاضرات او لو كانت الماده سكاشنها زي النظري زاكر من سيكشن نضيف لو مش كاتب المحارات كويس
و الوقتي كل ماده بالترتيب
اولا : الاورال هستولوجي
بصو يا جماعه الماده دي يا اما تبقا سهلة بالنسبه ليك يا اما تبقا ماده غبيه و مقرفه و دمها تقيل انا شايفها تقيله و في ناس شايفنها سهلة اوي لكن مفيش وسط متهيالي , لان الي بدا مزاكرتها صح هو اللي حبها لكن اللي بدا فيها غلط سابها ف كلو اتراكم على بعضو :و كره الماده زي ما حصل معايا بالظبط
الماده دي لازم تحضرو محاضراتها و تعرفو الحجات اللي الدكاتره بياكدو عليها والحجات والعناوين المهمة و الاسئله اللي بتتقال ف المحاضرة و تزاكرو من اي مصدر غني بالمعلومات يعني لازم يكون معلوماتك اكتر من اللي بيتقال ف المحاضرة لان الدكاتره نفسهم قالو ان احنا مطالبين باللي تحت العنوان اللي بيتقال ف المحاضرة يعني المزاكر مش هتبقا من الورق بتاع المحاضرة كدا بس المحاضره عشان نعرف نزاكر ايه مش اكتر و بتفتح ليكو المواضيع بس, زاكرو بقا من القاهره من اسكندريه من مطروح حتى هههههههه اي حاجه المهم تزاكرو من كتاب فيه المعلومة كامله و اصبرو على نفسكو فيها انما تعتمد بقا على ورق كورس بيبقا ناقص و مفهوش نص اللي انت مطالب بيه عشان كدا اللي اعتمدو على الكورسات اللسن هاللي فاتت كانو زاكرين و ميه ميه بس عادوا السنه برضو لانهم زاكرو حاجه غلط ملهاش علاقه باللي مطلوب .
الدنتال ماتيريال :
دي ماده تتحفظ زي ما هيا كدا و هي طويله اه بس لو تعاملت معاها ببرود اعصاب و تبقا رخم زيها هتبقا برنس فيها , من الاخر مفيش اي داعي لورق فيها ولا حتى عشان يفتحلك المواضيع لانك كدا كدا هتحفظ , زاكروها من الكتاب بتاع الدكتور ابراهيم حمودة , او للي مش عاجبة نظام الكتاب زاكروها من اي حد بيكتب السكاشن ورا الدكتور احمد اللي بيحضر المحاضرة معانا و بيتابع و بيملي الناس احلى سكاشن والله و نفس المطلوب مننا و بتنظيم اكتر
المورفولوجي:
ماده بسيطه والله واللي بيحب العملي بتاعها و بيطلع سنان كويسه او متوسطه حتى هيلاقي نفسو عارف النظري اصلا من غير ما يكون زاكرو , و ك نظري المورفولوجي فعلا سهل و خفيف و لذيذ جدا , ممكن تزاكروه من مجرد انك تدون اللي في المحاضرة او اشتري اي ورق لاي دكتور ف اي مكتبه ف اي حته كلو زي بعضو لانها معلومات ثابتة عن كل سنه و محدش هيالف فيها يعني
بس نقي بقا الورق المناسب ليك ف التنظيم و كدا و الرسم كل واحد و زوقو
و نيجي بقا لمواد طب الحلوة والله اللي سهل انك تعملها حصالة الدرجات بتاعتك
الفسيولوجي :
طوييييييلة و زاكرها بانتظام احسنلك لحسن تاخد فيها اكبر والذ مقلب هتفضل تقول سهلة سهلة و تيجي ف الاخر تلاقي كوم من الورق اللي هتزاكرو , تابعها على طول و زاكر من اولا الكتاب لو قادر تعلم على الحجات اللي بتتقال ف المحاضرة و ثانيا تكتب الحجاتالزياده اللي الدكتور بيقول عليها , او انك تشوف ورق كورس فسيولوجي بتاع الدكتور الدسوقي و دا متابع المحاضرات كويس جدا و ورقو ممتاز و كمان ورق الدكتور محمد العسقلاني ورق لذيذ و مبسط و يخليك تلم الحكاية ( قشطه يا خالد )

الاناتومي

ف على فكرة بقا دي ماده ظريفه جدا و بندرس فيها حجات جميلة و مسليه بس من غير توتر يعني هتلاقي من حكمة ربنا سبحانه وتعالى كتاب جميل ابيض واسود زاكر منو
الكيمياء الحيوية : ماده اقول عليها السهل الممتنع عشان برضو يا اما تحسها رخمة يا اما تحبها انا الحمد لله بفهم المحاضرات بس مش بزاكر ههههههههه
زاكروها على ضمانتي من الشيتات اللي خدناها دي شوفو حل الشيتات اللي الدكتور اداهلنا وزاكروه هي دي الاسئله اللي هتيجي ف الامحان ان شاء الله ( الكيميائء الحيوية مش لازك تزاكروها الوقتي خالص)
الجنرال هستولوجي :
ماده بسيطه و سهله و عايزه يومين كدا ورا بعض بتكركيز تلمها لانها سهلة جدا جدا و مش وقت مزاكره فيها خالص خالص

من طرف sheref ashraf الإثنين ديسمبر 07, 2009 11:51 pm

لو عملت اللي اتقال ف الموضوع دا صدقني ربنا هيكرمك
ادعولي بقا اني اعمل الي قلتو دا

من طرف dezner الثلاثاء ديسمبر 08, 2009 12:48 am

والله انا شايف ان كلامك منطقى لحد كبير يا شريف

تسلم

من طرف Ahmed El Metwally الثلاثاء ديسمبر 08, 2009 12:53 am

بتفهم يا شريف والله

من طرف Ahmed El Metwally الثلاثاء ديسمبر 08, 2009 12:56 am

احب اضيف بالنسبه لل اناتومي عباره عن كأنك بتحفظ اناشيد محدش يحاول يفهم حاجه :oooh*:

من طرف فتاة طموحة الثلاثاء ديسمبر 08, 2009 1:22 am

شكرا يادكتور شريف كلام تمام
ربنا يكرمك ويوفقك
وربنا معانا كلنا

من طرف Den.emoOo الثلاثاء ديسمبر 08, 2009 1:53 am

hhhhhhhhhhh

walahy klam zy el foooooooool bs meeeeeeeen b2a elly hay3ml bih

rbna ywafa2na gam3een

thxxxxxxxx ya sherif

من طرف dr_khaled الثلاثاء ديسمبر 08, 2009 2:13 am

كلام كويس
أنا بس مختلف معاك في موضوع ورق الأورال
لأن في ناس أكبر مننا وبدون ذكر أسماء اسمه دكتور كريم
كان بيذاكر من ورق الكورسات (أحمد جعفر) وجاب جيد جدا في الأورال
ودي تعتبر كويسة جدا يعني
ورق أحمد جعفر أحسن من مذكرات العاصمة والأقاليم :D

that's what i see

من طرف sheref ashraf الثلاثاء ديسمبر 08, 2009 2:19 am

على فكرة الورق اللي بيتباع اصلا مش ورق احمد جعفر :D
ونا مازلت مصمم ان الورق فاكسان و اهم حاجه الورق بتاع الدكتور يسري و كمان مذكرات القاهرة او اي كتاب فيه رغي كتير :p

من طرف sheref ashraf الثلاثاء ديسمبر 08, 2009 2:20 am

dezner كتب:والله انا شايف ان كلامك منطقى لحد كبير يا شريف

تسلم

merci bien attar

من طرف sheref ashraf الثلاثاء ديسمبر 08, 2009 2:22 am

Ahmed El Metwally كتب:بتفهم يا شريف والله

et3alem b2a :D
thanx

من طرف sheref ashraf الثلاثاء ديسمبر 08, 2009 2:24 am

فتاة طموحة كتب:شكرا يادكتور شريف كلام تمام
ربنا يكرمك ويوفقك
وربنا معانا كلنا

ميرسي دكتورة رقية ربنا يكرمنا كلنا ان شاء الله

من طرف sheref ashraf الثلاثاء ديسمبر 08, 2009 2:25 am

emoOo كتب:hhhhhhhhhhh

walahy klam zy el foooooooool bs meeeeeeeen b2a elly hay3ml bih

rbna ywafa2na gam3een

thxxxxxxxx ya sherif

ههههههههههه على طول كدا يا ايمان
ان شاء الله ربنا يهدينا كلنا و اللي مبداش زي حالاتي كدا يبدا بقا متهيالي هنلحق والله

من طرف dr_khaled الثلاثاء ديسمبر 08, 2009 2:28 am

sheref ashraf كتب:على فكرة الورق اللي بيتباع اصلا مش ورق احمد جعفر :D
ونا مازلت مصمم ان الورق فاكسان و اهم حاجه الورق بتاع الدكتور يسري و كمان مذكرات القاهرة او اي كتاب فيه رغي كتير :p

لا هو بتاع أحمد جعفر
أنا قارنته بالورق اللي فيه العلامة ده ولقيته هو هو
بس غالبا حد خده وكتبه عشان كده من غير علامة .. وده أكيد أحسن لينا

على فكرة ماشي مع المحاضرت ولامم الدنيا
هي المادة ناقصة تعقيد ورغي يا عم