(( حق الهواء ))

من طرف dr_khaled الأربعاء أكتوبر 14, 2009 9:32 pm

أحيانا أتطلع إلى النافذة .. فأشاهد منظرا رائعا .. لأن حقيقةً بلدنا من أعلى أحلى بكثير مما هي عليه من أسفل ....

فأفتح النافذة لأستنشق بعض الهواء النقي .. فأفتحه لمدة لا تزيد عن خمس ثواني ثم أغلقه بسرعة وأمضي .. وأنا حتى لم أعد أريد أن أشاهد المنظر ..

أحيانا في النهار الباكر .. أو بعد الفجر .. أرى الكون كأنه مغسول ونظيف .. وورق الشجر مندى والوردات لامعة مع بدايات الأشعة الشمسية .. أراها تتراقص وتتكلم .. .. وتحكي حكاوي الغرام ..
كل منا يريد رؤية هذا وذاك ..
ولكن نصيحة مني إذا أردت أن ترى كل هذا وأن تستمتع به .. فأنصحك بأن تضع منديلا على أنفك ...

لأن رائحة الدخان أصبحت في كل مكان .. أصبحت في كل ضاحية وفي كل ربع ..
كانت سابقا محدودة بوقت ومكان ..
أما الآن ففي كل وقت وفي كل مكان .. ربما تأقلمنا على ذلك ولم يعد يضيرنا وجود الدخان .. أصبحنا نتنفس الدخان بدلا من الأكسجين ..
ليس هناك مجال لذكرخطورة هذا الدخان .. ولكن أعتقد أن الإنسان العاقل يستطيع معرفة الخطورة من مجرد التفكير السطحي في ذلك ... في كونه يتنفس الدخان .. كالسجائر المتصلة ..

للأسف سيدي أصبحنا جميعا مدخنين ...

الصباح الباكر وساعات الفجر بالطبع لا تحوي دخان السيارات .. إنما رائحة الدخان تأتي من حرائق كأغلب الظن .. ربما يحرقون القمامة .. ربما يحرقون قش الأرز .. ربما يحرقون أي شئ .. ولكن الأكيد أنهم يحرقوننا معهم ..
الصباح الباكر بدلا من أن يحوي عبير الأزهار وهواءً نقيا .. أصبح يحمل دخانا يقتلنا تدريجيا ..

لا أدري إن كانوا يستصغرون ما يفعلون .. إن كان الناس يشتكون من تراكم القمامة في الاركان .. فذلك أحق بالشكوى ..
لأن أبسط حقوق الإنسان أن يتنفس .. أن يتنفس الهواء طالما مازالت روحه في جسده ..
سلبوا منا حق الهواء يا سيدي .. لا أدري لماذا .....

من طرف فتاة طموحة الأربعاء أكتوبر 14, 2009 9:36 pm

فعلا التلوث مشكلة جامدة
وملحوظة في اي مدينة
بس القرية جوها جميل وهادي وهواءها نقي
باستثناء وقت حرق القش اللي هو الظاهرة الرجعية
يكون هوائها ملوثا ايضا
لكنها سرعان ما تسترد جمالها

فعلا لابد من محاربة التلوث

شكرا يا دكتور على الموضوع الجميل

من طرف dr_khaled الأربعاء أكتوبر 14, 2009 9:42 pm

ممكن ناس كتير تشوف الموضوع مش مهم أوي
بس أنا شايفه موضوع محزن فعلا .. لما يكون وقت الفجر ومفيش عربيات .. المفروض مفيش تلوث في الوقت ده .. تشمي الدخان في كل حتة في المنصورة .. حاجة بجد وحشة أوي :( سجاير إجباري .. نفسي أفهم بيحرقوا في إيه

ميرسي لمرورك د/رقية

من طرف dezner الخميس أكتوبر 15, 2009 12:17 am

معاك حق يا خالد

احساس فظيع

طب دا احنا جمبنا مصنع بلاستك والريحة بجد تخنق

موضوع فى غايو\ة الأهمية يا واد

من طرف sheref ashraf الخميس أكتوبر 15, 2009 5:28 am

يلا ياض الدخان ده عندكو بس :P
لا بس فعلا الدخان اللي بنشمو في المدن ده بيبقا بسبب الحريق لقش الرز في القرى ف الدخان بيجي علينا احنا

من طرف dr_khaled الخميس أكتوبر 15, 2009 6:44 pm

dezner كتب:معاك حق يا خالد

احساس فظيع

طب دا احنا جمبنا مصنع بلاستك والريحة بجد تخنق

موضوع فى غايو\ة الأهمية يا واد

ربنا يستر بقى
ميرسي لمرورك يا عطار

من طرف dr_khaled الخميس أكتوبر 15, 2009 6:46 pm

sheref ashraf كتب:يلا ياض الدخان ده عندكو بس :P
لا بس فعلا الدخان اللي بنشمو في المدن ده بيبقا بسبب الحريق لقش الرز في القرى ف الدخان بيجي علينا احنا

ياااه عندنا بس ؟؟ ده في كل حتة وفي كل وقت
اقف في بلكونتكو حالا وشم الهوا هتلاقي في ريحة دخان مقرفة
وقش الرز ده ما يعملوا فيه اي حاجة غير الحرق
او يحرقوه بعيد في الصحرا

من طرف KiKo الخميس أكتوبر 15, 2009 7:34 pm

توبيك جميل و فعلا مهم جدا يا خالد
عدنا بنتنفس دخان مش هوا
ربنا يستر بقي
سانكس يا باشا

من طرف dr_khaled الخميس أكتوبر 15, 2009 7:51 pm

ثانكس ليك انت ع المرور والقراية
نورتني
وربنا يهديهم

من طرف KAZKOZA الخميس أكتوبر 15, 2009 8:15 pm

'طبعا مش محتاجه اقول موضوع مميز وأسلوب كتابه رائع كالعاده .. :hat:

أنا الموضوع ده بجد قارفني جدااااااااا ..
الواحد يبقا قاعد في اوضته في أمان الله ويلاقي الدخان مشرفه لحد عنده .. سواء في مدينه او غيرها ..
وكمان الناس اللي تعبانه بالاتهاب الرئوي مثلا مش عارفه الناس دي عايشه ازاي بجد ربنا يكون ف عونهم
انا واحده من الناس اللي بتعاني م الجيوب الانفيه .. واللي عنده الموضوع ده هيحس بالمعاناه .. بجد الدخان بيتعب جامد بيبقا هاين عليا اعمل عملية تغيير مناخير ..
كانوا قبل كده بيجمعوا القش من الناس ويعملوا بيه حاجات .. مش عارفه سابوهم يحرقوا ليه تاني ؟؟!!
هنعمل ايه بقا .. ربنا يتولانا ..

من طرف dr_khaled الخميس أكتوبر 15, 2009 8:24 pm

في العيد كنا عند عمتي
ولقيت نفسي مخنوق جدا
قلتلهم لأ هقوم أقف في البلاكونة .. لقيت الخنقة جاية أصلا من البلاكونة:D
من أكتر المواقف اللي خلتني أهتم بالموضوع ده ...
بجد حاجة متعبة

يعني دلوقتي بقى المفروض
لو عايز تشم هوا -- اقفل الشباك :D
وعجبي

ميرسي يا رضوى بارشا

من طرف MeGa الخميس أكتوبر 15, 2009 8:31 pm

بص يا خالد

موضوع خطير جدا

و اسلوب عرض اكثر من رائع
كديدنك

ماعلينا
هو احنا دلوقتي في موسو الرز
يعني في حرق رز و سحابة سودة

و الاول كانو بيعملو حاجه اسمها كبس للقش
بس مش كل اللي بيزرعوا عندهم الاله اللي بتعمل كده
فبيحرقو القش و خلاص

بس المشكله بقي ان الدخان ده مش موجود بس دلوقتي ده ع طووووول

بطريقه تضايق و تخنق جدا جدا

مش عارف اقول ايه شوهولنا منظر الفجر اللي الواحد
كان بيبدأ بيه يوم جديد
و يحس بالتفاؤل

يللا حسن الختام سلام

من طرف dr_khaled الخميس أكتوبر 15, 2009 8:37 pm

ثانكس على مرورك ميجا ولو اني مفهمتش "كديدنك" دي :D:D
بس المفروض الناس اللي بتحرق دي الحكومة تتعهد بإنها تجيبهم وتمنعهم
أو تفرض عليهم غرامة
ربنا يرحمنا

ميرسي مرة تانية ميجا

من طرف MeGa الخميس أكتوبر 15, 2009 8:40 pm

كديدنك
كعناها

كعاااااادتك

او كما عودتنا بس بالفصحي الاوي

بس الحكومه هتتعهد مين ولا مين

لازم نكون عادلين في طلباتنا

من طرف dr_khaled الخميس أكتوبر 15, 2009 8:42 pm

طب شكرا ع الإفادة اللغوية
مكنتش عارفها :D

أنا بقولك يا ميجا أبسط حقوق الإنسان العايش انه يتنفس
يبقى اذا كان الحكومة موفرتش الهوا اللي نتنفسه
يبقى تروح تلعب كورة في استاد الجامعة بقى

من طرف MeGa الخميس أكتوبر 15, 2009 8:56 pm

manta ro7t

:@ :@

w sebtak mn el do55an :@

من طرف dr_khaled الخميس أكتوبر 15, 2009 8:59 pm

ههههههه
أنا رحت ألعب
أنا مش من الحكومة :D:D

(( حق الهواء ))

(( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))

رد: (( حق الهواء ))