طرد الحرس الجامعى من جامعات مصر

من طرف Mostafa ElShirbeny السبت أكتوبر 23, 2010 9:21 pm

قضت المحكمة الإدارية العليا برئاسة المستشار، محمد عبد الغنى، رئيس مجلس الدولة بتأييد حكم محكمة القضاء الإدارى بطرد الحرس الجامعى من الجامعات المصرية ورفض الطعن المقدم من كل من رئيس الوزراء ووزيرى التعليم العالى والداخلية على حكم محكمة القضاء الإدارى، القاضى بإلزام الحكومة بإنشاء وحدات للأمن الجامعى تتبع وزارة التعليم العالى، بدلا من الحرس الجامعى التابع لوزارة الداخلية.

يشار إلى أن كلا من مجلس الوزراء ووزارتى التعليم العالى والداخلية تقدموا بطعن على حكم القضاء الإدارى الصادر لصالح عدد من أساتذة الجامعات بإلزام الحكومة بإنشاء وحدات للأمن الجامعى تتولى مهمة حفظ الأمن والنظام وتحل محل الحرس التابع لوزارة الداخلية.
وكانت هيئة مفوضى الدولة قد أوصت فى تقريرها برفض طعن الحكومة وتأييد الحكم الصادر من محكمة القضاء الإدارى.

على حد علمى ده حكم نهائى
و ده باعتبره شخصيا نصر لينا كطلبة لان الحرس كان بيعمل تجاوزات و خصوصا مع البنات يعنى كان يسيب كتير يعدى و ييجى يفتش شنطة البنت المنقبة او اللى لابسه خمار و مش فاهم ليه و اشمعنى يعنى... و شفت الكلام ده بعينى عديد المرات يعنى دول بشر و الباقى بشر تانى مثلا... ما علينا
ده غير دخول بلطجية فى لبس مدنى و معاهم شوم لفض اى اى وقفة للطلبة او كلام من ده عشان محدش يقول دول شرطة
ده غير الطلبة اللى اتعرضوا للضرب فى جامعات تانيه
دلوقتى المفروض اللى هيحصل هيتم انشاء جهاز ادارى امنى فى كل جامعة لكن غير تابع للداخلية و دى النقطة و طبعا لحفظ النظام و ده شىء مفيش اختلاف عليه و يا ريت يكونوا مدربين على المواقف الطارئة و استخدام السلاح بردو لان فيه ناس ممكن تفتكرها هيصة او الموضوع لا يخلو من اى استهبال ممكن يحصل بردو