(( مش ماتش ))

من طرف dr_khaled الخميس نوفمبر 19, 2009 7:13 pm

شفت طفلة بريئة
والعلم نايم على خدها
من قلبها بتهتف "مصر"
وبرقة مفيش بعدها
بتحسب كل ساعة وبتعدها
لاجل ما تِفْرَح الملايين
وتتباهى بمجدها
وجت الساعة اللي
المفروض تفرح عندها
الدموع سالت ومسحت
العلم اللي كان
من ساعة بيضحك
وبيحكي عن هناها وسعدها ....

شفت شاب من ملامحه مصري
مش محتاج أبدا علم
وشفت ميت صحيفة وجريدة
وقريت لميت قلم
بيحكي عن الفوز والنصر
فجأة النصر راح
ومشفتش غير المرارة والألم
اللي يقول شحاتة
واللي يقول الحكم
وهيفيد بإيه ؟!
هيفيد بإيه الندم ؟!
مالنتيجة والحدة
هي الألم .. هي الألم

وشفت شوارع مليانة
رجالة وأطفال فرحانة
وبنات واخدة العلم في حضنها
والقلوب راحة تشجع وسيبانا
وفجأة خلصت الزحمة
شوارع بس فاضية وزعلانة
وأعلام منكسرة وخجلانة
اللي خسر مش الفريق
الجماهير هي الخسرانة ....

وشفت مواقع وقنوات فضائية
وسمعت للوطن ييجي ميت أغنية
وعليتْ أوي فينا الوطنية
وفجأة .. أقلّب
ألاقي جورج واسوف و عدوية
و "دايما دموع" و "ظلموه"
وهاردلك للجالية المصرية
في كل الدول العربية
والأجنبية
وأخبار عن ناس مهمومة
وناس جالها صدمة عصبية ...

الليلة ليلة حزينة
وعندهم حفلة في السهرة
واتحققت مقولتنا
يللا "ارقصي يا خضرة"

بس معملناش أبدا حسابنا
يوم ما الخضرة ترقص
ترقص على حساب الفراعنة

اللي راح مش ماتش
ولا اللي راح مونديال
اللي راح كان حلم
كل يوم ع البال
-------------------

من طرف heba الخميس نوفمبر 19, 2009 7:45 pm

حلوة قوىىىىىىىىىىىىى
بجد انا زعلانة من اللى بيحصل اكتر ما زعلانة ع الخسارة
ثانكس خالد

من طرف فتاة طموحة الخميس نوفمبر 19, 2009 9:08 pm

وأخبار عن ناس مهمومة
وناس جالها صدمة عصبية ...

لا جلوةةةة جداااااا وجدااا كمان
دمت مميزا
استمر بارك الله فيك

من طرف dezner الخميس نوفمبر 19, 2009 11:31 pm

اللي راح مش ماتش
ولا اللي راح مونديال
اللي راح كان حلم
كل يوم ع البال

حلم كان فاضله خطوة و يبقى حقيقة

بجد تشكر ياخالد

بتعبر عن مشاعر الجمهور المصرى المحترم

من طرف MeGa الجمعة نوفمبر 20, 2009 4:34 pm

بجد بجد

تستحق التحية و الاحترام

عبرت عننا بكل بساطة و رقة

تسلم ايديك يا خالد :)

من طرف dr_khaled السبت نوفمبر 21, 2009 3:15 am

bossy كتب:حلوة قوىىىىىىىىىىىىى
بجد انا زعلانة من اللى بيحصل اكتر ما زعلانة ع الخسارة
ثانكس خالد

انا زعلان ع الاتنين
اصل انا كنت حلمت خلاص اننا وصلنا :(
يللا حصل خير
ميرسي بوسي

من طرف dr_khaled السبت نوفمبر 21, 2009 3:20 am

فتاة طموحة كتب:وأخبار عن ناس مهمومة
وناس جالها صدمة عصبية ...

لا جلوةةةة جداااااا وجدااا كمان
دمت مميزا
استمر بارك الله فيك

ربنا يخليكي د/ رقية

من طرف dr_khaled السبت نوفمبر 21, 2009 3:22 am

dezner كتب:اللي راح مش ماتش
ولا اللي راح مونديال
اللي راح كان حلم
كل يوم ع البال

حلم كان فاضله خطوة و يبقى حقيقة

بجد تشكر ياخالد

بتعبر عن مشاعر الجمهور المصرى المحترم

ميرسي يا عطار

من طرف dr_khaled السبت نوفمبر 21, 2009 3:25 am

MeGa كتب:بجد بجد

تستحق التحية و الاحترام

عبرت عننا بكل بساطة و رقة

تسلم ايديك يا خالد :)

ربنا يخليك يا ميجا
انا بجد كان نفسي نصعد
كان أحد أحلامي

من طرف KAZKOZA السبت نوفمبر 21, 2009 7:52 pm

mo3abbra f3lan ..
gameela awe ..oslobha 7lw ..
go on ..... :bravo2*:

من طرف dr_khaled السبت نوفمبر 21, 2009 9:57 pm

KAZKOZA كتب:mo3abbra f3lan ..
gameela awe ..oslobha 7lw ..
go on .....

thnx radwa , ana 3aref el 7agat el 3amya mesh bt3gbko awii
bs ana kont b5afef 3n nafsy shwaya :D

من طرف roma الأحد نوفمبر 22, 2009 1:33 pm

الليلة ليلة حزينة
وعندهم حفلة في السهرة
واتحققت مقولتنا
يللا "ارقصي يا خضرة"

بس معملناش أبدا حسابنا
يوم ما الخضرة ترقص
ترقص على حساب الفراعنة

اللي راح مش ماتش
ولا اللي راح مونديال
اللي راح كان حلم
كل يوم ع الب

جميل جدا جدا
يادكتور خالد
ومعبر عن كل الالام الي كلنا حاسين بيها
الالام الي مكناش متوقعين انها تيجى من اقرب الناس لينا
من دولة عربية شقيقة
بس هنعمل اية هنقولهم حسبي اللة ونعم الوكيل فيكو
الف مرة
وان شاء اللة عمركو مهتكسبو بعد النهاردة
وبعد كل الي حصل فينا منكو
منكوم لله

متشكرة جدا جدا هو فعلا توبيك هائل ربنا يوفقك ويكرمك

من طرف dr_khaled الأحد نوفمبر 22, 2009 4:57 pm

roma كتب:الليلة ليلة حزينة
وعندهم حفلة في السهرة
واتحققت مقولتنا
يللا "ارقصي يا خضرة"

بس معملناش أبدا حسابنا
يوم ما الخضرة ترقص
ترقص على حساب الفراعنة

اللي راح مش ماتش
ولا اللي راح مونديال
اللي راح كان حلم
كل يوم ع الب

جميل جدا جدا
يادكتور خالد
ومعبر عن كل الالام الي كلنا حاسين بيها
الالام الي مكناش متوقعين انها تيجى من اقرب الناس لينا
من دولة عربية شقيقة
بس هنعمل اية هنقولهم حسبي اللة ونعم الوكيل فيكو
الف مرة
وان شاء اللة عمركو مهتكسبو بعد النهاردة
وبعد كل الي حصل فينا منكو
منكوم لله

متشكرة جدا جدا هو فعلا توبيك هائل ربنا يوفقك ويكرمك

ميرسي يا روما
هايل بيكم
ربنا يخليكي

من طرف khaled gamal abd elmouemn الأحد نوفمبر 22, 2009 5:06 pm

جامد جدا ياخالد معبره عننا فعلا

من طرف dr_khaled الأحد نوفمبر 22, 2009 5:33 pm

طبعا انت قاريها من زمان :D

(( مش ماتش ))

(( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))

رد: (( مش ماتش ))