ملخص أولى أسنان

من طرف dr.ahmedilwn السبت أغسطس 15, 2009 12:00 pm

بسم الله

قبل مااتكلم على شغل اولى بقول مهما كنت بتحب اعدادي فانت هتحب اولى اكتر
فاولى اخيرا هتحس انك على اول الطريق مش زي اعدادي اللي كانت طريق فرعي يوديك على اول الطريق الرئيسي
وده هيبان في موادها اللي مشتقة من اسم كليتك:طب واسنان

وبما اني متعصب الصراحة فهنبدأ بمواد اسنان والمقصود بيها مواد يعطيها دكاترة كلية طب الاسنان..وبتاخدها في الكلية
الحقيقة انها هي المواد الاكثر جدية لا شك..وان كان توزيع درجاتها يختلف بين الجامعات
فمن الجامعات من يعطيها الدرجات الاعلى كالقاهرة ومنها من يقلل درجاتها عن درجات ماد طب بشريزي المنصورة

على اية حال اول المواد هي المواد الحيوية
ودي مادة فيزيائية شوية وهي مختصة بالمواد المختصة بطب الاسنان المستخدمة في التركيب والحشو والزرع والتقويم
بتاخد تصنيفها وانواعها واستخدامها ومميزات وعيوب كل نوع وطريقة الاستخدام والتحضير
مادة كبيرة هيا وبتلخبط جامد وهي مادة تستحق المتابعة من اول محاضرة على عكس بعض المواد اللي ممكن تتلم في الاخر
مالهاش عملي صريح او امتحان عملي عملي يعني
لكن بتبقى السكاشن مراجعة للنظري وساعات بيبقى توضيح عملي على ادوات من المعيد مش مطلوب منك

المادة التانية التشريح الوصفي
ودي مادة زي النحت والتشكيل كده
يعني مختصة بوصف الاسنان من الخارج وارتفاعات وانخافاضات كل السنة ومقاساتها وبعض المعلومات الاكلينكية الضرورية عل الماشي كده
بالاضافة لكام موضوع عن فسيولوجيا الاسنان وترتيبها في الفك
العملي بقى تطبيق للنظري اللي انت بتفهمه وتحفظه نظري بتعمله عملي بالشمع يعني تشتغل نحت اسنان من الشمع الجاف باستخدام knife curver flame
ودي ادوات بسيطة بتجيبها من مكتبات اسنان وده شغل خفيف وغالبا هتحبه

في جامعات بتكتفي بالمادتين دول في اولى بالنسبة لمواد اسنان زي القاهرة
وفيه جامعات تقول لأ ازاي وتزود مادة في اولى اسمها هستولوجيا الفم زي المنصورة..ودي مادة خليط من العلم الانسجة والتشريح وعلم الاجنة
مادة رخمة الحقيقة..والعملي بتاعها زي اي هستولوجي في العالم شرايح تحت الميكرسكوب للاسنان وتكوينها الداخلي والفك والعضم والاربطة اللي بين الاسنان والاسنان في الاجنة واللثة حتى الجيوب الانفية ماسابوهاش!

دي يا طالع الشجرة مواد اسنان اما مواد طب اللي تدرس في كلية طب وبيديها دكاترة طب هما اربعة لا ينفصلوا

الفسيولوجي بتاخد فيها فصول كتييير بس باختصار شوية والمحصلة النهائية لكتيييير و اختصار هي انها مادة كبيرة وشاملة كل وظائف الجسم
بكم معلومات مناسب مش عملاق ولا صغير
الهضم الجهاز العصبي الغدد الصماء الدم القلب التنفس الايض العضلات و و و
العملي بتاعها غير النظري كأنه منهج لوحده بس ظريف الحقيقة وفيه تجارب كويسة ومفيدة طبيا

تاني مادة التشريح..فيه جامعات بياخدوا اساسيات الاول وبعدين يدخلوا في تشريح الرأس والرقبة زي القاهرة
وهناك من يدخل على طول زي المنصورة
مادة لذيذة جدا وهتحبها جدا بس امتاحاناتها اشك انك هتحبها !!
سواء في النظري او العملي
اللي بيبقى عبارة عن عضم الجمجمة والتعرف عليه والتعرف على اماكن الاوردة والشرايين والاعصاب والعضلات والغدد على جارات ازاز فيه رؤوس محنطة!
شيئ جميل!

يتبقى الكيميا الحيوية
لو خدتها على صدرك هتتعب لو خدتها ايزي وفوتت هتعيشها صح
رخمة شوية بس صغيرة وهتعدي وهتجيب تقدير متقلقش!
والعملي ربع ربع كيميا اعدادي ماتحطش في دماغك يعني

يتبقى الهستولوجي العام ودي مادة تحفظها النهارده تنساها بكره
والعملي شرايح لانسجة الجسم المختلفة تعرف ورسم
خلصت اولى نظري كتير عملي قليل

منقول

من طرف Den.emoOo السبت أغسطس 15, 2009 2:14 pm

thxxxxxxxx ya doc

من طرف MMM السبت أغسطس 15, 2009 2:21 pm

بسم الله ما شاء الله ربنا يستر :cry2:
شكرا يا احمد

من طرف Active man السبت أغسطس 15, 2009 3:27 pm

شكرا ع المعلومات دى
ويلا بقى عاوزين نروح كليتنا احنا هنقضيها ضيوف كده

من طرف dr.ahmedilwn السبت أغسطس 15, 2009 7:47 pm

ربنا يسترها معانا

شكرا لمروركوا يا دكاترة

من طرف sheref ashraf الثلاثاء أغسطس 18, 2009 1:16 pm

الصلاه على النبي يا عم الحاج و كل سنه وانتو طيبين
شكرا يا كبير على الموضوع الحلو ولاونك فكرتنا بالحيطه اللي هنلبس فيها بازن الله

من طرف Eman Iran الثلاثاء أغسطس 18, 2009 2:16 pm

thnxxx alot doc :hat:

من طرف dr_khaled الثلاثاء أغسطس 18, 2009 2:51 pm

مادة في اولى اسمها هستولوجيا الفم زي المنصورة..ودي مادة خليط من العلم الانسجة والتشريح وعلم الاجنة
مادة رخمة الحقيقة..والعملي بتاعها زي اي هستولوجي في العالم شرايح تحت الميكرسكوب للاسنان وتكوينها الداخلي والفك والعضم والاربطة اللي بين الاسنان والاسنان في الاجنة واللثة حتى الجيوب الانفية ماسابوهاش!

شكلنا مش هنمشي مع بعض :nurse:

ميرسي يا دكتور