ايهما تفضل ان تكون قلم رصاص ام قلم حبر ؟

:bsmAllah*:

ايهما تفضل ان تكون قلم حبر ام قلم رصاص؟

القلم الرصاص كثيرا ما نستخدمه لاننا نستطيع ان نمسح اخطائنا, اما القلم الحبر اذا اخطئنا فليس لنا مجال للرجوع عن هذا الخطا ولا نستطيع ان نمحيه فنقوم باستخدام المزيل الذى دائما ما يشوه منظر الورقه مما يجعلنا نمزق الورقه لانها اصبحت مشوهه
بعض البشر منا كالقلم الرصاص يعترف بخطاْه و يمسحه ويبداْ الكتابه من جديد فكلنا نخطىء و يجب علينا ان نتعلم من اخطائنا و من لايتعلم سياْتى يوم و تنتهى ممحاته فلن يستطيع ان يمحو اخطاءه
فوجود الممحاه فى القلم الرصاص شىء اساسى و قلة استخدامها تدل على التعلم سريعا و الذكاء فى التعامل و قلة الاخطاء و عدم الوقوع فى الخطاْ مرتين .

و البعض منا كالقلم الحبر يكابر فى خطاْه ولا يعود عنه و لا يعترف به ويحاول ان يخفى اخطاءه , فالقلم الحبر يدل على الثقه و يحمل معنى للقوه والثبات و لكنها قوه وثقه زائفه و سيدرك مع مرور الوقت انه خسر اشياء كثيره نتيجه عناده وعدم اعترافه لاخطاءه والرجوع عنها

و لذلك اسالك الاّن اْتفضل ان تكون قلم رصاص ام قلم حبر ؟؟؟؟؟؟؟؟؟؟

منقول

موضوع جميل جدا ....

انا عن نفسى بحب الاقلام الرصاص اوى ...
بمميزاتها و عيوبها ..

و شكرا على المجهود ..

ميرسى ليك dr teeth عالرد و يارب الناس كلها تكون زى الْاقلام الرصاص فى مميزاتها بس

ممكن اكون قلم رصاص و اشتري استيكة من ام نص جنية من اللي مبتتخلصش
بس برده ممكن كو قلم جف انا شفت مرة استيكة بتمسح الحبر زي الفل و جربتها كمان وشغالة مية مية

ميرسى لمرورك د\ahmed بس على فكره الاستيكه ام نص جنيه بتخلص برده مهما عاشت طويلا فاكيد هيجى اليوم اللى هتخلص فيه بس ساعتها هتكون انت غلطت اكتر

ميرسى لمرورك العسول يا اسماء بس لو انت قلم رصاص يعنى انتى انسانه كويسه فى كل تعاملاتك مع الاخرين و مع نفسك فاستحاله حد هيقدر يمسحك و لا انتى رايك ايه

موضوع حلو قوى
وانا قلم رصاص
وبالذات الايام دى فى محو الاخطاء والاعتراف بيها
تسلمى

ربنا يخليكى يا بوسى ويارب تفضلى دايما كده علطول و ميرسى لردك :shy*:

انا نفسى اكون قلم رصاص فى تعاملى مع الناس بس قلم جف فى احلامى و طموحاتى

انا عن نفسي بعشق القلم الرصاص فى اى حاجة حتى لما باجى اكتب معدتش بعرف اكتب بالجاف

بس حلو اوى يا باربى الموضوع ده

انا بعشق القلم الرصاص وبحب ارسم واكتب بيه

اما القلم الحبر فبحب اكتب بيه الحاجات المهمه بس

والاتنين حلوين

بس بحب الرصاص اكتر

شكرا على التوبيك الظريف دا

ميرسى لردودكوا العسوله دى يا snowhite & mima & emo نورتوا التوبيك :shy*:

توبيك حلو
انا الحمد لله لحد دلوقتى قلم رصاص بس اتمنى دايما انى اتعامل مع اقلام رصاص برضه

:artist:

موضوع جميييييييييييل

انا عن نفسي بحب اكون قلم جاف عشان القلم الجاف كلمته واحده مش بتتمسح

وطوله ثابت مش بيقل

وليه الوان كتير بيختلف بختلاف الكراسه

يا ريت حد يفهم كلامي

انا بحب الرصاص بحكم الدراسه

و الواقع برده

موضوع جميل
القلم الرصاص مفيد
وكمان الحبر
بس بيتهيقلى الرصاص افضل
شكرا على الموضوع ...

ميرسى جدا يا جماعه على ردودوكوا
*ghada*
د\ahmed و انا فهمت كلامك بس بالنسبه للاْخطاء تكون زى القلم الرصاص علشان يكون ادامك فرصه انك تصلح الخطاْ ده
م\mega
د\DARK M و فعلا القلم الرصاص افضل واحلى بكتير
ميرسى ونورتوا التوبيك :shy*:

أنا بجد مع رأى الدكتور أحمد المتولى
كلامه صح القلم الجاف كلمته واحده ومبيتمسحش وده يخلى الشخص يحكم تصرفاته أكتر ولما الأنسان يقرر لازم يقرر صح ويفكر صح
أنا قلم جاف برأى أنا مش الرأى الموجود فوق فى الموضوع
والأحلى أن تكون قلم جاف والأحلى أن يسهل مسح الجاف بأستيكه

ميرسى لردك DR.R
:flowerReal*: