الصعيدى الروش والبنت الاستايل ...جامده..(الحلقة الاولى)

من طرف Eman Iran الثلاثاء ديسمبر 16, 2008 3:51 pm

احمد : لو سمحتي حضرتك...ممكن براية

نور: هههههههههههههههههههههههههه

احمد : حضرتك بتضحكي على ايه ممكن اعرف يعني لو سمحتي

نور : مش عيب شاب في سنك يطلب براية ..ده احنا في جامعة

احمد : طيب معاكي شفرة...عشان المحاضرة هتبدأ خلاص

نور : ايييييه..ايه شفرة دي..ممكن تسكت لو سمحت

احمد "بصوت عالى" : حد معاااااااه براااااااااية....او قلم زيااااااادة..ردوا

نور : انت اكيد مجنون وطي صوتك الطلبة كلها بتضحك عليك

احمد : ويضحكوا ليه ولاد الدزمة دووووووووول

نور : خلاص خلاص انا هنقل المحاضرة وبعدين اديلك تصورها

احمد : شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد : يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة

نور : انت مالك ومال خطي مش كفاية هديلك تنقل مني وهتعطل انا

احمد : ليه وانتي عربية اصلك علشان تتعلطي..هما البنات متعطلين خلجة

نور : انت انسان قليل الادب...بجد مش بتعرف تكلم البنات ازاي

احمد : لأ يا شيخة والنبي المرة الجاية تبقي تجيبيلي الكتالوج بتاعك

( نور عشان رقيقة سكتت ومش عرفت ترد على احمد بحاجه وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية

احمد وسط حشد من الطلبة بنات وولاد وكأنهم قطيع من المواشي

وضحكته سمعت كل اللي ماشي هرررررررررررر

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل

هالة : تلاقيه شاب تحفة...مش باين عليه استايل خالص..ده لابس بدلة وكرافت

نور : بس تعرفي شكله وسيم اووووي...حاسة انه طيب وعلى سجيته

هالة : اوووو...ده وسيم؟...ده مش حاطط نقطة جيل على شعره حتى..شعره منعكش جدا

نور : يا ستي سيبك

هالة : على رأيك

خلص اول يوم في الجامعة وقبل النهاية بدقايق

احمد : يا استاذة يا انسة فين المحاضرة عايز انقلها هاتيها يلا يلا بسرعة

نور : تنقل ايه يابني دي عشر ورقات غير في رسومات وجداول

احمد : ومالهم يعني عشر ورجات انتي هتخلفي وعدك ولا ايه

نور : انا مقلتش كده بس في حاجة اسمها تصوير..اسرع يعني

احمد : هههههههههههههههههه اصور ايه بخطك الزفت ده..شوفي ...زفت

نور : حقيقي انا غلطانة وكلام هالة باين عليه صح...بعد اذنك..اوف

سابته ومشيت .....

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

اشوفكم الحلقه الجاية ان شاء الله :lol!:

من طرف Mostafa ElShirbeny الثلاثاء ديسمبر 16, 2008 4:03 pm

شكله هيبقى مسلسل حلو يا لفلى......Go on :D

من طرف Eman Iran الثلاثاء ديسمبر 16, 2008 4:06 pm

اه ده مسلسل جامد على فكرة
وانا عندى الحلقات

بس مش هنزله كله مرة واحده على اقل من مهلى
:lol!: :geek:

من طرف dr.omnia الثلاثاء ديسمبر 16, 2008 6:36 pm

حلوووووووووووووو يا إيمىىىىىىىىىىىىىىىىىىىىىىىىىىى

من طرف dezner الثلاثاء ديسمبر 16, 2008 7:17 pm

كله مسلسل جامد

شكرا يا لفلى

بس ياريت ميكنش مسلسل عربى ويحبها بئا و الحركات دى

من طرف Gladiator الثلاثاء ديسمبر 16, 2008 7:19 pm

حلوة بس ممكن بلاش اسم احمد

اصل كل اللى اسمهم احمد

و الله ناس استايل

هههههههه

من طرف the lord king الثلاثاء ديسمبر 16, 2008 8:54 pm

انا اسمى احمد وما بحطش جيل يبقى انا وحش ولا ايه

بس هى بصراحه معديه

من طرف oshy الثلاثاء ديسمبر 16, 2008 9:13 pm

جامدة أوى يا لفلى
بتفكرنى بفيلم صعيدى فى الجامعة الامريكية

من طرف rana الخميس ديسمبر 18, 2008 11:04 am

هههههههههههههههههههه
ده رخم اوي

يميرسي يا لفلي احنا مستنين الباقي
يلاااااااااااااااااااااااااااااااااا

من طرف Alex الخميس ديسمبر 18, 2008 1:02 pm

Mostafa ElShirbeny كتب:شكله هيبقى مسلسل حلو يا لفلى......Go on :D

من طرف hero الخميس ديسمبر 18, 2008 2:53 pm

ههههههههه ما هو صعيدى بقى لازم يبقى كده

من طرف the lord king الخميس ديسمبر 18, 2008 7:32 pm

يا جماعه بس هو زودها اوى لانى اعرف واحد من اسيوط مش كده خااااااااااااااااااااالص

من طرف Eman Iran السبت ديسمبر 20, 2008 11:39 am

الحمد لله طبعا انه عجبكم بس احب اقول ان اسم احمد ده جه عادى كده والله مش مقصود بيه حد ..ده انا حتى اخويا اسمه احمد بس طبيعى وعادى جدا :D وحكايه انه صعيدى دى فهى على سبيل الهزار طبعا ومش معنى كده ان كل الصعايده مقفلين ورخمين لا طبعا...وع فكرة انا لما قريت الموضوع ده عجبنى اوى فحبيت ان احنا نقراه مع بعض والحمد لله عجب الكل اهو

وهنزل بقيت الحلقات بقى ان شاء الله