ليه الحب مصيره الجرح !!!!!!!!!!!!!!!!

فى يوم ...ولد شاف بنت...عينيه جات فى عينيها...قلبه دق وحس ان دى البنت اللى بيدور عليها طول عمره
حس انه بيحبها اوى من غير مايتكلم معاها كلمة واحدة
من اليوم ده وهو عايش على حبه ده بيتمنى انه يسمع منها فى يوم كلمة بحبك
من خمس سنين وحبه بيكبر جواه ومكلمهاش عشان ميعطلهاش عن مذاكرتها واكتفى بس انه يبص فى عينيها
كانت نظرتها بتمده بقوة كبيرة اوى
من يوم ماشاف عينيها اول مرة وهو بقى انسان تانى
ومن بداية الخمس سنين وهو عمل حاجات كتيرة اوى لمجرد بس انه شك انها ممكن تكون عايزاه كده
ومبدأش يصارحها بحبه ده غير لما دخلت الكلية واطمن عليها
وكانت المشكلة ان مستواها التعليمى اعلى منه
بس مكنتش مشكلة بالنسبة لها
المشكلة بس فى اهلها ,,,في خوفها انهم يرفضوه
خوفها انها متقدرش تتحداهم علشانه
ووقتها هتكون جرحت قلب فضل يحبها طول عمره
قلب صانها فى بعدها عنه.... قلب احترمها وحافظ عليها وهو مش عارف ان كانت بتحبه ولا لا
قلب عمرها ماشافت حب وحنان زى اللى جوا قلبه
انسان مستعد يعمل اى حاجة فى الدنيا عشان تكون معاه باقى عمره :
انسان فضل عمره كله مستنيها عشان احساسه ان هى الوحيدة اللى هتقدر تديله كل حاجة حلوة


لو سمحتوا شاركونى برأيكم,,,وقولوا لى المفروض البنت دى تعمل ايه

طاب ممكن أعرف هو فى كلية أية وهى فى كلية أية

هى فى صيدلة وهو فى تجارة

بصى أنا هقولك على حاجة جميلة
الجواز دة مش مجرد إتنين بيحبوا بعض وبس لأ واحدة تفهمك وتفهمها حياة كاملة
أما بالنسبة للكلية ودة رأيى الشخصى ممكن أى حد يختلف معايا الولد الدكتور ممكن يتجوز أى بنت لإنة ممكن يتعايش
بس البنت تتجوز واحد أقل منها معتقدش دة هيكون فكرة كويسة لأن الموضوع هيبقى فى البداية عادى لكن بعد كدة المستوى الفكرى بيبان وخاصة إن الولاد فى مصر عندهم حب التملك هيحاول يذلها علشان يثبت إن هو أحسن منها بس ممكن الحاجة دى تتعوض بحاجة تانية هقولك عليها بس لما تقرأى دة الأول

ميرسى جدا على مرورك
بس ايه الحاجة التانية دى؟؟؟
ياريت تقولى عليها

بصى ياستى
يمكن هختلف مع beating heart شوية
ماعتقدش كلية الشخص بتحدد مستواه الفكرى
ممكن يكون فى تجارة بس مثقف جدا
وفاهم عقليتها اكتر من اى حد تانى ويساعدها
وممكن فى دكتور مش مثقف نفس الثقافة
وميفهنهاش
بصى المفروض تحاول تقنع باباها ومامتها
وتتكلم معاهم بالعقل.بدال بيحبها يبقى هيحاول يسعدها
بكل الطرق وبجد مش لازم تتضيعه

بسم الله الرحمن الرحيم..بعد اذنك من وجهة نظرى مع احترامى لمشاعر الحب اللى اتكلمتى عليها..شئ رائع ان الانسان يعيش مع الانسانة اللى بيحبها وبيفهموا بعض ودة حق لايمكن التنازل عليه بس احنا اللى بنضيع الحق دة بإيدينا علشان ايه؟؟ علشان بنستعجل وهكمل بعدين بعد اذنك.لأنى موبايل فى رعاية الله

بصى يادكتورة الكلام دة انا كنت هقولة بس دة بنسبة قليلة لا تتخطى الواحد بالمائة لسبب ولازم نعترف بكدة إن
معظم اللى داخليين تجارة فى الأساس مش عاوزيين يذاكروا ومش بيحاولو يذاكروا ومش بيحولو يتثقفوا على الإطلاق
إحنا كنا فى إعداداى السنة اللى فاتت وملاحظ إن الجامعة عندهم نزهة مش اكتر ومع حضرتك إن الكلية مش بتحدد مصير مستواة الفكرى بس إن كان هو أصلا فى المكان اللى هو فية ودة بنسبة كبيرة بسسب الفكر والعلم

أرجو من الكل المشاركة فى الموضوع دة

بص يا دكتور ممكن يكون اللى دخل تجارة ده
ماكانش بيذاكر فى الثانوية ويمكن يكون مستهتتر شوية فى الجامعة
بس الحياة الطلابية اللى احنا عيشنها يعنى مفيش مسؤلية بدرجة كبيرة
تختلف خالص عن الحياة العملية الانسان بيتغير 180 درجة لما يواجه الدنيا

وبعدين فى الحالة اللى احنا بنتكلم عنها هو خاف عليها ومعطلهاش عن مذاكرتها
وبيحاول يصلح من نفسه عشانها لو كان مستهتر او مش بيتحمل المسؤلية ماكنش استناها
وكان زمانه صاحب واحدة واتنين وتلاتة زى ماموجود فى اكتر الاحوال فى المكان اللى هو فيه

أوك معاكى حق هو فعلا عاوز يبقى كويس يعنى عاوز يحسن نفسة صح بس لما يلاقى مراتة واخدة وضع أحسن منة
هيبدأ يتعامل معاها بشكل تانى وعلى فكرة الموضوع دة إتسبب فى طلاق ناس كتير واللة مش بكدب وأعرف ناس شخصيا كدة
وعلى فكرة واللة أنا مش محبط بس خالص على العكس أنا ديما بقول طالما أن القلب ينبض فالأمل موجود
بس قبل إما تتخذ قرار زى دة لازم تحط معطيات وتبرهن وتوصل لنتيجة مش مجرد كلمة من شخص ولازم تكون حاطة إحطياط لأن لو حصل حاجة من اللى أنا بقولها صدقينى هتخرج من التجربة منهارة ومحطمة وهتفقد الأمل فى الحياة

يمكن يكون فى تجارب فشلت
بس حكاية زى دى حصلت ادامى بنت عمتى
دكتورة بشرية و خطيبها اقصد جوزها عشان هما اتجوزا خلاص
هو برده فى كلية تجارة وبرده عمتوا ماكنتش موافقة خالص بس مع
الوقت وفقت عشان هو بجد انسان محترم جدا ومتدين وبيحبها
وشيلها جوه عنيه وكمان هو شغال فى شركه كويسة فى مصر
وناجح فى شغله كل انسان لو اجتهد ممكن ينجح فى مجاله
وبيساعدها فى شغلها وافيش غيره خاااااااااااااالص

سبقتينى على فكرة هو دة الحل التانى إنة يكون شغال فى وظيفة جامدة أوى علشان ميحسش بفرق شكرا يادكتورة على النقاش وأتمنى للكل إنة يلاقى الشريك المناسب

طب كويس اللى احنا اتفقنا على حاجة

بصي ياامنيه ياحبيبت قلبي اسمعينى وافهمينى كويس
عايزة اقولك يامحمد سورى انا مش معاك خالص في الي انت قلته
بصي ياامنيه مش معنى انها في كليه احسن منه يبقي هو مش هيوصل لمستوى تفكيرها لا والله بالعكس متحكميش عالناس بكليتهم وهما فيه وانتى في ايه انتى كده هتبقي بتحكمى عليهم من مظهرهم زى بالظبط لو شفتى ولدين ولد طيب وخجول بس مبهدل ومش منظم وولدشيك وكاجول بس تافهه وملوش مبدا ولا بيعرف يفكر انتى من بعيد لو شفتيهم الاتنين هتقولى علي الشيك انه مثقف ومحترم وهتمدحى فيه من هنا لبكرة

طب متحكمى عليه من ناحيه تانيه ليه مقلتيش انه خاف عليها ومرضاش يقولها انه بيحبها عشان خايف عليها لمتزاكرش ليه متقوليش انه صبر وكتم مشاعره في قلبه واستحمل انه يحب شخص من طرف واحد عشان مصلحتها

وبعدين بتاع التجارة ده ممكن يكون بيفهم احسن منى ومنك وعقلانى جدا وراجل بجد وهيعرف يحبها ويسعدها كويس ممكن تتجوز واحد بتاع كليه ويبهدلها معاه وميحبهاش ويعملها وحش يعنى صوابعك مش زى بعضها من عارف مش يمكن ده الي يسعدها بجد ويموت نفسه عشان نظرة رضا من عينيها
عايزة اقولك حاجه محمد فوق قالك في ناس ادمرت حياتها لانهم اتجوزو ناس اقل منهم
والله العظيم ياامنيه انا اعرف بنت في صيدله متجوزة واحد معاه دبلوم دبلوم مش كليه وعايشه معاه سعيده
وواحده تانيه في بلدنا برده طب بشري متجوزه واحد معاه دبلوم برده وعايشه مبسوطه وبيحبها خالص

اقولك حاجه والله انا ناويه ان شاء الله لو اتقدملي واحد معاه دبلوم ولقيته طيب وابن ناس ومحترم وبيحبنى هوافق عليه ومش كلام دا بجد صدقينى لو الي بتتكلمى عنها دى سابت الحب يضيع من ايديها قليل لو هتلاقيه تانى خليها تقنع مامتها وباباها تتصرف المهم متضيعهوش من ايديها لان صعب تلاقيه تانى
ميرسي ليكى ياقلبي

صدقينى متحكميش علي حد كده لو فكرتى كده هتبقي تفكيرك غلط في غلط

عايزة اسالك يامحمد انت في طب اسنان عايز تتجوز واحده تكون في نفس مستوى كليتك يعنى طب وصيدله وكده
انا اخويا في علاج طبيعى يعنى زيكو ومش عايزة اقول احسن كمان سورى انا مش بقارن بينك وبينه انا بقارن بين مستقبل كليتكو ومستقبل كليته هو طبعا هو مستقبل كليته دلوقتى احسن من طب نفسها
اخويا لما سالته عايز تتجوز واحده ايه قالي مش شرط الكليه المهم تكون اخلاقها كويسه وبنت ناس ومحترمه وحلوة لو في كليه كده تبقي احسن لكن لومفيش تبقي مش شرط

مفكرشي ليه انها مش هتفهمه
او لو خد واحده في دبلوم ولا حاجه هتفكر زيك كده وتقول دا هيعيرنى او يزلنى

مظنش لسه في ناس بتفكر زيكو كده
بجد انا مصدومه مصدومه اوى

معنى كده انك شايف انكو احسن منى بقي وانى مش في مستوى تفكيركو عشان انا في تمريض وانتو في اسنان؟

والله يا جماعة انا شايف ايوه ان الولد من المفروض انه يكون اعلى من البنت ف المستوى التعليمى او ع الاقل زيها ف المستوى التعليمى بس هل معنى كده ان الولد اللى مستواه التعليمى قليل يعنى مش شرط كلية من كليات القمة هل على الولد دا انه يسكت وميحبش او يحب اواحده زيه ف المستوى التعليمى مش ممكن الواحد يمنع قلبه انه يحب ومش ممكن الواحد يمنع قلبه ولا عقله انه يحاول انه يوصل للى بيحبها مهما كانت العقبات ومهما كانت الظروف اللى بتقابلهم وكمان المستوى التعليمى مدام هى بتحبوا وصادقة ف حبها ليه ومدام هو بيحبها وصاق ف حبه ليها ومستعد يموت نفسه علشانها ومستعد يديها حياته بين اديها يبقى الاتنين يحاولوا لاقصى وابعد الحدود ولاخر نفس فيهم وان شاء الله يكونوا لبعض ف الاخر 

نسيت اكمل كلامى
ومش معنى ان هو فى كلية تجارة يبقى مستواه الفكرى مش زيها وان مستوى تفكيره اقل منها بل بالعكس ممكن يكون مثقف جداااااااااااااااااااااااااااااااااااااا ومن الناس اللى بتعرف تتعامل مع الحاجة كويس ومن الناس اللى بتعرف تخطط لقدام وكتير مننا مش بيعرف يعمل كده
توبيك رائع
شكرا لطرح الموضوع

لا والله يا روما مش كده مش تزعلى حقك عليا
والله انا فعلا راى من رايك بالظبط مفيش اى اختلاف
وانا كنت هقول يا جماعة
(( طب نفرض مثلا ان الولد دا فى كلية كويسة من كليات القمة مثلا وهى مش ف كلية من كليات القمة وحبها وحبته بجد وبيموتوا فى بعض هل الولد هيفكر فى فارق المستوى التعليمى وكده مظنش ان دا يحصل وحتى لو اهله عارضوه وكده هو هيقف ويقولهم انا بحبها ومش ممكن استغنى عنها ابدا ومش هقدر اعيش مع غيرها وهى دى شريكة حياتى اللى قلبى اختارها
وهم اكيد هيكونوا عاوزين مصلحته وعاوزين راحته دا راى يا جماعة ارجوا انكم تتقبلوه ))
انا عن نفسى والله مش فارق معايا خالص الموضوع دا والله انا اللى هتجوزها المهم انى بكون بحبها وانها كمان تكون بتحبنى وبكده نقدر نسعد بعض ونعيش اسعد حياة زوجية
مش تزعلى يا روما والله انا راى زى رايك وراى اخوكى

الحب الصادق مش بيفرق في المستوي التفكيري ولا المادي ولا الثقافي
هو طالما حبها يبقي قدملها اغلي ماعنده
مهما كانت امكانياته اقل منها في اي شيء حبه ليها كفايه اوي
كفايه انه كتم حبها في قلبه وما رضاش يصرحها بيه
بس في مجتمعنا ده بيتقال علي الكلام ده كلام روايات
مش بيتحقق الا في الخيال اللي جمعهم بس انا من راي لو بيحبها بجد يعمل
كل شيء ممكن عشان يوصل لها وهي تواجه اهلها وتتناقش معاهم وهو كمان ياخد خطوه ايجابيه في علاقتهم
عشان ده هيشجعها تواجه الموقف بشجاعه وكفايه كده اصلي هكتب موضوع تعبير

انا مش زعلانه منك ياهشام
انا اه ممكن اكون كنت اتصدمت لما قريت كلامك الاولانى خالص
قبل متضيف عليه كلام تانى بس لما قريت بقيت الكلام مضايقتش

عايزة اسالك سؤال
مدام بتفكر زى كده يبقي ليه قلت ان لازم مستوى الولد يكون احسن من مستوى البنت
مدام قلت كده يبقي لو جيت تفكر لاختك في يوم من الايام عمرك مهتوافق علي حد اقل منها
انت كده بتقول كلام معاكس انا مش فهماكو كلكو

بس الحمد لله خالد طلع تفكيرة مظبوط وصح
وانت كمان تفكيرك مظبوط ياهشام بس مش عارفه انت معاهم دلوقتى ولا ضددهم
موافق ولا ايه انت قلت الراين مقلتش رايي واحد
عموما انا مش زعلانه منك والله خلاص

ايوه كده لاقيت حد يتفق معايا
بشكركم كلكم على رايكم روما
د هشام على رايك التانى و دخالد

يا جماعه صلوا علي النبي بصي يا امنيه انا راي فعلا ان الحب لوحده مش كفايه في حاجات تانيه مهمه جدا لازم الواحد ياخد باله منها في الحكايه دي لازم يبقي فيه توافق في المستوي الفكري و الاجتماعي و العلمي بكل معني الكلمه و علي اقل تقدير لو هيبقي في حد اعلي من التاني يبقي الولد مش البنت و بعدين سوري يعني ان عنيه جات في عنيها فحبها و الجو دا كله انا مابشوفوش الا في الافلام و دا ماينفعش اصلا الا اذا كان الموضوع مجرد تسليه بقي لكن لو الواحد هيفكر في شريك حياته اللي هيكمل معاه و ان الشخص ده هيبقي الاب او الام لاولاده لازم يفكر بعقله و قلبه مع بعض لان بعد الجواز ممكن الحب يضيع في المشاكل العاديه اللي الكل عارفها و بعد ممكن حد يندم علي انه ارتبط بالشخص ده و بعدين التوافق بين الزوجين الاسلام نفسه قاله علشان يحافظ بيه علي الاسره صدقينوا يا جماعه اللي بنشوفه في الافلام مش ده اللي بيحصل في الواقع....ملاحظه مهمه كل اللي انا قلته مجرد راي شخصي مش اكتر

لا انتى مش فهمتينى صح انا بقول ان اه ف مجتمعنا لازم يكون ايوه الولد اعلى من البنت او زيها بس هل معنى كده ان الواحد يمنع قلبه انه يحب لا طبعا مهما كانت الفوارق التعليمية الواحد او الواحده عمرهم ما يقدروا يمنعوا قلبهم انهم يحبوا بعض ويتجوزوا بعض ولو بالطريقة دى يبقى كل واحد مش يحب الا من مستواه التعليمى يعنى هنقى ودا مش صح مع ان الاغلب بيعمل كده بس انا مش من النوع دا وطبعا الحب عمره ما ما اتقيد بالحاجات دى
مهما كانت الفوارق التعليمية
دا راى اللى انا قلته ف الاولدا اللى ماشى فى مجتمعنا بس اللى انا قلته فى الكومنت الاخير هو دا راى
ان انا مش ببص للفوارق دى ولا حاططها فى دماغ خالص