بيان بمطالب طلبة كلية طب أسنان المنصورة

same7 كتب:بسم الله الرحمن الرحيم


إيمانا مني بأهمية التغير المرجو والمأمول نحو مستقبل أفضل لطلبة كلية طب أسنان المنصورة . قمت بصفتي ممارس للتأليف و الكتابة قمت بإعداد الصيغة الابتدائية لبيان التغير من واقع المطالب الحالية التي أدلى البعض بها , ونحن على أمل أن يتزايد عدد المشاركين في حملة التغيير من أجل مستقبل أفضل . وإليكم نص البيان :

بسم الله الرحمن الرحيم

السيد الأستاذ الدكتور عميد كلية طب أسنان المنصورة ,

السيدة الأستاذ الدكتور وكيل شئون الطلبة ,,

تحية طيبة وبعد , ,, ,

إليكم بيان بمطالب طلبة كلية طب أسنان المنصورة من أجل النهوض بالعملية التعليمية ومساهمة منا في صنع مستقبل أفضل . وذلك إيمانا منا بسعة صدوركم وتقبلكم أراء أبنائكم .

أولا ً : تقليص صلاحيات المحاضرين بما يحد من نفوذهم وسلطتهم على الطلاب والإشراف عليهم باستمرار .
اه دي مهمه اوي عشان محدش يستقصد حد...لازم يكون عليهم رقابه فمن حق الطالب انه يشتكي حتى الدكتوره يونا ..:D:D

ثانيا ً : معاملة الطلاب بشكل كريم يحفظ لهم حقوقهم وكرامتهم ومعاقبة السادة أعضاء هيئة التدريس في حالة مخالفة ذلك كما هو الحال عند إساءة الطلاب , فالعدل أساس الملك .

دي بقي عايمه شويه ومبنيه ع الاولي لو اتحقق قانون بالفعل يردعهم اكيد هيتعاملوا معانا كويس

ثالثا ً : توفير الإمكانات والمواد اللازمة في الجانب العملي .
(العين بصيره والايد قصيره) عشان ميقولوش كده.....يبقي نقول(شفافيه العمل بالميزانيه المحدده وعرضها ع اتحاد الطلبه ومناقشتهم فيما يشبه برلمان صغير) بتهيالي كده احسن عشان (التسويف-وحاضر-من عنينا......)

رابعا ً : تقسيم السنة الدراسية إلى فصلين دراسيين .
الدفعه الجايه من اسنان بالفعل هتبقي فصلين بالفعل دي صدر القرار ده

خامسا ً : إجراء انتخابات الإتحاد الطلابي بشكل نزيه يضمن مشاركة الجميع دون تفرقة
اه ده مهم اوي وكل حاجه تبقي ع نور في صناديق شفافه علنا بمايك كمان بس ده ناسسله للسنين الجايه السنه دي خلاص
سادسا ً : إقصاء الحرس الجامعي التابع لوزارة الداخلية

دي معرفهاش مش قالوا الشرطه بقت طيبه !! واتغيرت مش نديهم فرصه .سابعاً : دعم حق الطلاب في تحديد مواعيد الامتحانات ومعرفة تفاصيلها وقيمة درجات كل منها.
صح اهو ده اهم حاجه من حق الطلبه انهم اللي يحددوا ويعملوا جدولهم ده اهم واحد ع الاقل دلوقتى

ثامنا ً : إبراز النشاط الطلابي بشكل يمنح كافة الطلاب الراغبين في المشاركة فرصة لإثبات الذات .

تاسعاً : صرف مكافئات التفوق وعدم التواني في ذلك.
ههههههههههههههههههههههههههههههههههههه..اه صح

وأخيراً : توفير الكتب الدراسية اللازمة لنجاح العملية الدراسية في كافة المواد أسوة ببقية الطلاب في شتى الكليات العملية على مستوى الجمهورية .
يعنى انت اشتريت البروثيسس ؟!:D
لا بتهيالي ع الاقل يوحدوا المصدر عشان منتلغبطش وده مهم او يعملولنا كتب ام سي كيو

هذا وإنه ليس بين الحق والباطل قرابة , ولا يضيع حق وراءه مطالب .



وعلى الله قصد السبيل .



التوقيع .


انشرها في كافة المنتديات والجروبات الخاصة بطب أسنان المنصورة .

نا مش عايز اناقش حاجة معينة مع حد معين انا اصلا ما عملتش حاجة غير كتابة النص واضافة من سابعا حتى عاشرا . بس والله ههههههههههههه .

omayma كتب: اه والله يا ريت
وخصوصا بتاع تقسيم السنة الدراية الى فصلين يا ريت
بدل الذل اللى احنا فيه ده

Amal Anan كتب:في حاجه كده مش عارفه ايه رايكم فيها
معروف ان في ناس مبتدخلش اسنان عشان مصاتريف الادوات بتاعتها
فمتهيالي المفروض الكليه تحدد عدد معين من كل دفعه تتكلف بمصاريف الادوات بتاعتها حتي لو مش عدد كبير بس يبقي فيه نوع من المشاركهوممكن تخلي في شروط مثلا تقدير معين علي فكره في امريكا ده موجود هناك في منح للتقديرات يعني مش هنبقي اول ناس نعملها


فكرة كويسة بس بالفعل موجودة وناس قليلة جدا هيا اللي بتستنفع بيها .... عن طريق البحوث الإجتماعية يتم اعفائهم من المصروفات وخدمات تانية كده ..... لكن فيه ناس كرامتها ما بتسمحش بكده انها تقدم بحث يعني وبتاع


وكمان فيه حاجه

ان في شويه او شويتين م الادوات الي احنا بنستخدمها دلوقتي مش هناحتاجها بعد كده وخاصه الناس الي مش هيفتحو عيادات مش هياحتاجوها كلها
فيااااريت يخلو فيه شخص من الكليه ايا كان من الاداريين يعني يبقي مسئول عن تجميع الادوات وتسليمها للي عاوزها بعد كده بدل ماتترمي او حد يسيبها لحد يعرفه هيحتاجها بعد كام سنه من غير ماحد يستفاد بيها

فكرة كويسة جدا . على ما اعتقد ماي دريم ( محمد ) بيعمل كده . علشان يكسب قرشين ولا حاجة . بس الكلية اللي هيسيب حاجته مش هايسيبها ببلاش . وطبعا لازم الكلية تدفع لصاحب الحاجة فوريا
لو فيه اجماع ع النقطة دي ممكن احطها عادي
؟

ياريت توافقو ولو في حاجه تانيه حد يقولها

Dr/Asmaa كتب:
لو سمحتوا يا جماعة في نقطة مهمة وهي ان رئيس الجامعه وعمداء الكليات ورؤساء الاقسام لازم يكونو بالانتخاب من قبل اعضاء هيئة التدريس
بس انا مش عارفه الطلب ده يفعل ازاي او يقدم لمين وطبعا لا يصح ادراجه في البيان لان الاشخاص اللي عايزين ننتخبهم هم انفسهم اللي مقدم اليهم البيان
ياريت اللي فاهم الطلب ده ننفذه ازاي يقول

Dr/Asmaa كتب:
لو سمحتوا يا جماعة في نقطة مهمة وهي ان رئيس الجامعه وعمداء الكليات ورؤساء الاقسام لازم يكونو بالانتخاب من قبل اعضاء هيئة التدريس
بس انا مش عارفه الطلب ده يفعل ازاي او يقدم لمين وطبعا لا يصح ادراجه في البيان لان الاشخاص اللي عايزين ننتخبهم هم انفسهم اللي مقدم اليهم البيان
ياريت اللي فاهم الطلب ده ننفذه ازاي يقول

omayma كتب: بس انا شايفة ان الحاجات دى لو اتنفذت هتطبق على الدفعات الجديدة مش احنا
يعنى مثا عمرهم ما هيعملولنا ترمين واحنا بقالنا 3 سنين بنظام مفيش ترم

omayma كتب: بس انا شايفة ان الحاجات دى لو اتنفذت هتطبق على الدفعات الجديدة مش احنا
يعنى مثا عمرهم ما هيعملولنا ترمين واحنا بقالنا 3 سنين بنظام مفيش ترم