يوميات شاب روش في الجيش .....

زيكو شاب روش يموت في الروشنة و الملابس الروشة و الماركات العالمية و لبسه استايل خالص و لازم السلسلة اللي عليها صورة جيفارة في صدره و الحظاظة في ايده .
زيكو كل يوم بيحب يسهر بره و مقضيها تظبيت كل يوم مع واحدة شكل .
و معروف انه دنجوان الجامعة و كل البنات بتموت فيه و طبعا كل الولاد بيحقدو عليه طبعا مين زيه .
و على طول بيعدي السنة في تلاته أكيد يعني هومش فاضي للمذاكرة و الحاجات اللي تزهق دي .
خلاص النتيجة طلعت و الحمدلله زيكو نجح بمقبول على اخره و بعد رفع ماديتين .
زيكو بدأ يشوف نفسه بقه الواد خلص جامعة و خد مقبول قد الدنيا و عايز يشوف بنات جديدة غير بتوع الجامعة .
كل يوم يروح كافيه شكل و مفيش واحدة عجباه عشان يظبطها و طول ما هو في الكافيه الشيشة مبتفارقهوش .
و في يوم شاف سالي و قال بكرة البت دي حظبطها .
و صحي تاني يوم العصر زي العادة و بدأ يجهز عشان يروح الكافيه و عمال يحط خطط ازاي يوقع سالي في حبه .
لكن جرس الباب يرن مامته تفتح تلاقي جواب لزيكو .
زيكو فتح الجواب و بدأ يقراه من هنا و راح أغمى عليه يعيني .
زيكو حبيبي مالك حصلك حاجة
الجواب ده فيه ايه ؟؟؟؟؟؟؟؟
مامته تمسك الجواب و تقراه و تلاقي انه .
.
.
.
.
.
.
.
.
ينهار ابيض جواب استدعى للتجنيد !!!!!!!

ايه اللي هيحصل لزيكو .... و ازاي حيتقبل الموضوع ده ....
استنو الحلقة الجاية من مسلسل يوميات شاب روش في الجيش .

:teeeeeth: :teeeeeth:

هههههههههه
ايه بس التشويق ده
يلا مستنين باقى الحلقات زيكو الفرفور ده

lol lol

ههههههههههه

مستنين مفاجآت سى زيكو

هههههههههههههه
يعنى
يا حبيب مامى تصدقى زيكو صعب عليا lol

فين التكملة يا بنتى
يللا مستنية

مع ان المشركات مش كتير زي مكنت متوقعه بس هكمل
شووووووووووووووووووووووووووووووووووووووووووووووفو

عمنا زيكو قعد يومين في البيت مغمي عليه و مبينطقش لكن بعد محاولات مضنية ( حلوة مضنية دي) من مامته و باباه راح زيكو منطقة التجنيد و التعبئة و هناك كانت الصدمة .
الصدمة كانت بالنسبة له طبعا شباب من كل حته جايين منهم من القرى و الارياف و العشوائيات .
و ده ياي مش ممكن ايه الريحه الوحشة دي !!!!!!!
ايه هما الناس دول ميعرفوش حاجة اسمها بودي سبراي ميعرفوش حاجة اسمها دي أودرنت ياييييييييي.
المهم صاحبنا وقف في الطبور عشان الكشف الطبي و الحاجات دي و جاي الشويش بيقوله اسمك ايه ؟؟؟؟
رد زي العادة اسمي زيكو
و طركشششششششششششش!!!!!!
قلم على قفاه
زيكو يا روح ماما اسمك الثلاثي ايه يا مجند
زكي أحمد عبد السلام
ايوه كده أوقف عدل يا مجند
صاحبنا واقف حيعيط خلاص م الذل و الاهانة .
المهم دخل الكشف الطبي كشفو عليه و للاسف طلعوه لائق
و حيروح الجيش يعيني .

يعيني يا يعيني يعيني عالولد يعينى......
سورى على الفاصل الغنائي ده .

المهم صاحبنا رجع البيت و هو قاهر نفسه من العياط حيروح الجيش
و مش حيعرف يظبط سالي .
سالي
هي السبب في كل ده وشها وحش عليه أوي
ربنا يخدها
و مامته و بباه قعدين بقى معلش يبني الجيش برده حيعمل منك راجل و كلها كام شهر و تعدي
و بيني و بينكم بباه كان فرحان أوي أوي !!!!!!!!
لأن اتخنق من مراته و دلعها المرق لزيكو و اخواته
المهم عمنا زيكو لم حجاته و سلم أمره لله و راح عشان يتوزع على الوحدة بتاعته
و الصدمة المرة دي انه رايح ........
الصاعقة ...........


ايه اللي حيحصل لزيكو في الصاعقة و حيعمل ايه هناك ده اللي حنعرفه في الحلقة القادمة من يوميات شاب روش في الجيش

مستنين الباقى حلو أوى التوبيك ده

هههههههههههههه
حلو القلم اللى خده ععلى قفاه ده
انا قاعدة اتخيل وفطسانة على نفسي من الضحك

كملييي يلا الباقى

ده مش زيكو المفروض يبقي اسمه سوسن ياعيني اكيد مش هيقدر يعيش مع المتوحشين الي ميعرفوش البودى سبراي والافتر شيف يا ريت تكملي الموضوع بسرعة نفسي اعرف هيحصل ف اختنا سوسن اييييييييييييه

جميل أوى التوبيك ده

المهم إن الأقدار شاءت إن يروح الصاعقة بالذات

شكرا يا دوك

يلا بقى نزلى الباقى
ياعينى عليك يازيكوووووووووو

عمنا زيكو عرف انه صاعقة رح راقع بالصوت !!!!!!
صاعقة يا مامي و حعد أكل الحجات الغريبة اللي بيكلوها دي ياي !!!!!!
المهم صحبنا وصل لمركز التدريب و معاه شنطته و وزعوهم على عنابر النوم و ما أدراك و ما عنابر النوم سراير أدوار زي بتاعة إسماعيل ياسين و كلها حشرات لطيفة جدا بتجري هنا و هنا
يعيني يا زيكو .
زيكو قلك لا أنا منمش هنا ايه ده ياي ايه الحشرات و الحجات اللي تقرف ديه لا لا أنا منمش هنا أبدا على جثتي
بحظه الفقري مين معدي ؟؟؟؟؟
صح , الشاويش أبو الفتوح و ده راجل صعيدي ميحبش الحال المايل راح قفشه
عما تجول ايه يا مجند يعني ايييه متنمش هنا ليييه عيزهم يحجزولك في جوضة خمس نجوم اياك ؟؟؟!!!
زيكو : لا يا شاويش بس السراير هنا تقرف أوي
الشاويش: أمال جيش ازاي انت ممكن تنام في الصحرا وسط السحالي و التعابين لو الحرب جامت روح نضف سريرك يله و حسك عينك أسمعك بتجول الكلام الماسخ ديه تاني فاهم .
زيكو: حاضر يا شويش
يعيني زيكو حيعمل ايه لازم يسمع الكلان أصله مش في البيت لو الكلام معجبهوش يسيبه و ينزل .
المهم عمنا زيكو راح منضف السرير و نام .
و الساعة خمسه الصبح يقوم مفزوع ايه فيه ايه هي اسرائيل هجمت و لا ايه ؟؟؟؟؟؟
يرد عليه زميله اللي في السرير اللي تحته لا يا خفيف ده نفير الاستيقاظ قوم يلا عندنا طبور .
زيكو اللي متعود يصحى الساعة خامسة العصر يصحى خمسة الصبح شوف الدنيا
فعلا على رأي الممثل القدير رضا في فيلم معبودة الجماهير ( عجبت لك يا زمن )

يا ترى ايه اللي حيحصل مع زيكو في أول يوم ليه في الجيش ده اللي حنعرفه الحلقة اللي جاية ....... تابعونا

ههههههههههه
فعلا اجيش بيعمل رجاله
ههههههههه مسيره هيتعود

ههههههه
ونعم الرجالة بجد
بس بجد نزلى تلات اربع حلقات مع بعض
وبلاش شغل التشويق ده

تحفة وعاوزين الباقي بقي يلا بسرعة علشان خاطرى

شكرا ليكو علي ردودكم
وزمانه نفسه يكون في جيش للبنات علشان يشوف سالي كل يوم
انا عن نفسي موفقه بس ميوأفناش في الشمس :hot:

هههههههههههههه اه ما انا عارفاكى معقدة من الشمس وخصوصا شمس سب........... ولا بلاش

هههههههه كملى يللا الباقي باقى ونزلى اكتر من جزء فى المرة الواحدة

حقيقى قصه جامده
ياريت تكمليها بسرعة شوقتينا.

هههههههههههههه

جامد جدا

جامده بجد ياريت تنزلي كام حلقه مع بعض بس فكره جامده فكرة الحلقات دي
لكي الاسبقيه يادوك :hat:

انا مش عيزه انزل حلقات كتير علشان متبقاش ممله
ويجماعه ادعو لزيكو
دزمانه بيشوف كوبيس بليل

عمنا زيكو قام و هو مش شايف قدامه يعيني و عمال يدعك في عينيه
لبس البدلة العسكرية و بيادة ( البيادة هي جزمة الجيش ام رقبة عالية دي )
و سرح و هو بيفتكر أيام القمصان اللي فاتح كل زريزها تقريبا و البنطلون اللو ويست و الحظاظة و السلسلة و حط ايه على دماغه القرعة دلوقتي
أصلهم جابوهالو على الزيرو في الجيش و افتكر أيام الجل و الكريمات
المهم
عمنا زيكو وقف في الطابور مع زمايله و هو طبعا مش فاهم حاجة خالص .
و مين القائد بتعهم ؟؟؟؟؟
حبيبه الشويش أبو الفتوح
المهم الطابور بدأ و صفا و انتباه و حاذي يا عسكري و ازاي مسكة السلاح
زيكو مش متعود على الجو ده فواقف في الطابور مثبت رجل و راخي الرجل التانية
بحظه الفقري المعتاد الشاويش أبو الفتوح يقفشه
الشاويش: ايه الواجفة اللي انت واجفه دي يا عسكري فاكر نفسك واجف عالناصية
زيكو : فيه ايه بس يا شاويش
الشاويش : فيه قلة انضباط فيه قلة احترام للعسكرية فيه ان لو حصلت منك حاجة تانية حدورك المكتب محجوز فاهم يا عسكري اوقف عدل و ثبت رجلك
زيكو : تمام يا فندم
الشاويش ايوه كده
المهم التدريبات بدأت و عمنا زيكو طلع عين الشاويش أبو الفتوح و كفر سيئاته كلها
الشاويش :يبني حرام عليك انت مين مسلطك عليه بس
زيكو: ليه بس يا شاويش
الشاويش :في حد يعمل التمرين كده يا بني ادم عايز تعدي الاسلاك الشايكة و انت نايم على ضهرك ازاي ؟؟؟؟؟!!!!!
زيكو : أعمل ايه يا شاويش صدري بيتعب من التراب و عندي حساسية
الشاويش : يا ضنايا أجبلك بخاخة عشان زور سعادتك
قوم فز و دور نفسك مكتب انصراف
زيكو : تمام يا فندم
و ده كان أول يوم لزيكو في الجيش تابعونا في الحلقات القادمة لمعرفة المزيد عن يوميات شاب روش في الجيش

ههههههه يا عينى الواد عنده حساسبة وصدره بيوجعه من التراب فيها ايه يعنى اما يعدى الاسلاك الشياكة وهو نايم عل ظهره لالالالا الشاويش ده مفترى lol