مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

الطلاق في سنة أولي ....رضوي أسامة

استعرض الموضوع السابق استعرض الموضوع التالي اذهب الى الأسفل

نقاش الطلاق في سنة أولي ....رضوي أسامة

مُساهمة من طرف Dr/Asmaa في الخميس يوليو 15, 2010 4:15 pm



أصبحت أستمع كثيرا إلى أخبار الطلاق هذه الأيام، معظمها من المتزوجين حديثا، وممن تربطهم ببعض علاقات عاطفية قوية، أجد صديقة تتحدث عن المشاكل الكثيرة التى ما كانت تتوقعها فى حياتها الجديدة وافتقادها إلى اهتمامه، وهو يتحدث عن الملل الذى لم يتوقعه فى زواجه منها والشعور بالندم من فكرة الزواج نفسها.

أطالع تقرير مركز المعلومات بمجلس الوزراء فأجد نسبة الطلاق تصل إلى 40 % من نسب الزواج ،ونصف هذه النسبة من بين المتزوجين فى السنة الأولى.

العجيب فى الأمر أن معظم هذا الجيل كان لديه اعتراضات على العلاقة بين أبيهم وأمهم، وكل منهم كانت لديه أحلام فى إقامة علاقة مختلفة، علاقة تتسم بالود والتفاهم، لا يقهر فيها أحدهم الآخر، ولا يشعر طرف الآخر بالعجز.

لكن العكس تماما هو ما يحدث، إذ يحاول كل منهما السيطرة على الآخر، ويحاول كل منهما أن يركز على احتياجاته غير المسددة والتى عادة ما تكون غير واقعية بالمرة. هى تبحث عن الأمان الذى افتقدته عمرها كله مؤجلة إتمامه لحين وجوده، وهو يبحث عن الإثارة المستمرة التى سرعان ما تفتر بعد الزواج وتذوب بين الاعتياد والالتزام بالمسئوليات.

فى السنة الأولى يبرز الاختلاف بحدة بين الزوجين، فى بعض الزيجات تخرج الخلافات أسوأ ما بداخلهما، يحاول كل منهما أن يشعر الآخر بأنه الطرف الأقوى، ندخل فى صراع ليس محله بيت الزوجية الملىء بأحلام لم تتحقق أى منها.
تجد الخلافات فى السنة الأولى تدور حول أشياء يشعر كل منهما أنها طبيعية وتحدث بشكل تلقائى وأنهم غير مضطرين للفت نظر الطرف الآخر إليها، يحاول كل منهما أن يصيغ من الآخر شخصية تناسبه، تناسب أحلامه فقط، ربما لا تناسب نهائيا الشخص نفسه.

أخبرتنى إحدى البنات الريفيات أنها لا يناسبها تماما أن يرتدى زوجها الجلابية وأنها تشعر بالعار عندما تسير بجواره فى الشارع بملابسها الحديثة، بينما هو ما زال يرتدى الجلابية، متناسيا أنه فى القاهرة وليس فى الصعيد، وأنها اشترت له عدة قمصان حديثة لتلائم ذلك الفتى الذى تحلم به، وأنه دوما يرفض ارتداءها متخليا عن صورة الحبيب الذى تداعبها فى مخيلتها.

رغم سذاجة السبب فى طلب الطلاق إلا أن هذه الطريقة فى التفكير تطبق للأسف على مختلف جوانب الحياة، الطلاق فى السنة الأولى فى معظمه يرجع إلى عدم التوافق مع الآخر وطقوسه غير المناسبة.

اللاواقعية هى واحدة من أكثر أسباب فشل الزواج، منذ أيام جاءنى صديق يشكو من زوجته التى هى حبيبة عمره منذ مراهقتهما والتى وقفت بجواره فى مواقف شديدة الصعوبة وانتظرته حتى استطاعته ماديا الزواج منها، لم يمر على زواجهما الكثير، ربما فى السنة الثانية، يشعر كلاهما بالتعاسة وعدم تحقق حلمه فى الحب، يبحث كل منهما بعد الزواج عن الشىء غير الموجود فى الطرف الآخر ويتحسر عليه.

فى هذه النقطة تتحدث مارى كيرى فى كتابها «الزواج الناجح» قائلة: «فى أى علاقة حميمة لا يكون الصراع حتميا فقط، بل ضروريا أيضا. فالأزواج الذين يقولون دائما إنهم عاشوا فى تناغم حلو لا تشوبه شائبة يخدعون أنفسهم أو أنهم يتجنبون أو يكبتون قضايا مهمة. فالصراع يظهر لنا أن علاقتنا حية وأننا على استعداد للتقدم إلى الأمام والنمو، وإذا استطعنا أن نتمسك بحقيقة أن التوتر هو بالفعل مرحلة انتقالية، فإن ذلك يمكن أن يساعدنا فى التعامل معه.

لقد قيل إن الصراع الجيد الوحيد هو صراع تمت تسويته. لابد أن تكون عيون الزوجين مفتوحة لحقيقة أنهما مختلفان وأن يرى كل منهما بوضوح فى الطرف الآخر ما خصائصه الحقيقية، وقبول حقيقة أن شريك الحياة ليس كما تصورناه ذات مرة فى حالة عمى الحب الاول».

المشكلة بالفعل أننا لا نقبل لحظات الخلاف، وتأتى فى أذهاننا صور الحياة الفاشلة، ربما لو تعلمنا كيف ندير اختلافنا، وتقبلنا أن اختلافنا لا يعنى فشلنا، وأننى أحبك فهذا لا يعنى أننا أوافقك فى الرأى دائما، ربما هذا ما يدفعنا إلى الاستمرار فى الزواج بحب وليس من أجل الخوف من الطلاق أو تشتيت الأطفال.

الحياة الزوجية كما قلت من قبل من أصعب الخبرات الحياتية التى تحتاج لتعلم مهارات عديدة وحياة نفسية متينة، لكى تشعر بالرضا والسعادة من شريك الحياة الآخر.

Dr/Asmaa
V.I.P
V.I.P

انثى عدد المساهمات : 1911
العمر : 25
مـــــــــــــزاجـى :
هـــــــــوايتــــى :
تاريخ التسجيل : 30/12/2008
دعـــــــــــــــــاء :

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف cutegirl في الخميس يوليو 15, 2010 4:37 pm

بصي هو اكيد الحياة الزوجية علشان تنجح محتاجه تفاهم كبير وخاصة ف اول سنه لانها كما يقال السنه الي بجد بيبان فيها كل طرف علي حقيقته ومعظم المشاكل بتحصل فيها وبيقي فرصة التزاع فيها اكتر بس المفروض كل طرف لو بيحب التاني بجد يبقي عنده قدر من التفاهم والصبر واهم حاجه الصبر بجد لان اي مشكلة كبيرة لو الزوج والزوجه مسكو اعصابهم فيها عمرها ماهتكبر وبالمناسبة كنت بتفرج علي برنامج امبارح ف التليفزيون وكان بيقول ان الخنقة الي بتحصل ف اول سنه دى ممكن تؤدى للانفصال يعني اكيد الزوج مش متعود علي انه يبقي مسئول عن بيت واسرة وكذلك الزوجه ف الصبر والهدوء دول مفتاح اللغز اما بالنسبة لقصة البنت دى ف المفروض الي يتزوج يبقي فيه تفاهم وتقارب فكرى بينهم هو بصراحه الموضوع ان هى تطلب الطلاق بسبب كده دى مش داخلة دماغي بس المفروض تصبر واكيد كان فيه سبب يمنع ان هو يلبي طلبها او شي نفسي
موضوع جميييييييييييييييييييل وواقعي وتقبلي مرورى

cutegirl
من اهم اعضاء المنتدى
من اهم اعضاء المنتدى

انثى عدد المساهمات : 1029
العمر : 24
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 15/08/2009
دعـــــــــــــــــاء : اللهم اغفر لي وارحمني يا ارحم الراحمين

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف Dr/Asmaa في الخميس يوليو 15, 2010 5:16 pm


منورني ردك والله cutegirl
ورايك مقبول ومعتدل
وبالنسبة للبنت اللي انتي بتقولي مش مقتنعه انها تطلب الطلاق للسبب ده فالكاتبة وضحت انه مش هو السبب الجوهري انما ده راجع لعدم توافق الطرفين واختلاف طقوسهم وشخصياتهم وطباعهم

(رغم سذاجة السبب فى طلب الطلاق إلا أن هذه الطريقة فى التفكير تطبق للأسف على مختلف جوانب الحياة، الطلاق فى السنة الأولى فى معظمه يرجع إلى عدم التوافق مع الآخر وطقوسه غير المناسبة.)


اسعدني مرورك ورايك

Dr/Asmaa
V.I.P
V.I.P

انثى عدد المساهمات : 1911
العمر : 25
مـــــــــــــزاجـى :
هـــــــــوايتــــى :
تاريخ التسجيل : 30/12/2008
دعـــــــــــــــــاء :

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف Den.Esraa في الخميس يوليو 15, 2010 7:02 pm

لابد أن تكون عيون الزوجين مفتوحة لحقيقة أنهما مختلفان وأن يرى كل منهما بوضوح فى الطرف الآخر ما خصائصه الحقيقية، وقبول حقيقة أن شريك الحياة ليس كما تصورناه ذات مرة فى حالة عمى الحب الاول».

المشكلة بالفعل أننا لا نقبل لحظات الخلاف، وتأتى فى أذهاننا صور الحياة الفاشلة، ربما لو تعلمنا كيف ندير اختلافنا، وتقبلنا أن اختلافنا لا يعنى فشلنا، وأننى أحبك فهذا لا يعنى أننا أوافقك فى الرأى دائما، ربما هذا ما يدفعنا إلى الاستمرار فى الزواج بحب وليس من أجل الخوف من الطلاق أو تشتيت الأطفال.


عجباني الجزئيه دي اوي اوي
بجد تسلم ايدك يا سمسم علي التوبيك الجمييييييييييييييييل
فعلا بيلخص مشاكل كتير وبيقدم الحل كمان
الحل سهل زي ما الجزء دا بيقول..اذن احنا محتاجين بس التوعيه..
جزاكي الله خيرا

Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف Dr/Asmaa في الخميس يوليو 15, 2010 7:35 pm

عجباني الجزئيه دي اوي اوي
بجد تسلم ايدك يا سمسم علي التوبيك الجمييييييييييييييييل
فعلا بيلخص مشاكل كتير وبيقدم الحل كمان
الحل سهل زي ما الجزء دا بيقول..اذن احنا محتاجين بس التوعيه..
جزاكي الله خيرا

وتسلمي يا اسراء
وده فعلا هدفي التذكرة او التوعية وده لنفسي كمان .....
ياريت كلنا نفكر في الموضوع ده بعمق لان كل واحد وواحدة مننا وفي سننا بصدد بناء اسرة ...وعشان كده عايزينها تبقي اسرة صالحة وناجحة بكل جوانبها وبكل افرادها ....فعلا تبقي نواة لمجتمع بناء

نورتيني واسعدتيني برايك يا سوسو :slam*:

Dr/Asmaa
V.I.P
V.I.P

انثى عدد المساهمات : 1911
العمر : 25
مـــــــــــــزاجـى :
هـــــــــوايتــــى :
تاريخ التسجيل : 30/12/2008
دعـــــــــــــــــاء :

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف beating heart في الجمعة يوليو 16, 2010 9:43 am

انا فى رأيى ودة ممكن يكون تفصيل أو إضافة للى حضرتك بتقولية
إن كل طرف طول ماهو بيحب الشخصية دى وحتى طول فترة الخطوبة أفتكر
الكل بيحاول يضحك على الكل يعنى الظهور مش طبيعى بيبقى بماسك علشان كل واحد ميشوفش عيوب التانى علشان
وكل واحد بيرسم للتانى شخصية معينة والحقيقة التانى بيبقى متوافق جدا وبيحاول يرسملة الشخصية اللى هو عاوزة (لولا المشقة لساد الناس جميعهم )
يعنى الحل كل واحد يعيش بطبيعتة وزى ماهو متعود يعيش والتانى لازم يتقبلة
لإن مع إختلافى مع ناس كتير طبعا الحب الحقيقى أندر من الماس فى الصحارى
وهو مش علاقة أنوثة برجولة هو علاقة الست دى بالراجل دة دخل جوة نفسة
وتغلغل فيها فأصبحا طبيعة واحدة لأنها نفس واحدة علشان كدة لايؤثر عليها فرقان أو حرمان
وكمان دلوقتى معظم الإختيارات عن طريقة مادية (نعيش مرتاحين ) طبعا دة بيفشل فى الاخر
أو النظر فى المقام الأول والأخير للجمال
والجمال تعتاد علية العيون
يعنى الجواز منظومة كاملة مش محتاجة تسرع الطبيعة كويسة
شكرا موضوع جميل

beating heart
عضو ذهبي
عضو ذهبي

ذكر عدد المساهمات : 714
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 31/10/2009
دعـــــــــــــــــاء : لا إلة إلااللة

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف جميلة في الجمعة يوليو 16, 2010 11:55 am

انا متقفه مع دكتور محمد جدا

انا فعلا شايفه ان هو ده السبب الحقيقي ان في فتره الخطوبه كل واحد بيبن للتاني احسن ماعنده و اوقات حتي حاجات مش فيه خالص

وبيوصل للطرف التاني شخصيه متاليه زياده عن اللزوم او شخصيه بمميزات محبوبه وبالتالي بيبقوا مستنين ده من بعض بعد الجواز وعايز الشخصيه اللي اتعود عليها وحبها والحقيقه هو حب حد تاني خالص مش الحد اللي لقاه بعد لجواز فطبيعي ان يحصل خلافات ومشاكل

فبجد افضل حاجه ان كل واحد يبقي علي طبيعته ايا كانت مع ملاحظه طبعا انه يحاول يصلح عيوبه بس بجد يصلحها علشان هو شايف انها غلط وانه لازم يغير بعض الحاجات مش بس مجرد انه يرضي الطرف التاني

وبرده احيانا بنضطر لبعض التازلات علشان نحافظ علي اللي بنحبه ونجي علي نفسنا شويه

بجد موضوع تحفه تسلم ايديك يا قمر

جميلة
V.I.P
V.I.P

انثى عدد المساهمات : 2395
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 08/02/2009
دعـــــــــــــــــاء :

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف genius في الجمعة يوليو 16, 2010 2:01 pm

Dr/Asmaa كتب:


اللاواقعية هى واحدة من أكثر أسباب فشل الزواج،
انا مع الكلامـ ده جداااااا
كل واحد بيبقى راسمـ لنفسو صوره معينه عن الجواز وعن فتاة الأحلامـ
وأول ما ربنا يكرمو ويتأهل بتتصدمـ احلامو كلها بصخره الواقع

وحاجه كمان انا شايف الحب أه شىء اساسى فى الزواج
بس الحب لوحدو عمرو ما يبنى اسره
لازمـ يكون فيه تفاهمـ ولازمـ يكون فيه تقارب فى الحياه الماديه والأجتماعيه
لأن الزواج مش زواج واحد بواحده ده زواج اسره باسره
فالجواز لو بدأ بدايه سليمه واتخططلو صح من البدايه

ان شاء الله الزواج هيدومـ ويدومـ ويدومـ زى نضافه فيرى بالظبط

شكرا د/ اسماء على الموضوع وعلى الطرح المتميز

genius
عضو برونزي
عضو برونزي

ذكر عدد المساهمات : 369
العمر : 27
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 15/10/2009
دعـــــــــــــــــاء :

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف Dr/Asmaa في الجمعة يوليو 16, 2010 8:56 pm


شكرا يا دكاترة علي ردك ومتابعتكم

د.محمد وجميلة
علي نفس الراي وموافقاكم جدا فعلا بعض الناس بتبقي متصنعة شخصيات مثالية غير شخصياتهم الحقيقية ومن هنا بيجي التصادم بعد الزواج

genius
رايك تمام جدا في نقطة ان الجواز مش حب بس لازم يكون في تفاهم فعلا وتوافق في الطباع وطريقة الحياة عشان مش نفاجيء باختلاف شديد يصعب علي الطرفين التعايش معه

بجد مبسوطة جدا ان الموضوع عجبكم
نورتوني


:smile*:

Dr/Asmaa
V.I.P
V.I.P

انثى عدد المساهمات : 1911
العمر : 25
مـــــــــــــزاجـى :
هـــــــــوايتــــى :
تاريخ التسجيل : 30/12/2008
دعـــــــــــــــــاء :

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف mody في السبت يوليو 17, 2010 4:53 pm

شكرا على الموضوع المتميز..جزاكم الله خيرا

mody
عضو فضي
عضو فضي

ذكر عدد المساهمات : 432
العمر : 25
هـــــــــوايتــــى :
تاريخ التسجيل : 07/02/2009
دعـــــــــــــــــاء :

الرجوع الى أعلى الصفحة اذهب الى الأسفل

نقاش رد: الطلاق في سنة أولي ....رضوي أسامة

مُساهمة من طرف Dr/Asmaa في الأحد يوليو 18, 2010 1:35 am


جزانا واياكم
يارب يكون عجبك وافادك د.مودي

Dr/Asmaa
V.I.P
V.I.P

انثى عدد المساهمات : 1911
العمر : 25
مـــــــــــــزاجـى :
هـــــــــوايتــــى :
تاريخ التسجيل : 30/12/2008
دعـــــــــــــــــاء :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى