الفيفا يعلن أسماح المرشحين لجائزة أفضل لاعب في العالم

أعلن الاتحاد الدولي لكرة القدم "FIFA" القائمة النهائية للاعبين المرشحين لجائزة أفضل لاعب في العالم لهذا العام وشملت القائمة أسماء خمسة لاعبين.

وضمت كلاً من:

كاكا "البرازيل".

ليونيل ميسي "الأرجنتين".

كريستيانو رونالدو "البرتغال".

فرناندو توريس "إسبانيا".

تشافي هيرنانديز "إسبانيا".

وتعد هذه هي المرة الأولي التي يعلن فيها الاتحاد الدولي لكرة القدم خمسة مرشحين لنيل الجائزة وليس ثلاثة أسماء كالسنوات الماضية وتسلم الجائزة في احتفال يقام بزيورخ يوم 12 يناير 2009

شكرااااااااا لموضوعاتك الجامده
بس بقولك انا بحب اتنين فيهم اعمل ايه؟
ولعبهم بيعجبني جدااااااااااااااا

لو انتى متابعه كورة كويس السنه دى....اختارى اللاعب صاحب الانجازات الاكبر مع فرقته...انتى بتحبى كرستيانو و ميسى؟؟ و لا حد تانى

انا عن نفسى بحب كريستيانو جدااا بيعجبنى لعبه 00بس اخلاقه وحشه حبتين
وكمان بحب كاكا 000بس هختار كريستيانو

بصرف النظر عن الغرور و التعالى و العصبيه...بس فعلا كرستيانو هو الافضل السنه دى بدون شك و لقب دورى ابطال اوروبا لوحده يرجح كفته عن كل الاسماء اللى معاه...ده غير انه احرز 30 هدف ف الدورى الانجليزى الموسم اللى فات و 8 اهداف ف دورى ابطال اوروبا

على فكره بدون منازع كرستيانو بانجازاته باخلاقه بمهارته باحوانه باضافته للفريق باللي هييعمله ان شاء الله في كاس الانديه مش محتاجه

بحلاوته بسلطاته بباغنوجه...قشطه يا متولى...بس انا شايف انه مش اخلاق خالص و مغرووووور جدا...و حركاته كتير جدا و اخرها اللى كانت فى ماتش استون فيلا فى الدورى...بس اكيد هو الافضل السنه دى

انا صراحه مشفتش اي حاجه ليه وحشه بس ابو شربيني قال انه مش اخلاق يبقى مش اخلاق :D

هههههههههههههههه...ماشى يا متولى...بس اقولك انا على ماتش استون فيلا ده...كان فى ملعب الفيلا بارك...و كان مانشستر محتاسو استون فيلا مبهدله ع الاخر ...قام اليكس فرجسون مغير كرستيانو(و طبعا ده ما بيحصلش الا فيما ندر جدا)...و بعدين و هو خارج جماهير الفيلا كلها صفرت ضده....قام رفع صباع السبابه ف وش الجماهير و قالهم i am the one و كررها كذا مرة و كانت باينه اوى ف التليفزيون.......ده دليل ع الغرور.....اما دليل على اخلاقه اللى مش عاليه خالص.....اشهرها طبعا اللى عمله ف ماتش انجلترا و البرتغال ف دور الثمانيه ف كاس العالم 2006 لما اتسبب ف طرد زميله ف مانشستر..واين رونى...رغم ان الفاول ما كانش يستحق اطلاقا بس هو اللى استفزه و اتسبب ف طرده...لدرجه انه بعدها كان خايف يرجه يلعب ف مانشستر تانى عشان جماهير انجلترا كانت ارفانه منه و كان عاوز يروح الريال......كفايه كده زهقت م الكتابه :D

لا فعلا اخلاقه وحشه أوي

بس يا شربينى الاختيار ده الصراحة صعب جدا لان فيه اكتر من لعيب كويس بس انا هختار كرستيانو لان حقق اكتر مع فريقه بس ده مش ينكر مجهود اللعيبة التانية

بس على فكرة التصنيف ده على اللعب بس مش الاخلاق

ما هو لو ع الاخلاق يا فتحى مش هختار كرستيانو اصلا و لا ينفع يبقى منهم خالص

طبعا كلامك صح بس التصنيف مش على الخلاق لو على الاخلاق هختار ابو تريكة وانا مغمض