مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

دائما ما يتهم المجتمع الشباب...!

استعرض الموضوع السابق استعرض الموضوع التالي اذهب الى الأسفل

default دائما ما يتهم المجتمع الشباب...!

مُساهمة من طرف Eman Iran في الأحد يوليو 11, 2010 5:01 pm

دائما ما يتهم المجتمع الشباب
بأنهم بلا هوية و بلا طريق و بلا هدف..
يشيرون لهم بسباباتهم ساخرين من هؤلاء الذين يحيون
دون خطة خمسية منظمة و أجنده واضحة
و صورة موضوعة فوق مكاتبهم لشخصية عظيمة
يقتدون بها و يحلمون بالوصول لما وصلت إليه ..

لكن من أين يأتي الشباب بتلك القدوة ؟..


لايمكن أن يكون الأب هو القدوة..
مافيش حد عايز يطلع زي أبوه ..
بيستلف على مرتبه من عاشر يوم في الشهر
و بيتشعبط في الأتوبيسات أو على أقل تقدير راكب عربية
كحيانة ماركة "حمارتك العارجة تغنيك عن سؤال اللئيم" ..

مافيش حد عايز يطلع زي مدرسه
اللي بيفقد إحترامه في نظره
و هو بيمد له إيده أول كل شهر عشان يقبض المعلوم
بيفاصل معاه في حساب الحصة على 5 جنيه
والعيــال بيرفعوا عليه المطاوي في بعض المؤسسات
التعليمية المصرية الرائدة..

العلماء؟..
مرتباتهم 300 جنيه و علاوة الدكتوراه 75 جنيه
و الطريقة الوحيدة اللي بيوصلوا بيها لأي حاجة
هي عن طريق تنفيذ نصايح حملة "وقفة مصرية" .."نفكر بعقلنا ..نهاجر كلنا" ..

رجال الأعمال؟
مقسمين بين المتهمين بنهب القروض
و المتهمين في قضايا جنائية
و المقيمين في سجن المزرعة..


أهل السياسة؟..
بلاش أتفتح في الموضوع ده عشان أهلي عايزينني
بس المثل بيقول "اللي مايشوفش م الغربال يبأه أعمى"..


و بعدين حتى لو حد فكر ياخد حد من دول مثل ليه
هيوصل للي حققوه إزاي..
لا عنده واسطة يجيب بيها قروض و يبأه رجل أعمال ..
ولا إتعلم حاجة في الجامعة تؤهله يبأه عالم
أويبأه أي حاجة من أساسه
و لايقدر يشتغل في السياسة و يتحمس لأي قضية
لأنه أولا مش وارث أي كرسي عن أبوه
ثانيا لأنه ينفذ نصيحة أمه الغالية "إبعد عن القضايا لتتبهدل يا ضنايا" ..



لكن أنا مع المجتمع في أن كل شخص لابد و أن يكون له قدوة..
يبأه الحل إيه؟..

الحل إن كل شاب يحاول يبص حواليه ..
إذا كان مافيش شخصية عامة تنفع
فليقتدي كل شاب بالنموذج الناجح اللي يلاقيه في سكته..

بعيدا عن الهزار..
القدوة مش لازم تبأه شخص
مشهور..غني..أومعروف..

ممكن يبأه واحد صاحبك..واحد قريبك..أو واحد ماتعرفوش
عجبتك قصة كفاحه لما سمعتها و انت بتدردش مع جارك..

لكن لازم يكون لكل واحد فينا قدوة
نجاحه يبأه شمعة تدلنا على بداية الطريق




قدوتك بإسم حضرتك
د . غــاده عبــد الــعــــال


Eman Iran
V.I.P
V.I.P

انثى عدد المساهمات : 2277
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 27/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: دائما ما يتهم المجتمع الشباب...!

مُساهمة من طرف Active man في الإثنين يوليو 12, 2010 12:26 am

موضوع كويس وواقعى وبشكرك ع طرحه هنالاننا كلنا لازم نستفيد منه بجد
بس انا من رايى ان الانسان قدوته من جواه من قرارة نفسه ذاته لان هو اللى هيحدد مصيره بايديه مش بالتمنى
مش ممكن انى اخد قدوة ادامى بس مجتهدشى عشان اكون زيهاانما انا لو مصر واجتهدت واخدت بالاسباب اكيد هوصل للى عاوزه باذن الله

وبشكرك تانى ياايمان ع الموضوع ده

Active man
من اهم اعضاء المنتدى
من اهم اعضاء المنتدى

ذكر عدد المساهمات : 1084
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 17/06/2009
دعـــــــــــــــــاء : http://i41.servimg.com/u/f41/11/81/60/19/c13e6510

الرجوع الى أعلى الصفحة اذهب الى الأسفل

default رد: دائما ما يتهم المجتمع الشباب...!

مُساهمة من طرف Dr/Asmaa في الإثنين يوليو 12, 2010 12:55 pm


موضوع هادف وقيم جدا يا ايمان

وانا كمان رايي انه مش شرط يكون عندك قدوة شخص معين بحد ذاته
انما تكون قدوتك هي قناعاتك ومبدائك اللي بتكونيها بالوقت
وعلي فكرة وقتها عمرنا احنا المفروض كل واحد مننا يقرا ويتابع اخبار الدنيا واللي حاصل ويتعلم من كل اللي يشوفه قدامه وبناءا علي ده يحدد هو عايز ايه ويكون مبادئه وطريقة حياته

ومبادئه وقناعاته دي هي اللي تكون الخط اللي يمشي عليه قدوته يعني ويحاول انه لايحيد عنه


سوري طولت يا ايمي
بس موضوعك جميل اوي
شكرا

Dr/Asmaa
V.I.P
V.I.P

انثى عدد المساهمات : 1911
العمر : 25
مـــــــــــــزاجـى :
هـــــــــوايتــــى :
تاريخ التسجيل : 30/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: دائما ما يتهم المجتمع الشباب...!

مُساهمة من طرف جميلة في الإثنين يوليو 12, 2010 1:18 pm

اولا طبعا عايز اشكرك يا روح قلبي علي الموضوع ده و طريقه عرضه قد ايه جميله اوي

بس عايزه اقولك علي حاجه

انتي متشائمه شويه او واقعيه بزياده يمكن

اه يمكن هو ده الواقع اللي احنا عايشين فيه بس احيانا الواحد لازم يتفائل شويه علشان يكمل

و مع اني شايفه ان فيه نمازج و ناس كتير ممكن تبقي قدوه بجد و قصه حياتهم تنفع تبقي شمعه نمشي وراء نورها

اولها طبعا الرسول عليه الصلاه والسلام طبعا و الصحابه و الناس دي كلها

دي نمازج بشريه بجد يقتدي بيها في الرجوله و التدين وتحمل المسئوليه و الاحساس بالواجب و الطاعه و كل الحاجات اللي احنا عارفينها دي

ولو حبينا نشوف نمازج من الواقع الحالي متلا هنلاقي ناس برده

زي عقليه احمد زويل و مجدي يعقوب

افكار ومبادي شكسبير و خيال ماركيز وجيفارا بجد الناس دي تحفه

وغيرهم وغيرهم كتير

احنا مش لازم ناخد شخصيه كامله تبقي القدوه بكل اللي فيها لان اي شخصيه مهما كانت ليها عيوب ومميزات

فا ليه ما ناخدش كل اللي احنا عايزينه من الناس دي ونكون شخصيه خياليه لينا احنا نقتدي بيها

كل واحد عنده حاجه ممكن نقتدي بيها يارريت نفهم ده و نكمل ونحاول في وسط ظروف الله اعلم هتودينا لحد فين

جميلة
V.I.P
V.I.P

انثى عدد المساهمات : 2395
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 08/02/2009
دعـــــــــــــــــاء :

الرجوع الى أعلى الصفحة اذهب الى الأسفل

default رد: دائما ما يتهم المجتمع الشباب...!

مُساهمة من طرف Ali.... في الإثنين يوليو 12, 2010 2:43 pm

موضوع جميل جدا يا دكتوره ايمان وهادف بس مش القصه فى القدوه اللى الانسان او الفرد يقتدى بيها المشكله ان الفرد مش حاطط هدف فعلا قدامه يسعى علشانه او شخص معين يقتدى بيه ومش هنقول كده علشان الناس اللى مبوظين البلد والنماذج السيئه بس زى ما فى وحش فى حلو بس احنا اللى مش عاوزين كل واحد باصص تحت رجله ومابيصش قدامه ومحدش عاوز يفكر فى بكره ولا عاوز يشغل دماغه بحاجه والقدوه موجوده زى ماالدوك جميلهما قالت الرسول صلى الله عليه وسلم والصحابه وغيرهم كتير بس احنا اللى مش عاوزين وميرسى تانى على الموضوع الجميل ده

Ali....
فعااااااال
فعااااااال

ذكر عدد المساهمات : 120
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 04/07/2010
دعـــــــــــــــــاء :

الرجوع الى أعلى الصفحة اذهب الى الأسفل

default رد: دائما ما يتهم المجتمع الشباب...!

مُساهمة من طرف Ahmed El Metwally في الإثنين يوليو 12, 2010 3:04 pm

موضوع جميل وعندك حق دلوقتي الشاب بعيد عن الدين عاوز يضمن لأهله و ولاده حياه محترمه و مريحه وطبعا دي بتيجي بالايمان بالله بس بعيد عن الدين هنلاقي ان مجتمعنا متشقلب العلماء و المحترمين عايشين بالعافيه و احسنهن عايشين حياه متوسطهو العالم الزباله هم اللي عايشين حياه حلوه وليهم مكانه في المجتمع وعلى راسهم المغنيين و الممثلين ومش هقول لعيبة الكوره لأنهم مبيعملوش حاجه غلط بس معلش انا مجبش واحد معاهوش شهاده ولا علم وكل اللي يعرفه انه مهاري و بيلعب كوره كويس و اديلو فلوس اكتر من الراجل المتعلم اللي تعب في حياته عشان يبقى انسان متعلم ومحترم في نظر نفسه بس :grandpa*: في نظر المجتمع اللي احنى عايشين فيه العالم التافهه هي اللي بقت محترمه :eat*: يعني واحد زي عمرو دياب ده لو ليه اي مصلحه في اي جهه حكوميه الموضوع هيمشي زي السكينه في الحلاوه :basha*: على عكس لو دكتور في الجامعه مثلا ملوش واسطه هيطلع عينو وممكن كمان مياخدش حقه :hot*:

فواحد شاب ويي مثلا لما اشوف ده و اشوف ده هختار مين ؟!!!!!!!! انا اتنيلت و اخترت اسنان :doctor*: ههههههههه مع اني كان نفسي اكون لعيب كوره بس العيب في المجتمع مش فينا و لو اهلي مكانوش ربوني صح مكنتش كملت في العلم وكنت جريت ورا الكوره

العيب في المجتمع من الاخر و ده رأيي و المجتمع اللي متحكمين فيه ناس كبيره مش شباب و في الاخر يقولك اصل الشباب مش عارف ايه :angrrry*: ..... جتهم نيله عالم مش قد المسؤوليه ربنا ينتقم منهم :smash*:

___________________ توقيع سنانكو ___________________
مصر فوق الجميع




اضغط هنا-->موضوع النكت متجدد

Ahmed El Metwally
Admin
Admin

ذكر عدد المساهمات : 1676
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 23/11/2008
دعـــــــــــــــــاء :

http://www.facebook.com/home.php#/profile.php?id=603336202&ref=p

الرجوع الى أعلى الصفحة اذهب الى الأسفل

default رد: دائما ما يتهم المجتمع الشباب...!

مُساهمة من طرف SAHAR ZIDAN في الإثنين يوليو 12, 2010 4:20 pm

ثانكسسسسس على الموضوع يا ايمان
بس اكيد لو الشاب قرب من ربنا وتعب وعمل اللي عليه ومش هقول ياخد قدوة معينة لان الاحسن انو يبص لكذا شخصية عشان يكون لنفسه شخصية من طموحاته اللي عايز يوصلها اكيد هيبقى حاجة كويسة تخليه يعيش بكرامته ومرتاح
غير الشاب اللي قاعد في القهوة ليل نهار ومش ورا غيرانو يهزر ويشرب في سجاير ويبص على اللي رايح واللي جاي ومايكلفش نفسوا يدور على اي شغل يخلي يعيش بكرامتو حتى لو مش معاه شهادة وفي الاخر يقولوا مظلومين!!!(دول بقى عايزين يتحرقوا)واكيد هما دول اللي المجتمع بيتهمهم ويستاهلوا
اللي اقصدوا ان الواحد يعرف هدفه ويعمل اللي عليه ويعتمد على ربنا حتى لو في الاخر موصلش للى عايزه بس هيبقى احسن من حال اللي محاولش :bravo*:

SAHAR ZIDAN
شغااااال
شغااااال

انثى عدد المساهمات : 52
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 07/10/2009
دعـــــــــــــــــاء : اللهم انك عفو كريم تحب العفو فاعفوا عنا

الرجوع الى أعلى الصفحة اذهب الى الأسفل

default رد: دائما ما يتهم المجتمع الشباب...!

مُساهمة من طرف AyMaN في الإثنين يوليو 12, 2010 4:52 pm

انا برده بقول ان في قدوة اكيد واولهم الرسول صلى الله عليه وسلم زي ما الدكاترة
ردوا قبلي ،، بس برده بقول ان الحياة ماشيه هنا في مصر كدا
ان الراجل اللي يتعب وتطلع عينه مش بيقدروه في الاخر وزي ما قولتي
العلماء؟..
مرتباتهم 300 جنيه و علاوة الدكتوراه 75 جنيه


ده كلام دي حاجه والله تخلي الناس يكرهوا العلم واللي فيه
انا مش بقول ان لازم كل حاجه فلوس
بس على الاقل يكون في تقدير شوية للناس اللي تعبت دي
مش زي لما احمد بيقول عشان عندي شويه مهارات وبلعب كورة
يبقى اخد بالملاييين والناس تقدرني
ومن رايي في االاخر مصر عايزة اللي يفهمها فهمتها صح هتمشي
معرفتش تفهمها هتاكل ضرب هههههههههه
معلشي طولت شويه بس موضوع يستحق ان اهنا نكلم فيه ...

شكرااااااااا على الموضوع ...

AyMaN
عضو فضي
عضو فضي

ذكر عدد المساهمات : 483
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 15/01/2009
دعـــــــــــــــــاء :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى