×*×كراكيب @ذكريات×*×

من طرف Den.emoOo الجمعة يوليو 10, 2009 1:58 am

السلام عليكم

وانا قاعده مع نفسى كده وببص للاوضه بتاعتى اللى ملانه كراكيب والمكتب اللى متبهدل وفيه بلاوى عايزه تترمى فى الزباله
:hot: :hot:

وطبعا مطلوب منى انى اوضب الاوضه دى واروقها واشيل منها الكراكيب

المهم جيت ابص فى الكراكيب بتاعتى علشان اشوف ايه اللى يترمى
:dentist:

بصراحه مقدرتش ارمى اى حاجه
oh! oh!

اصل كل كركوبه <<<<وليها ذكرى معينه :okok:

وكل كركوبه<<<< وليها موقف :okok:

فيه كركوبه تفرحنى

وفيه كركوبه تنزل دمعتى

وكركوبه تالته اموت على نفسى من الضحك لما اشوفها lol وكركوبه اطق من الغيظ لما اشوفها :angery:

حسيت ان الكراكيب دى جزء منى كل كركوبه وفيها حاجه منى
:oooooo:

ها

كل واحد فينا عنده اكيد كركوبه فى بيته واكيد الدواليب بتاعتكم ومكاتبكم تشهد على كده
ولا الحاجات اللى تحت السرير...بلاااااوى والله

صح ولا..........؟؟؟؟

المهم علشان مطولش

جتلى بقى فكره غريبه عجيبه ...ظريفه لطيفه

وهى ان كل واحد فينا يقول على كراكيبه ويقول كل كركوبه بتفكره بايه
:haha:

بيتهيالى بقى كل واحد عنده اكيد كركوبه

ممكن تكون الكركوبه دى صوره او ممكن تكون لعبه او ممكن تكون كتاب قديم او مذكره او حتى حته ورقه مقطه
:walk: :walk:

فعايزه كل اللى فى المنتدى يقول كركوبيته ايه وبتفكره بايه
:writting:

بصوا اللى مش هيكتب كومنت هو حر
:angery: :angery:

هطرده من المنتدى وهيبقى يومه مش فايت

انا بحذركم اهو
:*/**: :*/**:

عايزه على الاقل 100 كومنت فى الموضوع ده

يلا يلا يلا
:move: :move:

مستنيه كراكيبكم

واللى يفتكر اى كركوبه فى اى وقت يدخل يكتبها ويقول بتفكره بايه

وانا كمان هقول على كراكيبى
:mmmm: :mmmm:

باااااااااااى ناو

ونبدا مع اول كركوبه

ونقول اهلا بالكراكييييييييييييييييب
:move: :move: :move: :move:

هستنى ردوركم وعايزه اعرف رايكم فى الفكره

يارب تعجبكم
:greet: :greet:

من طرف KAZKOZA الجمعة يوليو 10, 2009 2:14 am

هههههههههه الموضوع جااااااااااامد يا ايموووووووووززز

انا عندي كركوبات في كل حته هنا و ف المنصوره ..

همخمخ كده وافتكرلك حاجه

بس التوبيك حلووووووو برشاااا :good:

من طرف heba الجمعة يوليو 10, 2009 2:18 am

االفكرة حلوة قوى يا ايمو
انا اصلا بحب الحاجات القديمة ومش برمى منها حاجة ابدا
عندى دولاب مليان كراكييييييييييييييييب
فى صور كتير قوى ولازم اشوفها دايما وافتكر كل لحظة فيها
فى مذكرات الثانوية العامة كلها لانى كنت متعودة اكتب كل موقف ضحكنى فى الدرس على الصفح
فى الهدايا بتاعة صحابى والكروت بتاعتهم فى عيد ميلادى بقراهم كتير قوىىىىىىى

ولما افتكر كركوبة تانية ابقى اكتبها

من طرف KAZKOZA الجمعة يوليو 10, 2009 2:20 am

اول كركوبه عندي كركوبات عمر ابن اختي .. العابه كتييييييييير مبكركبالي الاوضه ..

بس لسه فاكرها تصدقي ؟؟

كان بيكلمني مره بيقوللي عايز المكنسه بتاعتي .. كنت جايباهالو مره هديه .. بس انا اللي كنت بلعب بيها lol lol

من طرف Den.emoOo الجمعة يوليو 10, 2009 2:23 am

هههههههههههههه
يا كراكيبكم الجامده

انا بقى هقول اول كركوبه عندى

وهى طبعا الصور وخصوصا صور الحضانه

عندى صوره وانا فى الحضانه بس ايه لوووووووووز كنا فى عيد الطفوله وكل الاطفال ابلنات وانامنهم طبعا لابسين تاج على راسهم

المهم اتصورنا كلنا واحنا لابسين التاج....فكل البنات جت معاهم الصوره حلوه الا انا

التاج بتاعى جه معوج ونازل خالص
lol lol lol

بس شكلى عسل والله

من طرف heba الجمعة يوليو 10, 2009 2:28 am

انا عن نفسى يا ايمو المفروض يحطوا صورى وانا صغيرة فى المتحف
طبعا مش من حلاوتها

من طرف Den.emoOo الجمعة يوليو 10, 2009 3:18 am

لضوى<<<< كراكيب عموره دى فى جمب لوحدها كفايه العربيااااااااات بتاعته

lol

بوسى <<<مش لوحدك على فكره

دا انا ليا صور

عاهااااااااااات والله

هههههههههههههههههههههه

يلا يلا

فين بقيه الكراكييييييييييييييييييييب

:walk:

من طرف manOoOsa الجمعة يوليو 10, 2009 3:30 am

موضوع جامد يا ايموز
انا عندي مفتاح جدتي ادتهوني وانا صغيرة وكانت بتضحك عليا وتقولي انه بتاع كنز كبير عيناه ف الاوضة عندها
وف الاخر اكتشفت انه مفتاح السندرة هههههه بس لسه محتفظة بيه غتاتة
كنت بتخيل بئا حجات وحجات
تسلمي يا قمر

من طرف Mostafa ElShirbeny الجمعة يوليو 10, 2009 9:49 am

فكرة جميله يا ايمو
مفيش حاجه معينه دلوقتى
مممم
يمكن اول حاجه ان المكتب بتاعى تحته5 اكياس كبار كده بتوع كتب و مذكرات الثانوى كل ما اشوفهم ابقى عايز اولع فيهم و اضفت ليهم كيس مذكرات السنه دى
لو افتكرت حاجه هقولها ان شاء الله
شكرا ع التوبيك

من طرف Den.emoOo الجمعة يوليو 10, 2009 9:59 am

كويس ان التوبيك عجبكم

فى انتظار باقى الكراكيييييييييييييييييب

:walk: :walk: :walk:

من طرف Mostafa ElMorsy الجمعة يوليو 10, 2009 1:49 pm

انا عندى مذكرات ليا انا اللى كنت كاتبها فى وقت من الاوقات ......... لما بقراها بحس انى رجعت سنين ورا ........ و كمان عندى شوية العاب -شطرنج - على طاوله على ضمنو كلهم باظوا بس لسا محتفظ بيهم لانهم بيفكرونى بايام جميله اوى .

من طرف MeGa الجمعة يوليو 10, 2009 1:52 pm

الموضوع رائع جدا و الله

اما بالنسبه للكراكيب الخاصه بيا

فهي كتييييييييييييييييييييييييييييييييييييييييير
اوي وكل يوم هكتب حاجه

شكرا ع التوبيك

من طرف 7alimoo الجمعة يوليو 10, 2009 2:19 pm

لأ لو فيها طرد م المنتدي يبقي نرد أحسن

انا عندي قصص بالهبل من بتاعة نبيل فاروق و احمد خالد توفيق و العالم دوول قريت كل قصة فيهم ما يقلش عن اربع مرات لحد ما حفظتهم
و عندي سنارة فايبر كنت جايبها معايا من مطروح معرفش ليه
وكان عندي أجندة كاتب فيها شعر و مذكرات بس ولعت فيها من كام يوم

من طرف Den.emoOo الجمعة يوليو 10, 2009 2:35 pm

ههههههههههههههههههه

الخوف بالعين برضو

هههههههههههه

حلوه اوى كراكيبكم والله

يلا يلا

هنا الكراكيب

مين يقول عن كركوبته

يلا يلا
كراكييييييييييييييييييييييييييييييب

من طرف KoKo&KoLa الجمعة يوليو 10, 2009 2:44 pm

يــــــــــــــــاه ياايمو فكرتينى بالكراكيب بتاعتى مش فتحتها من سنين والله

انا عندى كراكيب كتيــــــــر عبارة عن كارتونتين ودرج مكتب ودرج من الدولاب وضلفة كاملة من دولاب تانى
بس مش فتحتهم من زمان اوى وبخاف افتحهم لان بيفكرونى بايام حلوة اوى فبعيط بعدها كتير عشان نفسى ترجع تانى
وكان عادتى انى بعين كل حاجة حتى لو مش مهمة كنت بحب احتفظ بيها برضوا وفى حاجات كتير عبيطة بس بتفكرنى بايام حلوة اوى
وعندى ورق الامتحانات بتاعت دروس ثانوى برضوا بيفكرنى بايام التفوق والحاجات الحلوة دى
هبقى ادعبس فيهم النهاردة بليل بس يارب ماما مش تقفشنى واقولك لقيت ايه فيهم

من طرف dezner الجمعة يوليو 10, 2009 2:57 pm

أولا الموضوع جميييييييييل جدا يا إيمان

ثانيا أنا فى كركوبة محطوطة فى أوضتى من زماااااااااااااااان

صورة فيها 22 شخص كلهم قرايبى كنا فى ماجيك لاند من 10 سنين

انا معدتش الناس بس انا حافظ الرقم لأن الصورة دى بترجعنى ليوم عمرى ماهنساه

وكمان لقيت ورقة مكتوبه بخط واحد صاحبى كان معانا فى السعودية وكنا فى المدرسة كاتب فيها " أصدقاء للأبد"

ياااااااااااااااااه مش ممكن الموضوع دا حلو أوىىىىىىىىىى ش ك ر ا يا إيمان على الحالة اللى عيشتينا فيها دى

من طرف Den.emoOo السبت يوليو 11, 2009 6:08 am

نيفو <<< مستنياكى تقوليلى لقيتى ايه بعد ما دعبستى

محمد <<<الله يخليك يا محمد

العفو

وفعلا والله الكراكيب دى جميله جدا وليها ذكريات حلوه اوى ....بس ساعات كتير بتبقى مؤلمه لانها بتفكرنا بايام حلوه اوى عدت وفاتت وصعب ترجع تانى

من طرف MeGa السبت يوليو 11, 2009 4:17 pm

و اله انا من كام يوم لاقيت
حجات رجعتلي ايام حلوه للذاكره

لقيت حوالي 15 شهاده تقدير اخدتهم في مختلف مراحل التعليم

و افتكرت كل واحده و مناسبتها
و حسيييت بسعاده كبيره جدا جدا

من طرف Den.Esraa السبت يوليو 11, 2009 5:04 pm

يا افكارك الطحن يا ايمو

بصي يا ستي انا عندي كشكولين
بحبهم اوي ومحتفظة بيهم من 2 اعدادي
واحد لزقت فيه صور كنت مقطعاها من كتب الابتدائي ومن مجلات
وكتبت تحت كل صورة كومنت
كل ما اقرا الحاجات دي
بفتكر اد ايه كنت بريئة وكل حاجة تلقائية lol lol

والكشكول التاني بقي عملته للمعلومات العامة
فيها حاجات دينية ومعلومات عامة وبرده حاجات سمعتها في التليفزيون

لما افتكر حاجة تانية اكيد هقولك ان شاء الله

من طرف Den.Esraa السبت يوليو 11, 2009 5:10 pm

ايمو افتكرت كمان حاجة
كان عندي عروسة صغيورة وانا صغيرة
وكنت بفصلها فساتييييييييييين كتييييييييييير
وازياء علي احدث صيحة lol lol
والله وكنت بحط عليهم خرز وحاجات جميلة اوي وكل يوم كنت البسها فستان
وبليل البسها بيجامة النوم lol

يا خربينت شيطانك
فكرتيني بايام حلوة اوي

بس انا دلوقتي اديتهم لبنت اختي تلعب بيهم

من طرف Den.emoOo الأحد يوليو 12, 2009 2:31 am

ميجا <<يارب دايما كراكيبك تخليك تحس بسعاده

اسراء>>>يا بنتى انا طول عمرى افكارى طحن اخر حاجه

دا انا ايمو برضو

lol lol

يادى كراكيبك يا بنتى

يلا دعبسى تانى وقولى

:walk:

××كراكيب @ذكريات××

××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××

رد: ××كراكيب @ذكريات××