مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

ليه كليه الطب من كليات القمة

استعرض الموضوع السابق استعرض الموضوع التالي اذهب الى الأسفل

الحق ما تلحق ليه كليه الطب من كليات القمة

مُساهمة من طرف dega في الثلاثاء سبتمبر 29, 2009 9:51 pm


لو سألتك سؤال مباشر : ليه كلية الطب من كليات القمة ؟

تقول إيه ؟

هتفكر إزاي أصلاً ؟

طبعاً هتفكر في المهنة نفسها .. مهنة الطب .
هاقوللك مالها ؟
ليه بياخدو لمهنة الطب صفوة العقول ؟ هوة فيه إيه في مهنة الطب بيحتاج تشغيل مخ ؟ أقصد : إيه أكتر حاجة في مهنة الطب بتحتاج تشغيل مخ ؟

ها ؟
فكر كدة و اعصر دماغك و حاول تكوّن فكرة متماسكة قبل ما تقرا اللي أنا كاتبه تحت .
عشان متتأثرش برأيي اللي ممكن يكون صح و ممكن يكون غلط




عايز الأول أرد على بعض الحاجات اللي الناس بتعتقد إنها بتميز مهنة الطب عن غيرها :

أول حاجة بتخطر ع البال إيه ؟
إن الواحد يبعالج العيانين ..إن الواحد بيكتب لهم الدواء الشافي .. إن الغلطة منك ممكن تموت بني آدم و إن الواحد بيبقى مسئول عن حياة بشر .. إن دماغك لازم تبقى كبيرة عشان هتتملي معلومات خطيرة.. و للا إيه
إنا عايز أرد على كل حاجة هتتقال عشان أطلع في الآخر بالحاجة اللي بتميز الطبيب فعلاً ..
يعني إيه ؟

يعني :

بتعالج للناس مشاكلهم .. طيب ما الاخصائي الاجتماعي ممكن يعالجلك مشاكل مدمرة حياتك ميقدرش عليها الطبيب .

بتكتب للناس أدوية .. طيب ما الصيدلي يقدر يقول لهم ع الأدوية اللي ممكن تفيدهم و الصيدلي يعرف الأدوية أكتر منك .

بتبقى مسئول عن حياة بشر و غلطتك ممكن تموت واحد .. دي حجة تعبانه و الرد عليها سهل :
ما عسكري المرور غلطته ممكن تموت ناس كتير (!!) و الزبال اللي بيسيب حاجة ممكن تعور عيل صغير و تسممه برضه قادر يموت ناس بإهماله .. المهندس المعماري غلطة منه تموت ناس بالجملة بدل القطاعي (!!) وللا إيه ؟

إن دماغك لازم تبقى كبيرة عشان هتتملي معلومات و بيانات حساسة و خطيرة .. طب همة ليه اخترعو الهارد ديسك و السي دي بقه ؟ مش لازم التخزين يكون في الدماغ


اللي انا عايز أقوله مش عارف أصيغه بالشكل المناسب للأسف .. لكن هاسألك :

أي المهن التالية أقرب إلى مهنة الطبيب في نظرك :

المفكر
القائد
المهندس
المزارع
الفنان

و ليه اخترت الي انت اخترته ؟
و حاول تجاوب على السؤال التالي :

إيه أكتر حاجة في ممارسة الطب بتحتاج منك تشغيل مخك ؟
__________________
أن توقد شمعة ... خير من أن تلعن الظلام ألف مرة


عدل سابقا من قبل dega في الخميس أكتوبر 01, 2009 1:42 am عدل 1 مرات
avatar
dega
عضو برونزي
عضو برونزي

انثى عدد المساهمات : 318
العمر : 24
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 23/09/2009
دعـــــــــــــــــاء :

الرجوع الى أعلى الصفحة اذهب الى الأسفل

الحق ما تلحق رد: ليه كليه الطب من كليات القمة

مُساهمة من طرف فتاة طموحة في الأربعاء سبتمبر 30, 2009 12:27 am

ليه اخترت اللي انت اخترته؟؟
انا اخترت اسنان برغم اني جايبة مجموع طب
مش لحاجة الا اني بهوى ما يتعلق بطب الاسنان
واخدة الموضوع هواية وهدف
لاني روحت لدكتور اسنان بجد
خلاني
احب كل من امتهن تلك المهنة
انسان بجد ومحترم وبيعامل ضميره جداااا
الكلام ده
وانا في اولى اعدادي
يعني من زمان
فالموضوع لزق في دماغي واصريت اني ادخلها
وبسسسسسسسسسس


إيه أكتر حاجة في ممارسة الطب بتحتاج منك تشغيل مخك ؟


اكتر حاجة في نظري
هي ازاي تتعامل بادب واحترام وحب مع الاخرين
الراحة النفسية للمريض
بتاثر كتير على شفائه
وكلنا يعلم ذلك
لان الطب في حد ذاته بيميل للحفظ
وعايز واحد بيحفظ كويس جداااااا جداااااااااااا


شكرا ديجا على موضوعك الرائع

واختلاف الراي لا يفسد للود قضية


عدل سابقا من قبل فتاة طموحة في الأربعاء سبتمبر 30, 2009 12:36 am عدل 1 مرات
avatar
فتاة طموحة
Professional

انثى عدد المساهمات : 4932
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 24/11/2008
دعـــــــــــــــــاء :

http://www.forsanasnan.tk/

الرجوع الى أعلى الصفحة اذهب الى الأسفل

الحق ما تلحق رد: ليه كليه الطب من كليات القمة

مُساهمة من طرف Ahmed Nabeeh في الأربعاء سبتمبر 30, 2009 12:34 am

:bsmAllah*:
أنا كنت عاوز من زمان أخش طب أسنان
مش عارف سبب واضح للدافع دا
بس هي كانت حاجه مجهولة بالنسبة ليا ومش عارف هي كويسة ولا لأ
يمكن طب انا كرهتها بسبب أخويا الكبير واللي كان طالع عينه من أول سنة لحد الوقتي
وصيدلة كانت اختيار اهلي الاول والاخير وانا كنت رافضها تماما عشان مبقاش زيي زي اللي متخرج من تجارة وقاعد ف صيدلية ولا عاوز أكون مندوب أدوية ادي رشاوي للدكاتره عشان يسوقوا المنتج دا
عشان كدا أخدت قرار اخش طب أسنان

ويارب يكون قرار موفق واكيييييييييد هنشوف في السنين الجاية بإذن الله


وأكتر حاجه تحتاج تشغيل مخ أعتقد ازاي انك تطمن المريض اللي قدامك ان الحل سهل وانه مش في مشكلة كبيره وهتعمله أزمة نفسية ممكن تصعب العلاج

___________________ توقيع سنانكو ___________________
<br><br>هنداوي دا اسمي الجديد <br>احمد نبيه<br>
avatar
Ahmed Nabeeh
مراقـــب عـــــــام
مراقـــب عـــــــام

ذكر عدد المساهمات : 5271
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 24/11/2008
دعـــــــــــــــــاء :

http://www.zamalekfans.com

الرجوع الى أعلى الصفحة اذهب الى الأسفل

الحق ما تلحق رد: ليه كليه الطب من كليات القمة

مُساهمة من طرف dega في الخميس أكتوبر 01, 2009 7:57 pm

ردودكم حلوة قوى
ميرسى ليكم نورتو التوبيك
avatar
dega
عضو برونزي
عضو برونزي

انثى عدد المساهمات : 318
العمر : 24
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 23/09/2009
دعـــــــــــــــــاء :

الرجوع الى أعلى الصفحة اذهب الى الأسفل

الحق ما تلحق رد: ليه كليه الطب من كليات القمة

مُساهمة من طرف Den.Esraa في الخميس أكتوبر 01, 2009 8:25 pm

أي المهن التالية أقرب إلى مهنة الطبيب في نظرك :

المفكر
القائد
المهندس
المزارع
الفنان

مش اقرب لاي حاجة من دول لان كل واحد مستقل تماما بطبيعة مهنته واهميتها بالنسبة للتاني

و ليه اخترت الي انت اخترته ؟

لاني بكره طب بسبب اختي برده ومكنتش اتخيل نفسي ابدا في صيدلة حاسة اني بكره الكلية دي مش عارفة ليه؟
وانا من زمان عايزة ادخل اسنان لانها بتجمع بين العلاج والتجميل
و حاول تجاوب على السؤال التالي :

إيه أكتر حاجة في ممارسة الطب بتحتاج منك تشغيل مخك ؟

السرعة في معرفة العلاج


وميرسي جدا علي التوبيك الحلو ده يا ديجا
__________________
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

الحق ما تلحق رد: ليه كليه الطب من كليات القمة

مُساهمة من طرف dega في الخميس أكتوبر 01, 2009 11:16 pm

ميرسى لمرورك انتى نورت التوبيك
avatar
dega
عضو برونزي
عضو برونزي

انثى عدد المساهمات : 318
العمر : 24
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 23/09/2009
دعـــــــــــــــــاء :

الرجوع الى أعلى الصفحة اذهب الى الأسفل

الحق ما تلحق رد: ليه كليه الطب من كليات القمة

مُساهمة من طرف roma في الجمعة أكتوبر 02, 2009 1:33 pm

بصي انا من وجهة نظرى انها زيها زي اي كلية
لان كل كلية وطلبها ليهم وظيفة معينة في المجتمع
مثلا كلية التمريض ينفع طب من غير تمريض لا طبعا لانهم بيكملو بعض
كل كلية ليها الي بيميزها
يمكن الطب هو الي بينفرد بمكانه مميزة شوية لانه دورة مهم جدا وضروري في المجتمع
وانا شايفة ان اي مهنةلها دور مهم وبتساعد الناس في اي حاجة حتى لو صغيرة تبقي مهمة زيها زى الطب بالظبط
avatar
roma
Super Professional

انثى عدد المساهمات : 5631
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/08/2009
دعـــــــــــــــــاء :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى