التسامح!!!

السلام عليكم ورحمة الله وبركاته

ازيكم يا دكاترة؟
يارب تكونوا بكل خير

مش عارفة ارتب افكاري وعايزة ادخل علطول في الموضوع

انت متسامح<ة>؟

بنسبة كام طيب؟

ايه هو التسامح في نظرك؟


امتى متقدرش تسامح؟

هل بتسامحك بتنسى كل الاساءات واللا ببقى جواك بقايا حاجات متراكمة؟

لو حد ظلمك بتنسى له ده؟

طيب لو حد تسبب في فشلك بتغفر له؟

واللا بتلقي كل اللوم على نفسك ووضع ثقتك لغير اهلها؟

هل ممكن تسامح من غير ما تنسى الاساءة؟

هل لو سالك حد ظلمك انا سبب مشكلة كبيرة مريت بيها<مع العلم ان دا بسببه>ده حتكون رد فعلك ايه؟

بتربطوا التسامح بطيبة القلب؟

اللي بسامح ومع اي اساءة جديدة بفتكر القديم في نظركم قلبه اسود؟

شعورك ببقى ايه وانت مش قادر تسامح؟

ممكن تدعي على حد ظلمك من باب دعوة المظلوم لا ترد واللا قلبك مش بطاوعك؟
اسئلة كتير كداهون بتدور في دماغي


ولسه كمان
بس دول اللي افتكرتهم حاليا

دمتم بود

جميل النقاش ده يا راكروكة.

كثير منا يفهم معنى التسامح خطا ويعتقد انه العفو
هو ليس كذلك هو ارقي وارفع درجه

لان التسامح لابد ان يتم بين شخصين يريدان الصلح اما العفوفيمكن ان يتم من طرف واحد

والعفو هذا ليس بالشىء السهل هو يحجم بعاملين هامين الا وهما (الرغبه والاستطاعه)

اي يجب ع المرء ان يسال ذاته اولا هذا الظلم الواقع استطيع رده ام لا؟ ؟ ان كان لا... لعجزما فيجب ان يقوي اولا حتى يكون امامه الخيار وان حدث

يسال ذاته هل لدي الرغبه في العفو وانا قوي
وتعتمد الاجابه علي الشخصيه فهناك من يحب البعد عن الصراعات وهناك من يهواه

بعد معرفه الرغبه انت الان عفوت ......
لكن الشرط الاخر هو الاستطاعه او القدره ع النسيان
وفيه اصناف من البشر
هنك من ينسي لفتره ثم يتذكر عند حدوث اي خلاف جديد

هناك من يتذكر دائما ولكن هذا لا يؤثر علي العلاقه او كما قلت (العفو المسبق)

اما من ينسي كليه الاساءه فاعتبرها ليست براءه قدر ما تكون سطحيه في التفكير

لانه يجب علي المرء ان تحظي ذاكرته ببعض المواقف الصادمه التى احتاجت منه وقت لينساها حتى يستطيع الاستفاده فيما بعد ولا يلدغ مرتين

ولا يتصف بالغبااااء خاصه في هذا الزمن

اما التسامح وهو الارقي يتم بين الفردين والتى بشرط تكون العلاقه بينهما حميميه لاقصي درجه

كا لاب وابنه والام كذلك . الزوجه وزوجها
والاخ واخوه وهكذا

وهي الحاله الوحيده التى يحبذ فيها نسيان المواقف نها ئيا

اما العلاقات الاخري (غير الدم) فالعفو هو الاسلم

هذا والله اعلم

نوره كتب:جميل النقاش ده يا راكروكة.

ممممممم
بس كدا
؟
فين رايك يا حبيبي
؟
منوراني يانورة

بقايا إنسانه كتب:السلام عليكم ورحمة الله وبركاته

وعليكم السلام ورحمه الله وبركاته

ازيكم يا دكاترة؟
يارب تكونوا بكل خير

اهلين ومرحبتين . فى نعمة الحمد لله

مش عارفة ارتب افكاري وعايزة ادخل علطول في الموضوع

انت متسامح<ة>؟

مش عارف بس احتمال

بنسبة كام طيب؟

ممكن 70% او 80 يعنى

ايه هو التسامح في نظرك؟

انى اسامح حد سببلى ضرر رغم قدرتى على الرد

امتى متقدرش تسامح؟

لما احس انى اتظلمت او تكون الاساءه اثرها كبير قوى

هل بتسامحك بتنسى كل الاساءات واللا ببقى جواك بقايا حاجات متراكمة؟

بصى هو انا متعود على حاجه وانا صغير لو زعلت من حد لما يعدى يوم
بنسى اللى حصل يعنى ابقى فاكر ان حصل حاجه بينى وبين الشخص ده بس ايه مش فاكر
الا موقفين حصلوا معايا اه مش بييجوا فى بالى كتير وتقريبا اثرهم زال بس لسه منستهمش

لو حد ظلمك بتنسى له ده؟

جاوبت فوق

طيب لو حد تسبب في فشلك بتغفر له؟
واللا بتلقي كل اللوم على نفسك ووضع ثقتك لغير اهلها؟

لالا انا لو فشلت يبقى انا السبب مش حد تانى
حتى لو فى حد كان احد الاسباب فدى غلطتى انى سمحتله بكده

هل ممكن تسامح من غير ما تنسى الاساءة؟

مش بحب اشيل من حد بس زى ماقلت فوق انا طبيعى بنسى اساءه

هل لو سالك حد ظلمك انا سبب مشكلة كبيرة مريت بيها<مع العلم ان دا بسببه>ده حتكون رد فعلك ايه؟

هو انا مش فاهم السؤال كويس
بسه هاحاول اعرفه غلطه بصوره كويسه
علشان مش يكررها مره تانيه سواء معايا او مع غيرى

بتربطوا التسامح بطيبة القلب؟

وهى طيبه القلب وحشه
هو اكيد التسامح بيكون افضل لو قادر ارد
بس ايه المانع انى اسامح لان قلبى طيب

اللي بسامح ومع اي اساءة جديدة بفتكر القديم في نظركم قلبه اسود؟

انا بحب اللى يتعامل معايا ينسى الاساءه زيى
لما حد يقول فاكر كذا وكذا بقوله انت لسه فاكر
بس فى ناس فعلا قلبها اسود زى مابيقولوا مجرد اى حاجه
يجيب القديم والجديد
بس اكيد مش الجميع

شعورك ببقى ايه وانت مش قادر تسامح؟

ببقىنفسى انسى واسامح لانى بفضل تعبان

ممكن تدعي على حد ظلمك من باب دعوة المظلوم لا ترد واللا قلبك مش بطاوعك؟

طبعا حقى وربنا شرعهولى ومحدش يقدر يمنعنى
بس محبش ادعى على حد
ربنا اعلم باللى عمله وادرى بحالى وبس


اسئلة كتير كداهون بتدور في دماغي
ولسه كمان
بس دول اللي افتكرتهم حاليا

لالا براحتك الاجازه لسه طويله

دمتم بود

ودمتم على خير

تسلم ايديك