الدراسه إمته يا بشر؟؟؟؟؟؟؟

iهو اكيد هتبدا 3/10 ان شاء الله
بس كان في قرار بالتاجيل اكتر
بس لسة متنفذش

والله اعلم

هوا انتا ناوي تروح من أول يوم والا ايه يا كيمو

قالوا ان شاء الله هتكون 3/10
وقرار التأجيل لسه ماتنفذش وممكن يتلغي
بس براحتهم احنا مش مستجلين

الدراسه هتبدا 26 سبتمبر

القاهرة - أكد الدكتور هاني هلال وزير التعليم العالي والدولة للبحث العلمي أن الدراسة في الجامعات ستبدأ يوم السبت 26 سبتمبر الحالي دون تأجيل .

وقال الدكتور هلال الموجود حاليا فى باريس - إنه لايوجد أي سبب يستدعي تأجيل الدراسة ..كما لم ترد أي إشارة من وزارة الصحة تفيد ضرورة التأجيل حيث يتم التنسيق بين الوزارتين الصحة والتعليم العالي منذ شهر أبريل الماضي لتفادي أي إنتشار للمرض وترتيب الإجراءات اللازمة لمواجهة المرض بفتح عيادات في الكليات والمستشفيات الجامعية لمواجهة هذا المرض.

وأضاف إن التأجيل والغلق لم يتم على مداه إلا إذا إستدعى الأمر ذلك..بمعنى أن المرض إذا وجد في كلية فيمكن إغلاق هذه الكلية فقط أو الجامعة..كما لايمكن أن يكون المرض بجامعة الأسكندرية فنغلق جامعة القاهرة.

وأكد هلال كذلك ضرورة الوعي الكامل لمواجهة هذا المرض فعلى الأهالي إذا ظهر على أبنائهم أي أعراض فهذا يستوجب عدم إرسالهم للكليات وإبلاغ الطبيب حرصا على بقية الطلاب مع ضرورة التأكيد على النظافة والتهوية لعدم إنتشار هذا المرض.

المصدر: وكالة أنباء الشرق الأوسط.

ايه ده يعنى الدراسه هتبدأ بكرة ولا ايه ؟؟؟؟؟

ازاي يا جماعه ده
ده بجد حاجه تنرفز جدا جدا
شكرا انوار ع الخبر
حاجه تضايق
بكره ايه فجأه كده
كل يوم معاد و حاجه شكل
يلا ده المعتاد

بكره ازاى اذا كان حتى الجدول لسه منزلش ؟؟؟!!!!!!!!!!!!!

بكره ازاي

اخر كلام بكرة ولا ايه؟؟؟؟؟؟؟؟؟؟

على فكرة يا جماعة نص الخبر ده من يوم 11 سبتمبر يعنى فترة مش قليله و كمان لو فيه المفروض يكتبوا على شريط الاخبار و يقولوا ف النشرات ع الاقل
عموما حتى لو فيه هيبقى اخره تنزيل جدول يعنى مش هتفرق معانا

اخر اللي سمعته
3/10
وبالتوفيق للجميع

أيوة يا جماعة يعنى نروح بكرة ولا ايييييييييييه؟

معتقدش ان فى دراسه بكره يا جماعه
وطبعا مشكوره انوار على الخبر
واكيد لو كانت بكره كان زمان الدنيا كلها عرفت والاخبار وكله قال
بس اللى اعرفه انها هتبقى يوم 3\10 ان شاء الله وحتى لو هى بكره بيبقى اول اسبوع مفيش فيه اى حاجه وحتى لو فى مش هتفرق من يوم يعنى
ولو حد راح وكان فى دراسه هيقولولنا ان شاء الله
ومشكورين طبعا

يا جمااااااااااعة
الراجل كان فى بريس وميعرفش حاجة وتانى يوم لما رجع قال فى نفس الريدة الى هى المصرى اليوم انها هتتاجل ليوم 3\10
وكمان انا كنت فى جامعة بس طنطا وقالوا ان الدراسة 3\10 وربنا يستر ومش تتاجل وانا متاااااااااااااااااكد 

انا برده مستغرب حكايه ان الدراسه بكرة دى ومعتقدش اساسا ان في حاجة بكرة

قررت مصر يوم الخميس تأجيل فتح المدارس والجامعات لمدة أسبوع خوفا من انتشار وبائي للفيروس (اتش1 ان1) الذي يُعرف إعلاميا باسم انفلونزا الخنازير.

وكان مُقررا فتح المدارس والجامعات التي يدرس فيها ملايين الطلاب يوم 26 سبتمبر أيلول.




من جانبه، أكد الدكتور رضا أبو سريع مساعد أول وزير التربية والتعليم المصري أن القرار الجديد بتأجيل العام الدراسى، لن يؤدى إلى تأثيرات سلبية على العملية التعليمية.
وقال أبو سريع - فى تصريح له الجمعة - إن هذا التأجيل سيسمح بمزيد من تنفيذ الترتيبات المتفق عليها بين وزارتى التربية والتعليم والصحة المتعلقة بتحقيق الاجراءات الوقائية فى المدارس، لحماية الطلاب من التعرض لمرض أنفلونزا الخنازير.


ود االخبر الاكيد

من اخر كده انا قرات فى مجلة م تزوقينى يا ماما صفحه 1026538560 (سوف يتم الغاء الدراسة نهائيا فى مصر و اغلاق جميع المدارس و الجامعات و على الساده الطلاب التوجه للشوارع و التشرد لاكتساب الرزق و الا مش حتنفعوا و انتو احرار ) .......... هههههه هزار طبعا
اعتقد انها 3\10 فعلا لان مفيش اى مقدمات ان الدراسة بكرة مش معقول حتبقى بكرة فجاة كده

3/10 isA

يا جماعه الدراسه ان شاء الله يوم السبت الجاي 3\10بس فيه جامعات خاصه الدراسه عندها26\9فيه واحده صاحبتي ف جامعه خاصه وعندها الدراسه هتبدا النهارده انما ان شاء الله الاكيد احنا3\10

طيب
بس مش السبت اجازة في اسنان؟؟
يعني
حنروح السبت والللا الاحد؟؟