هل الغيره حب أم أنانيه ؟؟؟؟؟ الكل يقول رأيه

بتهيالى انانية بس فيها شوية حب برضو

حب بس لو زادت عن حدها تبقى انانية

حب بس يخنق

بص يا احمد هى انانية بس انانيه مشروعة بمعنى انه من حقك تغير على اللى بتحبه وانا نوع من الناس بفير جدا لو حبيت حد

وشكرا على التوبيك الجامد ده

متهيألى إن مفيش حب من غير غيرة

لما أنا أكون بحب حد لازم أغير عليه

بس لازم برضه يكون فى ثقه بين الطرفين و تكون الغيرة بحدود مش مجنونه

لاء طبعا حب
مه اللي ميغرش يبقى معندوش دم
و كمان الغيرة مش انانية لان ميش حد بيغيرر على كل اللي يعرفهم
هما واحد بس
اللي بيحبه
انا شاايف
ان اللي مبيغرش ده بارد
و مش راجل
مه الراجل لازم يكون له تصرف لازم يزعق ويشخط وينطر
هوه لازم كده لانه راجل
لازم الكل يكون تحت امره
مثلا
لو مجوز
الست دي ملكه
يعني لو قال يمين يبقى يمين ولو شمال يبقى شمال من غير نقاش
و يغير عليها براحته
انشاله يكسر دمغها
بس هو اسمه راجل

يكسر دماغ مين يا دوك
براحة شوية مش كده
قال يكسر دماغها قال
فى حاجة اسمها احترام متبادل يعنى الاتنين يحتلرمو مشاعر بعض
مش ضرب بقى وخناق والناس تتفرج عليهم

انا رايى انها حب بس اللى يزيد عن حده يتقلب ضده طبعا

حب طبعا بس لازم تكون بحدود .. لانها لو زادت عن حدها ممكن تنهي الحب ده

انا رأيى ان الغيره شيئ جميل و بيعبر عن مدى تعقد العلاقات الانسانينه و مدى ميولها لامتلاك كل ما هو محسوس و غير محسوس .... (انا اّسف على النظرة الفلسفيه دى ) بس من وجهة نظر الدين الامر بيختلف تماما .. احنا فى الدين بنقول ان حب المسلم لاخيه المسلم فى الله لا يولد دافع الغيره .. بس طبعا بناكد وجود الغيره بين الازواج اللى حتى كانت بين زوجات الرسول (امهات المؤمنين ) و لكنها كانت غيره محموده بتزيد الحب و لا تغضب الله سبحانه و تعالى لانها مكنتش بتعمل ضغائن بينهم ........

لو اعتبرنا الغيره انانيه يبقي نعتبر الحب نفسه اكتر انانيه.
لانك في الغيره عايز اللي بتحبه ليك لوحدك او انه يحبك اكتر حد و ميفضلش حد غليك ويضحي عشانك و ده اللي الحب بيحتاجه
بس لازم تبقي الغيره ذكيه و مش احتكار

الغيرة طبعا حب بس تكون متوازنة ويكون فى مساحة حرىة وتناى عن التملك

والله انا رايى انها حب ممكن يكون الشخص اللي بيغير من كتر حبه للشخص التانى خايف يضيع منه اوكده فبيغير عليه من اي حد تانى بس لكن الانانى بطبعه ده بيحب امتلاك اي حاجه

حسب الموقف هتكون حب وتقدر ينفهم من الشخص يلي بتحبوا وحسب الموقف هتكون (( انانية وتملك ))

الغيرة حب طبعا
بس حب بيودي في داهيه
وخصوصا اني اعرف ناس بيغيروا على اصحابه
وانا منهم بعض الشئ
يعني لو صاحبتي كلمت حد اغير عليها مش منها تفرق برضو

بس لو زادت اوي تبقى شك وفعلا عدم ثقة
كمان عمرها ما تبقى انانية
لان اللي بيحب بصدق ميعرفش يعني ايه انانيه

لا طبعا انا في رايي المتواضع
الغيره قاتله
لانها بتكون حب
واللي بيحب بيكون نفسه ان اللي بيحبه ميتعاملش مع حد غيره
اما الانانية عمرها ما تكون غيره ابدا

اكيد طبعا حب لان الحب مايبقاش حب من غير غيرة :oops:

حكاية ميتعاملش مع حد غيره دي
كنت بدور عليها ومش عارفه اوصلها
بجد تعبير جميل

بس اللاحساس دا مش جميل لان الناس بتستخدمه ضدك
ما علينا
شكرا دكتور احمد جبت المطلوب

العفو مش عاوزه فكة ؟
معايا والله

شكرا
جزاك الله خيرا

ماشي بس انا بهزر

معلش اصل المود بتاعي مش تمام
اكيد لو كان مظبوط مكنتش قفشت
متشغلش نفسك
انا احيانا كدا بضايق في نفسي وبفك لوحدي تاني
عادي خدت على كدا

اوك
مفيش مشاكل
ربنا يروق بالك يا رب