الراجل دايما كلمته واحدة

الموقف الاول:انت ليه مش بتمسك ايدي واحنا مايشين في الشارع؟ لابلاش افرضي حد من قرايبك شافنا ولا حد من اصحاب اخوكي في الكلية ان شاء الله يا حبيبتي بكره لما نتخطب امسك ايدك قدام الدنيا كلها

الموقف الثاني:انت ليه مش بتمسك ايدي واحنا مايشين في الشارع؟ علشان مش عايز حد يقول اننا عشان اتخطبنا حنصيع بقي ونعيش حياتنا وبعدين بصراحة كده انا مستحرم ان شاء الله بكرة لما نتجوز امسك ايديك وانتي مراتي حبيبتي في الحلال

الموقف الثالث:انت ليه مش بتمسك ايدي واحنا مايشين في الشارع؟ يا حبيبتي احنا مش مراهقين بقي حنمسك ايد بعض في الشارع وكده احنا متجوزين ومحترمين وعندنا بيت نعمل فيه اللي عاوزين نعمله

الموقف الرابع:انت ليه مش بتمسك ايدي واحنا مايشين في الشارع؟ يعني امسك ايدك ولا امسك ايد البنت ولا اشيل الاكياس دي كلها

الموقف الخامس:انت ليه مش بتمسك ايدي واحنا مايشين في الشارع؟ ايديك ايه بس اللي حمسكها دلوقتي انتي عاوزة جوز بنتك يشوفنا ويقول علينا كبرنا وخرفنا!!!!!

كلمة موحدة طووووووووووول العمر