مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

معلش كننا صغيرين

استعرض الموضوع السابق استعرض الموضوع التالي اذهب الى الأسفل

default معلش كننا صغيرين

مُساهمة من طرف oshy في الخميس يوليو 08, 2010 2:38 pm



الاول ارجو ان اللى يدخل الموضوع يقراه للاخر مش يكروته وكدا :weightlifting*:

عادى جدااا كنت بسمع اغنية "بغض النظر عن كونها حلال او حرام لان دا مش موضوعنا"

كان بيقول [i]سألتنى ليه كننا افترقنا قلتلها يااااه معلش كننا صغيرين[/i]

الجملة دا دخلت عقلى زى الصاروخ اللى دخل المجال الجوى بتاع دولة تانية عملتلى دربكة وخدتنى لبعيييد جدااا
قعدت افكر انه بعيدا عن القصص العاطفية وما شابه ولكن فى الحياة العامة بين الاصحاب بين كل الناس
لو حصل وكان فى خلاف فاتت عليه سنين بتاع 10 او 15 سنة بينك وبين واحد صاحبك ومتكلمتوش من يومها و اتقابلتوا بعد الزمن دا كله هل يترى كل واحد هيعمل نفسه مش شايف التانى وللا هيبصله بطرف عينه كدا و هو مشمئز وقلبه مازال مليان حقد وغضب زى زمان وللا هنعمل زى صاحبنا دا و نقابل بعض بكل لهفة وحنين ونقول معلش على كل السواد اللى حطيناه غلط فى قلوبنا ......معلش كننا صغيرين؟!!!

طب نفكر مع بعض هو احنا لازم نستنى كام سنة على ما نفهم ونستوعب ان حياتنا مش مستاهلة نضيعها فى خصام وخلافات واحقاد على ناس غلطت فى حقنا بقصد او من غير قصد سواء غلطة تافهة او حتى جرح كبير جذوره مكلبشة جوا قلوبنا ...وهو لازم الاول نقعد نقطع فى بعض سواء بكلام من ورا بعض او بضرب ومقالب تحت الحزام او حتى بان يفضل جوانا الغل شيلينه لبعض لسنين وسنين على ما نبدأ نستوعب اننا كنا صغيرين ؟!


" دى حاجة تافهة اوى يااه دا الواحد كبر وعقل خلاص"

مش معناها ابدا اننا لازم نعيش مليون سنة ولا مية ولا حتى عشرة على ما نحس اننا كبرنا
لان انا بحس ان مفروض كل ثانية وكل يوم يعدى علينا بيضيف لينا فا بنكبر وبنتغير تدريجيا
وبحس ان كل غلطة بسيطة بنمسكها و نركز عليها للناس اللى بنتعامل معاهم دا ملهوش غير معنى واحد اننا صغيرين اوى بحجم الغلطة اللى بنهتم بيها وكل ما كبرناها بتاخد هى مننا و بتصغرنا
حتى لو كان عندنا سبعين سنة لاننا اكيد صغيرين فى عقولنا لو مقولناش لنفسنا ان الانسان خطاء بطبعه واحنا مش ملايكة ..وصغيرين برده فى قلوبنا لو مش قادرين نسامح على غلطة ممكن اوى نعملها


عارفة انى طولت وزمانكو بتقولو ما تنجزى يختى وتخلصى
بصو الخلاصة انى عايزة كلنا نفتح صفحة جديدة لنفسنا ولبعض
صفحة بيضة خالص تخلو من الالوان الرمادية والقاتمة
صفحة كلها تسامح ونقاء ننسى لبعض ونسامح بعض ونكبر اوى
ونقول لكل الخلافات والاحقاد
"معلش كننا صغيرين"

avatar
oshy
Super Professional

انثى عدد المساهمات : 5632
العمر : 26
مـــــــــــــزاجـى :
هـــــــــوايتــــى :
تاريخ التسجيل : 11/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: معلش كننا صغيرين

مُساهمة من طرف dr_khaled في الخميس يوليو 08, 2010 2:55 pm

أكيد موضوع جميل أوي مع اني مش بحب هيثم نبيل :D
بس مش عارف .. بحس ان في أخطاء مبيتسامحش فيها
عموما دول عددهم محدود ... ومش بيحصلوا كتير
لكن فعلا ياريت الأخطاء التافهة والصغيرة نترفع عنها لله مش لحد تاني
ممكن أبقى أحكلكم قصة بعدين عن التسامح أيام زمان ..
موضوع حلو
avatar
dr_khaled
Master
Master

ذكر عدد المساهمات : 8403
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 24/11/2008
دعـــــــــــــــــاء :

http://www.facebook.com/?ref=home#!/profile.php?id=775538031

الرجوع الى أعلى الصفحة اذهب الى الأسفل

default رد: معلش كننا صغيرين

مُساهمة من طرف Mostafa ElShirbeny في الخميس يوليو 08, 2010 3:30 pm

صح يا ريت و الله و الناس متبقاش شايلة من بعضها لان الدنيا مش مستاهلة اصلا
شكرا يا اية
avatar
Mostafa ElShirbeny
Master
Master

ذكر عدد المساهمات : 7349
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 23/11/2008
دعـــــــــــــــــاء : اللهم اغفر لنا و ارحمنا انك أنت التواب الرحيم

http://www.senanko.own0.com

الرجوع الى أعلى الصفحة اذهب الى الأسفل

default رد: معلش كننا صغيرين

مُساهمة من طرف Dr/Asmaa في الخميس يوليو 08, 2010 4:14 pm


فعلا يا اية الدنيا مش مستاهلة خالص
ممكن تعدي وتسامحي بس وانتي في موقف قوة يعني العفو عند المقدرة
مش تستهوني في حقك وتقولي لا انا بسامح اسمحيلي انا بعتبر ده ضعف مش تسامح
ممكن تسامحي بس بعد ما تعرفي اللي غلط فيكي خطاه عشان متتكررش
ده رايي

ونقاش حلو تسلمي عليه
avatar
Dr/Asmaa
V.I.P
V.I.P

انثى عدد المساهمات : 1911
العمر : 25
مـــــــــــــزاجـى :
هـــــــــوايتــــى :
تاريخ التسجيل : 30/12/2008
دعـــــــــــــــــاء :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى