عاش الشعب العربي عاش...عاش ولا ان شاالله معاش

عاش الشعب العربى عاش
عاش ولا انشالله معاش

كفاية علينا ..
نشوف بعنينا
الأطفال بتموت قدامنا
رحنا وجينا..
شايلين ف إيدينا
عروبة بتلعن كل كياننا
ياما نادينا..
على حكامنا
وقولنا بعلو الصوت إسلامنا!
لكن مين هيحس كلامنا
إيماننا خلاص بقى فى الإنعاش
عاش الشعب العربى عاش
عاش ولا إنشالله معاش
كفايا علينا ..
نشوف العار
ويقتل فينا الإستعمار
تتألم غزة وتنزف نار
والقدس بعِزة
رافض ينهار
إفرحوا يا مُلوكنا..
هاتوا الإعذار
الغرب مَلكنا ..
بعدوان وحصار
لو قولنا حقوقنا يضربها طناش
وعاش الشعب العربى عاش
عاش ولا إنشالله معاش
الدم بيغسل أرض ياسين
والطفل فحضن الأم حزين
وأقصى بيبكى ألم وحنين
على شعب الزيتون والتين
ألف شهيد وجريح مسكين
مزروعة ف صدره السكاكين
وقنابل بتغير لون البساتين
سامعـــين ! شايفـين!
عارفــين! ساكتــين!
سامعين الأُمة بتدن فين !!
شيفين مين بيدمر مين!!
عارفين لكن طبعا خايفين
ساكتين عالحق اللى مجاش
عاش الشعب الطيب عاش
عاش وإنشالله عمره معاش
معقول هيفوقوا الحكام!!
من خوف بيزودنا آلام
معقول يبقوا فيوم صدام
كَل ومَل وقال ده حرام
وكان الحكم علية إعدام
دة إحنا ف زمن الإستسلام
والأرض بتطرح ألغــام
وسلاح محذور الإستخدام
وسلام على حقى . راح ببلاش
عاش الشعب العربى عاش
عاش وإنشالله عنه معاش
فى المؤتمرات..
قاعدين بيغنوا بالناى والعود
200 وزير و100 سفير
بيبوسوا ع الايد والخدود
وكنداليزا القردة قاعدة
ومع إحترامى للقرود
قاعدة بتايد قرار يدى حق لليهود
يضربونا فوق قفانا
وألف شكر على الإعانة
إتفضلو مجد الجدود
الأقصى حتى لو نادانا
هنسيبوا خاضع للإهانة
بالذل والخوف والمهانة
جُبننا فاق الحدود
وسلام لفوه بالشاش
عاش الشعب العربى عاش
عاش وإنشالله عمره معاش
ديمقراطى ....ودىمكرونة
وادى إسرائيل الملعونة
وادى عروبتنا المرهونة
كيف حال ثورتنا المسجونة ؟!
سجّانها بيحرق كرمتنا
وبيسرق فرحتنا وقوتنا
ويدمر فوق رؤسنا بيوتنا
ليه نسكت على دم اخواتنا؟
ليه نرضى بتشتيت وحدتنا؟
دى الأُمة العربية حياتنا
فيها إية لو نبدأ خطوتنا!
بالحرب نحرر غزتنا
من عالم كداب غشاش
عاش الشعب الطيب عاش
عاش ولا عنه معاش؟؟؟ :bad:

جميله جدا يا روما .. و انا من رايى انو .. ان شاالله ماعاش .. شكرا

حلوة جدا يا روما
كلماتها معبرة جدا

dezner كتب:لو قولنا حقوقنا يضربها طناش

لدم بيغسل أرض ياسين
والطفل فحضن الأم حزين
وأقصى بيبكى ألم وحنين
على شعب الزيتون والتين
ألف شهيد وجريح مسكين
مزروعة ف صدره السكاكين
وقنابل بتغير لون البساتين

لن يعيش ولن يبقى سوى الإسلام

انما بحالة العرب دى يبئا نستاهل الحرق

شكرا روما

شكرا ليك انت يامحمد وبردة لازم يبقي عندنا امل والحل بسيط جدا هو الوحدة بين الدول العربية مش كل واحد بيقول يالا نفسي وكل واحد ميهمهوش غير مصلحتة وبس
ميرسي ليك اوى واسعدنى رايك

Mostafa ElMorsy كتب:جميله جدا يا روما .. و انا من رايى انو .. ان شاالله ماعاش .. شكرا

لية كدة بس
خلي عندك امل اننا نتغير للاحسن
وان شاء اللة ميسرنا نتغير
وعموما اسعدنى رايك يامصطفي ميرسي ليك

bossy كتب:حلوة جدا يا روما
كلماتها معبرة جدا

اللة يخليكى دا بس من ذوقك واللة
وميرسي علي الكومنت الجميل دة

شكرا اي روما علي الكلام الجميل بس اقولك كلمه هي الملخص اتفق العرب علي الا يتفقوا وابقي قابلني لو اتفقوا

gamda awe ya romaaaaaaaaa

thnxxxxx :hat:

cutegirl كتب:شكرا اي روما علي الكلام الجميل بس اقولك كلمه هي الملخص اتفق العرب علي الا يتفقوا وابقي قابلني لو اتفقوا

ميرسي اوي ياقمر علي الرد
واملنا انهم يتفقوا
ويارب يتفقوا

Eman Iran كتب:gamda awe ya romaaaaaaaaa

thnxxxxx :hat:

شكرا ليكى انتى ياايمان
واسعدنى رايك جدا
نورتى

الدم بيغسل أرض ياسين
والطفل فحضن الأم حزين
وأقصى بيبكى ألم وحنين
على شعب الزيتون والتين
ألف شهيد وجريح مسكين
مزروعة ف صدره السكاكين
وقنابل بتغير لون البساتين
سامعـــين ! شايفـين!
عارفــين! ساكتــين!
سامعين الأُمة بتدن فين !!
شيفين مين بيدمر مين!!
عارفين لكن طبعا خايفين
ساكتين عالحق اللى مجاش


اكتر حتة شدتني
بس لعلمك القصيدة تحفة
سلمت الايادي :hat: