أخبار مونديال كورواتيا 2009 لكرة اليد متجدد

فى نهاية اليوم التالت للمونديال

فجرت البرازيل مفاجأة كبرى بفوزها على صربيا بنتيجة 32-30
كما خسر منتخبنا الوطنى أمام منتخب النرويج بنتيجة 30-20
وفاز منتخب روسيا على منتخب تونس بنتيجة 36-30
وفاز منتخب ألمانيا على منتخب الجزائر بنتيجة 32-18

و إن شاء الله نوافيكم بجميع النتائج يوميا

شكرا يا عطار..انا متابعه كل يوم بس انا لقيت الناس مش متابعه كورة قلت هيتابعوا يد يعنى... بس مشكور برضه
و عموما احنا لو ما كسبناش الدنمارك الماتش الجاى و غالبا ده هيحصل...يبقى نحزم الحقائب و نستعد للعوده الى ارض الوطن

هو انا مش فاهمه حاجه :roll: :roll:
بس برضو شكرااااااااا على الاخبار يا دزنر

ده كان ماتش ممل بتاع النرويج والحارس بتاعم ده مع ان صباعه مكسور بس احسن من ايكر كاسياس ومن بيتر شك ومن امير عبد الحميد والله شال كور ابن الإيه ده هوا سبب فوز النرويج بأمانة والجدع اللي مش بيهدا ده اللي بيرمي الكورة بإيده زي ما يكون بيشطها برجله على العموم هارد لك لمنتخب مصر ورأي من دلوقتي يرجعو لأرض الوطن وكفاية بقى الواحد مش ناقص اكتئاب وازمات نفسية

بجد
مصر اتقطعت في الماتش ده
كان المستوى تحت الصفر
وفرق 10 كور كبير جدا
مع العلم اننا متقدمناش عليهم ولا مرة
ومكسبناش غير متش السعودية وحال المنتخب زباله

انا ماتفرجتش ع الماتش كله بس كنت متابعه الاجوال اللي كانت بتدخل فينا كل شويه
ده كان ماتش هبل دول تقريبا مش بيعرفوا يلعبوا
عموما ربنا معاهم بعد التقطيع بتاع امبارح

شكرا يامحمد

شكراااااااااااااااااا

أهم أخبار اليوم الرابع

تغلب منتخب صربيا على النرويج بفارق هدف واحد
ففوز منتخب كورواتيا على أسبانيا بنتيجة كبيرة 32-22
و خسارة منتخب تونس أمام نظيره البولندى بنتيجة 31-27
والهزيمه الكبيرة لمنتخبنا أمام منتخب الدنمارك بنتيجة 26-17

و بذلك تفقد مصر كل حظوظها للتأهل للدور الثانى و ستنتقل للعب على كأس رئيس الإتحاد لتحديد المراكز من الثالث عشر للرابع و العشرين

فى كبرى مفاجآت البطولة

تخرج أسبانيا من الدور الأول و ستلعب على كأس رئيس الإتحاد

كما فازت مصر على البرازيل 25-22 وتحتل بذلك المركز الرابع

الفرق المتأهلة للدور الثانى هيا

فرنسا- كوبا-سلوفكيا -السويد -كورواتيا -ألمانيا-كوريا-الدنمارك-النرويج-صربيا
بولندا

فعلا يا مصطفى
والله أنا كنت بفكر أكتب إيه
مش لاقى كلام يتقال

أنا اتفرجت على ماتش فرنسا و السويد و خلص 28-22 لفرنسا

فرق السما من الأرض بين الماتشين

منتخبنا محتاج ترميم

منتخب مقدونيا يخسر من منتخب النرويج

فازت كورواتيا على سلوفكيا 31 - 25

كما فازت فرنسا على كوريا 30 - 21

و ينتظر منتخب فرنسل لقاء المنتخب لتحديد من يتصدر المجموعة

أنا كنت لسه هقول الخبر دا

ربنا يستر بكره

احنا اللى ضيعنا الماتش من ايدينا رغم الفوارق الواضحه بيننا و بين اسبانيا بس الفاولات و الميس باص بتوعنا هم اللى خسرونا الماتش