مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

انضم إلى المنتدى ، فالأمر سريع وسهل

مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا
مُنتدى طلاب أسنان المنصورة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

كأنك مفيش

+2
khaled gamal abd elmouemn
omayma
6 مشترك

اذهب الى الأسفل

كأنك مفيش Empty كأنك مفيش

مُساهمة من طرف omayma الثلاثاء أكتوبر 19, 2010 9:51 pm

كأنك مفيش ..
برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..
***
يا فرحة قلوبنا رئيسنا ظريف ..
فُكهي ..
إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر ..
مفيش !!
***
مسيِّب علينا عصابة حبايبك
فضايح وسرقة ونهب بسبايبك
مابين حزب نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش !!
***
باعونا فـ حضورك ..
ببركة عِبـيدك وغالي وسرورك
باعوا الأراضي .. وكل المصانع
وباعوا البنوك ..
وقدَّام عِنيك .. صوتنا إتـنبح ..
ننادي عليك ..
إلحق يا ريس : ده باعوا الحديد !!
وأنت منشِّف دماغك عنيد !!
.. كأنك مفيش !!
***
دوشتوا دماغنا ” بجمال ” طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا ريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنـَّك مفيش !!
***
ورحمة أبوك .. مادام أنت قاعد
عيب لمَّا عُصبة نَـوََر يسحبُوك
م تُقبض عليهم .. م تقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش
***
ياريس علىّ الطلاق تعبانين !!
ياريس علىّ الحرام كفرانين !!
صبرنا سنين ..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين !!
ما تنهض يا ريس تلم الديابه ؟!!
ده شعبك غلابه ..
ومليان طيابه ..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب
يا ريس ” شريفك ” ماهوَّاش شريف !!
” نظيفك ” يا ريس ماهوَّاش نظيف !!
وحتى ” حبيبك ” ماهواش حبـيب !!
وأنا غصب عني .. خلاص إستويت ..
بـ غـُلبي إنحنيت ..
وطلعان عنيا .. وصعبان عليا
بحسبة بسيطة ومن غير خريطه ..
وكونك مفيش .. لقيت متساويش
ومش فارقه أعيش ..
نويت أشتكيك للِّي فوقي وفوقك
وأصلي الفرايض ..عسى يفـُك طُوقـك
قالولي إللي يسجد عدو النظام !!
حاولت أحكي حالي ..!!
قالولي الحكاوي نميمة وحرام !!
فكرت أكتب ..
لقيتكم سيادتك منعتوا الكلام !!
فقررت أحلم ..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .. تاخُدني أمَّا انام !!
***
حلمت إني شعب ..!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ “أولاد علي”
ورجلي على جزع نخلة فـ “حلايب”
ومرتاح براسي على حِجْر مصر
وشوفتك ياريس ..كأنك ولي ..
كأنك نبي ..
فـ إيدك عصاية وليك معجزات


وانا فـ جنَّه خضره .. وتحتي جداول ..
ومن فوقي نور .. وريحة بخور ..
همست ف ودانك بآخر وصيّة :
إنسى إللي فاتك ..
هننسى الأسية .. !!
أمانه عليك ..
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا ريِّس وبـينك
وحَق اليَمِين و” الكتاب ” فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .. وعدته بدور
لملم عيالك .. وجمَّع فـ مالك
وإسحب ” جمالك ” وسيبنا وغور

احمد فؤاد نجم
omayma
omayma
Master
Master

عدد المساهمات : 8573
تاريخ التسجيل : 30/11/2008
دعـــــــــــــــــاء : كأنك مفيش C13e6510

الرجوع الى أعلى الصفحة اذهب الى الأسفل

كأنك مفيش Empty رد: كأنك مفيش

مُساهمة من طرف khaled gamal abd elmouemn الثلاثاء أكتوبر 19, 2010 9:56 pm

حلوه اووي ياميمه
شكرا
khaled gamal abd elmouemn
khaled gamal abd elmouemn
V.I.P
V.I.P

ذكر عدد المساهمات : 1705
العمر : 32
مـــــــــــــزاجـى : كأنك مفيش Pi-ca-42
النـادى المفضـل : كأنك مفيش Q18561943066_9799
هـــــــــوايتــــى : كأنك مفيش Sports10
تاريخ التسجيل : 06/12/2008
دعـــــــــــــــــاء : كأنك مفيش C13e6510

http://k_h_200125@yahoo.com

الرجوع الى أعلى الصفحة اذهب الى الأسفل

كأنك مفيش Empty رد: كأنك مفيش

مُساهمة من طرف Dr/3sam الثلاثاء أكتوبر 19, 2010 11:52 pm

مابحبش أحمد فؤاد نجم ده
في ناس علشان تكون مشهورة بتصعد علي اكتاف ناس
حاول مع عبدالناصر واتحبس
ومع السادات واتحبس
مع مبارك شايف نفسه

ده مايمنعش أن في كلام كتير بيقوله صح

شكرا ع المجهود
Dr/3sam
Dr/3sam
V.I.P
V.I.P

ذكر عدد المساهمات : 1930
العمر : 33
مـــــــــــــزاجـى : كأنك مفيش Pi-ca-44
النـادى المفضـل : كأنك مفيش Untitl12
هـــــــــوايتــــى : كأنك مفيش Sports10
تاريخ التسجيل : 18/02/2009
دعـــــــــــــــــاء : كأنك مفيش C13e6510

الرجوع الى أعلى الصفحة اذهب الى الأسفل

كأنك مفيش Empty رد: كأنك مفيش

مُساهمة من طرف dr_khaled الأربعاء أكتوبر 20, 2010 1:12 am

ممممممم

أولا : ميرسي ع القصيدة

ثانيا : في قصايد كتييييير بيبقى مش هو اللي كاتبها .. والناس بيستغلوا اسمه وبيقولوا انها تبع "أحمد فؤاد نجم" بس هي مش بتاعته
وهو بيرفض يقول عشان يحميهم ..

ثالثا : ربنا أعلم بالنوايا يا عصام
بس مظنش انه شخصية وصولية
لأنه اتعذب كتير في حياته وبناته اتحرموا منه ومعظم حياته كانت في السجن
شوف برامج ع اليوتيوب وهو بيتكلم بنفسه
dr_khaled
dr_khaled
Master
Master

ذكر عدد المساهمات : 8403
العمر : 32
مـــــــــــــزاجـى : كأنك مفيش Pi-ca-10
النـادى المفضـل : كأنك مفيش Q18561943066_9799
هـــــــــوايتــــى : كأنك مفيش Writin10
تاريخ التسجيل : 24/11/2008
دعـــــــــــــــــاء : كأنك مفيش C13e6510

https://www.facebook.com/?ref=home#!/profile.php?id=775538031

الرجوع الى أعلى الصفحة اذهب الى الأسفل

كأنك مفيش Empty رد: كأنك مفيش

مُساهمة من طرف Dr/Asmaa الأربعاء أكتوبر 20, 2010 10:25 am


هو ولا مش هو
مش هي دي الحقيقة
حلوة اوي يا اميمة
Dr/Asmaa
Dr/Asmaa
V.I.P
V.I.P

انثى عدد المساهمات : 1911
العمر : 32
مـــــــــــــزاجـى : كأنك مفيش Pi-ca-25
هـــــــــوايتــــى : كأنك مفيش Readin10
تاريخ التسجيل : 30/12/2008
دعـــــــــــــــــاء : كأنك مفيش C13e6510

الرجوع الى أعلى الصفحة اذهب الى الأسفل

كأنك مفيش Empty رد: كأنك مفيش

مُساهمة من طرف sheref ashraf الأربعاء أكتوبر 20, 2010 6:39 pm

شكل كلامك صح يا خالد لاني مستوى القصيدة دي فنيها مش قد كدا مش زي بقية شغلو
بس كمعاني حلوة اوي ميرسي كتير
sheref ashraf
sheref ashraf
Super V.I.P
Super V.I.P

ذكر عدد المساهمات : 2733
العمر : 32
مـــــــــــــزاجـى : كأنك مفيش Pi-ca-54
النـادى المفضـل : كأنك مفيش Logo1_real-madrid_21709
هـــــــــوايتــــى : كأنك مفيش Swimmi10
تاريخ التسجيل : 07/12/2008
دعـــــــــــــــــاء : كأنك مفيش C13e6510

الرجوع الى أعلى الصفحة اذهب الى الأسفل

كأنك مفيش Empty رد: كأنك مفيش

مُساهمة من طرف omayma الأربعاء أكتوبر 20, 2010 7:09 pm

والله انا معرفش هى بتاعته ولا لأ انا ماليش اوى في الشعر اساسا
انا بس قراتها وعجبتنى ولقيت تحتها احمد فؤاد نجم فجبتها مش اكتر
شكرا لمروركم جميعا
د/خالد
د/عصام
د/خالد
اسماء
د/شريف

مروركم اسعدنى كتير
omayma
omayma
Master
Master

عدد المساهمات : 8573
تاريخ التسجيل : 30/11/2008
دعـــــــــــــــــاء : كأنك مفيش C13e6510

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى