مُنتدى طلاب أسنان المنصورة
مرحبا بك فى منتدى طلاب اسنان المنصورة---senanko--- نتمنى ان تستمتع معنا بوقتك و تستفيد و تفيد و اهلا بك عضوا دائما بيننا

هل فتاه النت سيئة؟! ولا يفضلها الشباب؟!

استعرض الموضوع السابق استعرض الموضوع التالي اذهب الى الأسفل

default هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الإثنين سبتمبر 28, 2009 5:55 am

هل فتاه النت سيئة ولا يفضلها الشباب؟؟!!


فتاة تكتب في منتديات الانترنت
أتت اليها أمها ووجها يتهلل بالبشر تكاد اساريرة ان تنطق فرحا وقالت بنيتي لقد جاء فلان وابنه لخطبتك

الجم الفرح الفتاة اخرس لسانها ونطقت عيناها ببريق السرور :

الان سيتحقق حلمي ابني بيتا من السعادة واربي جيلاً يكون قطعة مني اربيه

على ناظري يكون عونا لي في الدنيا وذخرا لي

في الاخرة لم تبت تلك الليلة فهي لاتحتاج النوم بعد ان تحولت احلام نومها الى حقائق تداعب يقظتها

وافق ابوها على الخطبة وتمت الرؤيه الشرعية سر بها العريس

وسرت به وابتدى الجميع يوزعون خطابات الدعوة لليلة الفرح الموعودة

ذهب العريس الى عملة اخبر بعض اصحابه بأنه سيتزوج ابنة فلان بارك له الجميع

وفي اليوم التالي جاءة احد زملائه وقال له الله الله انت اذن ستتزوج الكاتبة الفلانية

التي تكتب في المنتدى الفلاني نظر العريس الى زميله متعجباً عن من تتحدث وماهذا الكلام ؟

قال زميله خطيبتك كاتبه في منتدى بالاسم الفلاني؟!

قال وما ادراك ومن اعلمك ؟

قال اختي تعرفها واسرت لها بذلك ؟

وهي تكتب باسم مستعار

اتريد ان نفتح المنتدى لنشاهد مواضيع خطيبتك ؟

قال العريس والعرق يتصبب ولما لا ؟

فتح الزميل المنتدى استخرج بالبحث جميع مواضيعها
ثم بدأ الاثنان في التصفح

فهاهي ترد على فلان وتشكر فلان وتتناقش مع فلان وتضحك من طرفة فلان

وهذا فلان يمدح ماتكتب ويثني على ماتقدم وهي ترد عليه بالثناء والشكر

احمر وجه الخطيب وخرج من المكتب واتصل ببيت خطيبته

وقال لامها هل تسمحين لي ان اكلم خطيبتي ؟ قالت امها لامانع

.. اخذت البنت الهاتف وقلبها يخفق ويداها ترتجفان تخشى من سماع الكلام
المعسول او ان لاتملك القدرة على الرد وهو يحدثها عن بيت المستقبل ؟

لكنه فاجاءها بسؤال واحد
هل انتي الكاتبة الفلانية في المنتدى الفلاني ؟
قالت نعم انا هي
قاطع حديثها وقال اسف انا لا اتزوج فتاة انتر نت واطبق السماعة

حالة قد تمر يوما ما على فتى او فتاة


- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
- 2 -
هل يعني دخول الفتاة الى الانترنت ،،،
والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
- 3 -
بنظركم ،، هل كل فتاة تستخدم النت لابد أن يكون لها صديق ؟
- 4 -

ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
- 6 -
انت كشاب تستخدم النت وتكتب بمنتديات
هل تسمح بمن تعولهم من زوجة او اخت او ابنة ان يستخدموا النت تحت اشرافك
او بدون اشراف او تمنعهم ؟ ((( السؤال للفتيات أيضاً )))

اخواني وأخواتي تأكدوا ان الاجابات الصادقة لهذه الاسئلة قد تصحح نظرة الكثيرين من الشباب
بجد منتظرة اجاباتكم الصادقة لتعديل مفاهيمي؟؟ "ان كانت خاطئة"
ولنضع امام عيننا مراقبة الله لنا في كتاباتنا وآرائنا ..
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف e_pirate في الإثنين سبتمبر 28, 2009 8:13 am

الموضوع ده جامد من هنا لبكره واسئله كويسه وبصراحه وباختصار جى على الوجع والله :hat:
بالنسبه للاجابات

- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
عادى مش مشكله بس حسب استخدام البنت ليه يعنى مش تبقى داخله على روم شات هدفها كله انها تكلم ولاد ولا داخله على منتدى ترد على ده وده وده ولا داخله ترسم نفسها فى الاول وفى الاخر احنا بنعامل مجهوووووول مجهوووول بكل معنى الكلمه يعنى كلام بيتكتب مش عارفين ولا مشاعر ولا احساس اللى بيكتبه فصعب نحكم.....بس عموما عادى .....حسب الاستخدام ولا مننا عارفين بنكلم الشخص اللى فى بالنا ولا هو ولد وبيستهبل ولا ايه.
- 2 -
هل يعني دخول الفتاة الى الانترنت ،،،
والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
لأ طبعا بس بشرط بحدود يعنى برضه ما يتطورش الامر للايميلات والموبيلات والحركات الفاضيه التانيه ولو كان كده يبقى حقنا نحكم على الستات اللى بتشتغل وبتحاور رجاله فى مصالح الشغل انهم ستات مش كويسين اكيد وجهة نظرى وصلت والخلاصه الموضوع لو فيه رد ما يتعداش كلمة شكرا وحسب اخلاق البنت.....
- 3 -
بنظركم ،، هل كل فتاة تستخدم النت لابد أن يكون لها صديق ؟
مش شرط
- 4 -

ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
يعنى كلامها يكون معقول ما يكونش فيه اى الفاظ تسئ لاخلاقها والبنت وشطارتها لازم تبقى لبقه فى كلامها باختصار
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
ما اظنش ان فيه خط احمر لأن هى تقدر تحكم ترد على مين وما تردش على مين بس لو حست ان فيه اى كلام غلط بيتقال عليها او بداية معكسات او اواو تهدى اللعب شويه وبعد كده تدخل وطبعا ما تردش على اللى بيعكسها
- 6 -
انت كشاب تستخدم النت وتكتب بمنتديات
هل تسمح بمن تعولهم من زوجة او اخت او ابنة ان يستخدموا النت تحت اشرافك
او بدون اشراف او تمنعهم ؟
تحت اشرافى انا عندى اخت وبتستخدم النت بس انا واثق من اختى وحطى تحت كلمة واثق دى مييييت خط لأنه لو عندى ذرة شك ما كنتش سمحتلها

وطبعا علشان ما نشيلش البنت الغلط كله الولاد برضه يتكلموا فى حدود الادب والاحترام ولا انا غلطان؟؟؟؟طبعا عندنا هنا الكل محترم الحمد لله ولو فرض ان البنت قابلت اى مضايقه يستحسن ما تردش
😄

وشكرا على التوبيك الجميل ده
وليه رأى صغير فى القصه بس
ما كانش لازم يعنى يفسخ الخطوبه لأنه فى الاول وفى الاخر كلام
وبكرر شكرى تانى

e_pirate
V.I.P
V.I.P

ذكر عدد المساهمات : 2107
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 24/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Mostafa ElShirbeny في الإثنين سبتمبر 28, 2009 1:43 pm

الموضوع كويس جدا خصوصا ان فيه ناس واخدة مفهوم خاطىء تماما عن النت


ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
ده يتوقف على استخدامها اذا كانت ف منتدى عادى زى هنا كده و بتكلم ناس تعرفهم و استخدامها مفيهوش عيب و لا حاجه و لا من النوع اللى غاوى شات ع الفاضى و المليان مع ناس متعرفهمش و لا شافتهم قبل كده و ياخدوا على بعض اوى و يدلعوا ف بعض و ده نوع محبوش ولا و لا و لا كله بيتوقف على كيفية الاستخدام

هل يعني دخول الفتاة الى الانترنت ،،،
والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
لا و ده برضه بيتوقف على شخصيتها ف الاساس فمش معنى انها قالت كلمة هزار مثلا ف موضوع انها بنت وحشة

بنظركم ،، هل كل فتاة تستخدم النت لابد أن يكون لها صديق ؟
لا

ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
لو استخدمها للنت جرها مع بنت مثلا عرفتها لحاجات مكنتش بتعملها قبل كده او بدات تفتح لها افاق لحاجات تانية محرمة ساعتها لازم تعمل ستوب و تراجع نفسها

ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
اعتقد طول ما هى ملتزمة بتتكلم مع ناس محترمين و موجوده ف مواقع و منتديات محترمة يبقى مفيش خط احمر


انت كشاب تستخدم النت وتكتب بمنتديات
هل تسمح بمن تعولهم من زوجة او اخت او ابنة ان يستخدموا النت تحت اشرافك
او بدون اشراف او تمنعهم ؟
تحت اشراف خاصة اذا كانت لسه طفلة مع اعطاء مساحة من الحرية لا تخلو من الرقابة


و احب اقول كلمة للبنات اللى بيشيتوا مع صبيان ميعرفهومش انهم فاكرين و لو للحظة ان الولد ده بيبقى مبسوط هو اكيد مبسوط لانه بيتكلم مع بنت بس صدقينى لو فكر يرتبط مستحيل يرتبط بيكى او ببنت كانت زيك كده و كمان متعرفوش معظم الصبيان بيفكروا ازاى ف النقطة دى و كمان الكلام اللى بيتقال عليكم فنصيحة من اخ اى بنت بتشيت مع ولاد متعرفهمش بقولها بلاش اسمك هيبقى لبانة ف بق كل واحد و سمعتك هتبقى مش كويسة

و شكرا ع الموضوع الجرىء ده د.اسراء
avatar
Mostafa ElShirbeny
Master
Master

ذكر عدد المساهمات : 7349
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 23/11/2008
دعـــــــــــــــــاء : اللهم اغفر لنا و ارحمنا انك أنت التواب الرحيم

http://www.senanko.own0.com

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف e_pirate في الإثنين سبتمبر 28, 2009 2:10 pm

عين العقل يا شربينى نسيت اكتب الحته الاخيره دى :good:

e_pirate
V.I.P
V.I.P

ذكر عدد المساهمات : 2107
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 24/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف a7mad seif في الإثنين سبتمبر 28, 2009 3:46 pm

[quote="e_pirate"]
الموضوع ده جامد من هنا لبكره واسئله كويسه وبصراحه وباختصار جى على الوجع والله
بالنسبه للاجابات

- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
عااااااااااااااادى هى يعنى اجرمت 
وما اظن يعنى انها بتكتب قدام جميع الاعضاء 
واكيد بتناقش مواضيع ولا هى عيب ولا هى حرااااام 
بغض النظر بقى عن بقاى المنتديات الى بيبقى الهدف الاساسى التعرف بين  الجنسين من خلال الشات 
- 2 -
هل يعني دخول الفتاة الى الانترنت ،،،
والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟
اكيييييييييييد لا مهو اكييد بتستفيد من النت 

اما موضوع المنتديات دة فانا قلت مهى قدام الناس كلها يعنى اكيد مش بتقول حاجة عيب ولا حرام 


فى بقى بنات بتقضيها اميلات وكميرا ويبانوا قدام الناس انها محترمة وكدة 
هو دة بقى الالعن وربنا يعافينا كلنا 
- 3 -
بنظركم ،، هل كل فتاة تستخدم النت لابد أن يكون لها صديق ؟
هههههههههههههههههههههههههه

طب نقول  هل كل ولد يستخدم النت لا بد ان يكون لة صديقة ؟؟
- 4 -

ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
تتكلم فى السياق ومتخرجش عنة 

وبس خلاص 
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
كل واحد بيقدر يتحكم فى نفسة  سواء ولد او بنت 

فلو حد فيهم لقى ان النت بالنسبة له سبيل للمعصية 
زى المصاحبة والحجات الى احنا عرفينها دى 
كدة مش يقولة وداعا 
كدة بيقولوا فى الف دهية 
- 6 -
انت كشاب تستخدم النت وتكتب بمنتديات
هل تسمح بمن تعولهم من زوجة او اخت او ابنة ان يستخدموا النت تحت اشرافك
او بدون اشراف او تمنعهم ؟
اولا البنى ادم لازم يبقى واثق فى الى حولية 

وكمان انا بحب البنت يكون لها وعى بالنت 
يعنى مش اجى اقولها كذا تقولى لا معرفوش 
يبقى انا كدة هتجوز رجل كنبة 


توبيك جاااااااااااااامد 


وكمان هو الى الخسران مش هية 
avatar
a7mad seif
V.I.P
V.I.P

ذكر عدد المساهمات : 1949
العمر : 26
النـادى المفضـل :
هـــــــــوايتــــى :
تاريخ التسجيل : 26/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف AyMaN في الإثنين سبتمبر 28, 2009 4:30 pm

- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟

نظرتي ليها حسب ما تستخدمه يعني زي ما بيقولوا النت ي يكون نعمة للانسان يا يكون نقمة عليه
البنت لو استخدمت الانترنت في طاعه الله والدعوة اليه واستخدامه كطريق لنشر الطاعه وان هيا تكتسب منه سواء علم سواء اغراض دينيه او اغراض ترفيهيه مباحه فده بيكون شئ جميل جدا ...


- 2-
هل يعني دخول الفتاة الى الانترنت ،،،
والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟

لا مش شرط بس ده على حسب ونوع استخدامها للانترنت يعني يكون في حدود الادب وفي حدود الاحترام بالنسبه للردود ...

- 3-
بنظركم ،، هل كل فتاة تستخدم النت لابد أن يكون لها صديق ؟
لا ،، مع ان للاسف ده منتشر...

- 4 -
ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
عدم تحدي حدودها في الكلام لان دلوقتي اكتر طريقه على النت عشان يبان البنت محترمة او لا طريقه الكلام يعني لو كان كلامها في حدود المعقول مكنش اي حد فكر في الكلام معاها ...

- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
لو اصبح مصدر دمار ليها بس كل انسان يقدر يتحكم في شخصيته ويقول امتى اه وامتى لا ...

- 6 -
انت كشاب تستخدم النت وتكتب بمنتديات
هل تسمح بمن تعولهم من زوجة او اخت او ابنة ان يستخدموا النت تحت اشرافك
او بدون اشراف او تمنعهم ؟
تحت اشراف اه بس في حدود المعقول بس لو كان في ثقه عمياء خلاص
والحمد لله بالنسبه ليا بثق في اهلي ..
.


[color:92a1=green
]توبيك بجد قيم جدااااا وشكرا ليكي يا دكتورة على الموضوع المهم ده


avatar
AyMaN
عضو فضي
عضو فضي

ذكر عدد المساهمات : 483
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 15/01/2009
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف فتاة طموحة في الإثنين سبتمبر 28, 2009 4:40 pm

موضوع جميل يااسراء
وهادف جدا
والاخوة قاموا بالرد
قاول اللي حقوله
سلمت الايادي

جزاك الله خيرا
avatar
فتاة طموحة
Professional

انثى عدد المساهمات : 4932
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 24/11/2008
دعـــــــــــــــــاء :

http://www.forsanasnan.tk/

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الإثنين سبتمبر 28, 2009 4:49 pm

]والله انا مبسوطة جدا جدااااااااا لردودكم وتفاعلكم الجاد والقيم جدا
وبصراحة تفكيركم كشباب بالطريق دي يدل علي عقول ناضجة..
بارك الله فيكم...ونفع بكم..

وشكرا يا روكة يا عثل علي مرورك الطيب
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف د.اميرة في الإثنين سبتمبر 28, 2009 4:57 pm

موضوع فعلا اكثر من رائع يااسراء

وحتي الردود رائعة

بس اقولك الغلط فين
الغلط مش في البنت الغلط في الناس الي حواليها سواء زميلتها او زميلها او مدرسها او حتي واحد ماشي في الشارع يشوف البنت دي واقفةفي الجامعة مع ولد وحتي لو بتاخد منه محاضرة بس
اول فكرة هتيجي في دماغ الي هيشوفهم انهم بياخدو من بعض جوابات
معلش علي الطريقة
بس والله الحكاية دي انا سمعتها كتيييييييييييييييييييير

وفي الاخر طبعا مع احترام الاراء كلها المقياس هو الدين ثم الدين ثم الدين ثم الاخلاق والتربية


هما دول الخطوط الي يتبعوا
بدام البنت عارفة انها مخلفتش مقياس منهم يبقي هي كدا مظبوطة

وميهمهاش بدام ربنا راضي عنها
avatar
د.اميرة
عضو ماسى
عضو  ماسى

انثى عدد المساهمات : 970
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 30/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الإثنين سبتمبر 28, 2009 5:02 pm

د.اميرة كتب:موضوع فعلا اكثر من رائع يااسراء

وحتي الردود رائعة

بس اقولك الغلط فين
الغلط مش في البنت الغلط في الناس الي حواليها سواء زميلتها او زميلها او مدرسها او حتي واحد ماشي في الشارع يشوف البنت دي واقفةفي الجامعة مع ولد وحتي لو بتاخد منه محاضرة بس
اول فكرة هتيجي في دماغ الي هيشوفهم انهم بياخدو من بعض جوابات
معلش علي الطريقة
بس والله الحكاية دي انا سمعتها كتيييييييييييييييييييير

وفي الاخر طبعا مع احترام الاراء كلها المقياس هو الدين ثم الدين ثم الدين ثم الاخلاق والتربية


هما دول الخطوط الي يتبعوا
بدام البنت عارفة انها مخلفتش مقياس منهم يبقي هي كدا مظبوطة

وميهمهاش بدام ربنا راضي عنها

:good: :good: :good:


كلامك صح جدا
اهم شئ البنت او حتي الولد يلتزموا بدينهم
والناس تلتزم الظن الحسن
والكل يبطل كلام علي كله
ساعتها الدنيا هتبقي ورد ان شاء الله 😄
وشكرا لمرورك الحلو ده يا اميرة
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف MeGa في الإثنين سبتمبر 28, 2009 5:13 pm


- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟

عحسب المنتدي اللي هي مشتركة فيه
ممكن منتدي محترم زي ده
يبقي كل البنات اللي فيه محترمين و متقيدين بقواعد
هما حاطينها لنفسهم

او يكون منتدي اي كلام
يعني قلة ادب و كده فده طبعا غير مقبول للبنت او الولد

- 2 -

هل يعني دخول الفتاة الى الانترنت ،،،
والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟

لا طبعا

الي بيحدد ده نوع المنتدي و نوع الحوار
مش تعميم يعني


-

3
-
بنظركم ،، هل كل فتاة تستخدم النت لابد أن يكون لها صديق ؟

لا طبعا
عادي مش شرط يعني

- 4

ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟

الحدود اللي الدين بيحددها
و لا يتعدي الحوار مجرد ابداء وجهه النظر
دون الاستطراد الي المزيد من المهاترات التي قد لا تفيد[/
b]
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟

[b]ان يتم فهمها بصورة خاطئة من قبل بعض الناس
في هذه الحاله افضل لها الابتعاد

- 6 -
انت كشاب تستخدم النت وتكتب بمنتديات
هل تسمح بمن تعولهم من زوجة او اخت او ابنة ان يستخدموا النت تحت اشرافك

اه طبعا عادي
بس طبعا يفضل تحت اشراف

بس في الاول و في الاخر الرقيب و الحفيظ هو الل
ه

avatar
MeGa
Master
Master

ذكر عدد المساهمات : 7750
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/01/2009
دعـــــــــــــــــاء :

http://www.senanko.own0.com

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف MeGa في الإثنين سبتمبر 28, 2009 5:16 pm


و احب اقول كلمة للبنات اللى بيشيتوا مع صبيان ميعرفهومش انهم فاكرين و لو للحظة ان الولد ده بيبقى مبسوط هو اكيد مبسوط لانه بيتكلم مع بنت بس صدقينى لو فكر يرتبط مستحيل يرتبط بيكى او ببنت كانت زيك كده و كمان متعرفوش معظم الصبيان بيفكروا ازاى ف النقطة دى و كمان الكلام اللى بيتقال عليكم فنصيحة من اخ اى بنت بتشيت مع ولاد متعرفهمش بقولها بلاش اسمك هيبقى لبانة ف بق كل واحد و سمعتك هتبقى مش كويسة

صح يا مصطفي الكلام ده صحيح جدا

بس احيانا لايكون نظرة الشاب الي هذه المواضيع

بمثل هذه النظره

و طبعا غلللللللللللللللط انها تقول اسمها اكيييييييد


شكررا د/ اسراااااء

الموضوع جامد جدا
و بيثير قضايا كتير


كلنا بنفكر فيها
avatar
MeGa
Master
Master

ذكر عدد المساهمات : 7750
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 28/01/2009
دعـــــــــــــــــاء :

http://www.senanko.own0.com

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف dezner في الإثنين سبتمبر 28, 2009 5:25 pm



- 1 -
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟

أكيد هو شىء واقع بينا ومفهوش اى مشكلة بس النت زيه زى اى حاجة الإستخدام ممكن يحوله إلى آله شيطانيه فيجب على البنت او الولد اتقاء الله فيما يكتبون انما فى بنات بيستخدموا النت وفى منتهى الجدية والإحترام[/

color]


[color=red]هل يعني دخول الفتاة الى الانترنت ،،،
والمنتديات خاصة ومخاطبة الجنس الاخر من خلال المواضيع والمشاركات ،،،، انها فتاة سيئة ؟


اننا نحكم على الفتاة انها سيئة من خلال النتديات دا امر خاطىء وان كانت الردود تحمل بعض ملامح شخصية الفتاة ولكن ظلم كبير اعتبرها فتاة سيئة والحكم بذلك
- 3
-
بنظركم ،، هل كل فتاة تستخدم النت لابد أن يكون لها صديق ؟

أرفض هذه الكلمة



4--

ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟

البنات عموما محسوب عليهم كلامهم ويجب ان تنتقى ألفاظها خصوصا فى المنتديات وما شابه
- 5 -
ماهو الخط الاحمر الذي يجب ان تقف عنده الفتاة وتقول للانترنت
وداعاً ؟

كل فتاة تعرف الخط الأحمر لنفسها لكن لو حسيت ان الموقع اللى هيا عليه مش هادف وممكن يأثر على شخصيتها بالسلب لازم تخرج منه فورا وما تسيبش فرصة للولد ان يدخل ليها من اى مدخل
- 6 -
انت كشاب تستخدم النت وتكتب بمنتديات
هل تسمح بمن تعولهم من زوجة او اخت او ابنة ان يستخدموا النت تحت اشرافك
او بدون اشراف او تمنعهم ؟

والله المفروض ان يكون فى اساس من الثقة تبنى عليه علاقة الشخص بأفراد عيلته هذه الثقة تعطيهم الحق فى التعامل مع النت فى اطار ادبى واخلاقى ووازع دينى يرسخ فى النفس منذ الصغر (دور الأسرة )



شكرا للموضوع الجميل واعتقد ان هدفنا الأسمى هو الوصول الى شباب قادر على تحمل المسؤليه ( مسؤلية بيته ووطنه ودينه)
ودا يقع على عاتق كل ولد وبنت وأدعوا الله ان نكون نواة لشباب مصرى عربى مسلم صالح

قولوا آمين

___________________ توقيع سنانكو ___________________



إلى متى عيوننا تصاب بالحول .... وإلى متى نظل نمتطي أوهامنا ونركب الحيل .....إلى متى نظل أمة تصدق المثل..... لا يستحق النصر إلا من بذل .... و من يرفع للإسلام راية لا يعرف الكلل ..... ومن يكن منتصرا بالله لا يذل
avatar
dezner
Master
Master

ذكر عدد المساهمات : 9763
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 25/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف vergenia في الإثنين سبتمبر 28, 2009 6:36 pm

اكيد هو الدين وكل حاجه يا اسراء انتى واميره
اما نظره الناس للاخرين فالغالب هى النظره السوء
ونخلينا واقعيين لان ده الغالب ومحدش يزعل منى فى الرد وفى ناس برده كتير كده فى دفعتنا
وبالعموم الناس بتنظر ان البنت اللى بتقعد على النت ده غلط على الرغم ان فى وثوق وكل حاجه
مثلا نبص لشباب الدفعه معانا عرفوا البنات ازاى عندنا الاغلبيه عرفوا البنات عن طريق النت
والولاد ممكن بيتكلموا مع بعض على البنات ويا سلام لو طلعت اشاعه كله بيرضضها حتى لو غلط
والصح ان الواحد يقلل من قعدته على النت حتى لو البنت عايزه تقعد يبقى فى حدود الالتزام وكل حاجه والغالبيه هنا محترم وملتزم
واللى اصلا خلانى ابعد عن المنتدى فتره كبيره انى كنت مليت منه وحسيت انه قرب يبقى شات
بس انا من رائى انه مش ممنوع ان البنت مش تدخل المنتدى ولا حاجه لا بالعكس هى ممكن تدخل وتتكلم فى حدود الاحترام وكل حاجه دى على العكس دى المنتدى بيخلى الناس على درايه ببعض وبتعلموا خبره من بعض وهو برده مفيد وممكن يبقى سىء
وكفايه لانى حاسه انى هبدا اكرر الكلام بس نفسى يكون اللى نفسى اقوله وصل
avatar
vergenia
Super V.I.P
Super V.I.P

انثى عدد المساهمات : 2580
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 03/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الإثنين سبتمبر 28, 2009 6:46 pm

والله كلامكم كله صح

واللي انا مقتنعة بيه تمام الاقتناع
ان البنت من حقها تنفتح علي العالم
وتزيد من ثقافتها و تثقل خبرتها و تطلع علي اخبار العالم وترفع من مستوي لباقتها
ومده مش بييجي بس من التعامل مع الناس وجها لوجه
لا النت بيلعب دور كبير في ده
كمان المنتديات مكان لتبادل اراء ووجهات نظر دايما بتدعو الواحد للتفكير وبالتالي توسيع مداركه
وكمان في المنتديات الواحد بيتعامل مع عقول وشخصيات لا مع اجساد او اجناس


ومتشكرة جدا جدا علي التفاعل وعلي المواضيع اللي بنفتحها مع بعض
وكمان د\مصطفي لفت نظرنا لحاجة مهمة جداااا ياريت كلنا ناخد بالنا منها


وفكرتك وصلت يا مروة
وميرسي لكلامك يا د\ديزنر
وشكرا لاهتمامك م\ميجا
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Dr.R في الإثنين سبتمبر 28, 2009 7:05 pm

أنا شايفه إن البنت المحترمه بتفرض إحترامها فى كل مكان
على النت هتبقى محترمه
وفى البيت هتبقى محترمه
وفى الشارع هتبقى محترمه
بس برضه مفيش مانع من الحيطه والحذر والخوف
ولازم نخاف من ربنا قبل كل شئ ونعرف إن ربنا مطلع علينا
وبعدين إيه يعنى لما أرد على مساهمه أو مشركه من الطرف الأخر
بدام فى حدود الأدب والإحترام
بس مش عيب
لكن بلا شك لازم كلنا نعرف إن البنت ماهى إلا سمعه
avatar
Dr.R
V.I.P
V.I.P

انثى عدد المساهمات : 1932
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 01/02/2009
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الإثنين سبتمبر 28, 2009 11:07 pm

ميرسي يا رحمة علي المشاركة وعلي رردك الجميل
نورتي يا قمر
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف dr teeth في الثلاثاء سبتمبر 29, 2009 1:21 am

موضوع جميل ...

بس السؤال ما يتسألش كده على ما اعتقد ..

انا مش هجاوب على اسئلة حضرتك الكتير اوى... 😄

بس باختصار ممكن نقول فى الموضوع ده ..

احترام البنت من عدمه او الولد كمان مش البت بس ...

يعنى المحترم محترم فى كل حته ..

و بيلتزم بحدوده وادبه و دينه ..

و دليل على كده المنتدى الللى احنا فيه ..

فيه ولاد وبنات واعتقد ان مفيش مشاكل بتحصل عليه

او لو فيه بتبقى نادرة اوى و بتتحل ..

يا رب اكون قدرت افهمكم وجهه نظرى ..

و شكرا ع الموضوع الجميل ..
avatar
dr teeth
Professional

ذكر عدد المساهمات : 4978
العمر : 27
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 02/03/2009
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الثلاثاء سبتمبر 29, 2009 7:36 pm

العفو شرفتني بمرورك
وشكرا لرأيك ووجهة نظرك وصلت
ثانكس
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Eman Iran في الجمعة أكتوبر 02, 2009 4:02 am

الموضوع جميييل جا يااسراء انا بحييكى عليه

بالنسبة للبنت اللى بتدخل ع النت ف ده شئ عادى جدا ودى حاجه مينفعش نقول فيها بنت وولد وانا الولد مسموح له بالدخول اما البنت لا ...اعتقد ان الاجدى ان احنا نقول فيها ان الاستخدام يجب ان يكون (( مقننا ))بالنسبه للجنسين والتقنيين ده هيكون ناتج عن التربيه والوعى داخل الاسرة ..لان النت بقى ليه سمعه وحشه جداا بين الاباء والامهات اللى مش على درايه باستخدامه وبقى منتشر عنه انه مصدر للفساد اولا واخيرا!

بالنسبة للمنتدى هنا كمثال يعنى ...عن نفسى انا مش متابعه كل اللى فيه طبعا ..بس ساعات بشوف حاجات بتبقى خارجه وهزار خارج اوى بجد ومش بيبقى من ولاد بس.. لا بالعكس ده بيبقى من بنات تجاه ولاد ودى حاجه انا بستغربلها جدا

تانى حاجه فى ولاد هنا قالوا رايهم بموضوعيه و الكلام واقعى جدااا ...بس يا ترى هو ده اللى بيطبقوه ؟!
اصل انا بتضايق اوى من اللى يقول انا مرضاش ارتبط بواحده بتتكلم ع النت فى منتدى او كده زى المثال اللى ذكرتيه يا اسراء...مع العلم انه ممكن يكون هو بيتكلم مع بنات مثلا ع النت
ف ليه يبقى حرام عليها وحلال عليه

اذا كنت شايف ان هى كده مش هتبقى الفتاه الكامله فى عينك اذا اردت الارتباط يبقى انت كمان متكلمش بنات بقى عشان متقللش من قيمتهم -اذا كان ده المقياس عندك يعنى -

النقاش بين الولد والبنت بخصوص موضوع ع المنتدى وابداء الرأى فيه مفيهوش اى مانع يعنى مادام فى حدود فى الكلام ودى حاجه كلنا متفقين عليها واحنا مش ف الجاهليه يعنى البنت دلوقتى بتتعلم زى الولد وليها راى يجب ان يحترم ...اذا كان الرسول عليه افضل الصلاة والسلام اخذ براى السيدة ام سلمة فى صلح الحديبيه لما انتهى من كتابه الصلح و طلب من الناس ان تقوم فتنحر وتحلق لكنهم رفضوا وقام منهم واحد بس رغم ان الرسول قال كده 3 مرات !!...والسيدة ام سلمة هى اللى اشارت عليه بانه بنحر ويحلق وكان ده الراى السديد فعلا و عمل بيه و مقلش لا لمجرد انها امراه !....

سبحان الله برضه لسه النظرة للبنت فيها شئ من التدنى بسبب عادات ورثناها واحيانا الغلط بيبقى عليها هى لوحدها مع ان الغلط بيبقى مشترك يعنى

انا طبعا مش معصومة من الخطا واكيد حصلت منى تجاوزات بس الواحد بيضايق من النظرة الرجعيه دى للبنت اللى بتشارك برايها ع النت......



avatar
Eman Iran
V.I.P
V.I.P

انثى عدد المساهمات : 2277
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 27/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Mostafa ElShirbeny في الجمعة أكتوبر 02, 2009 4:29 am

تانى حاجه فى ولاد هنا قالوا رايهم بموضوعيه و الكلام واقعى جدااا ...بس يا ترى هو ده اللى بيطبقوه ؟!
اصل
انا بتضايق اوى من اللى يقول انا مرضاش ارتبط بواحده بتتكلم ع النت فى
منتدى او كده زى المثال اللى ذكرتيه يا اسراء...مع العلم انه ممكن يكون هو
بيتكلم مع بنات مثلا ع النت

ف ليه يبقى حرام عليها وحلال عليه

الحمد لله هو ده اللى بطبقه و لو حصل و عرفت بنت بيبقى كلامى معاها فى حدود معينة و بتبقى مرة او اتنين مش عمال على بطال و كمان انا قلت الناس اللى بتفضل تدلع ف بعض و تاخد على بعض اوى و تقوله يا سوسو و يا لولو و هو يقولها يا توتو
ده بقى النظام اللى مرفوض من وجهه نظرى و انا متكلمتش عن الحرام و الحلال لانى مش مفتى بس اتكلمت عن سمعة البنت ف الحالة اللى ذكرتها و وجهت نصيحة عشان انا بشوف و بسمع الصبيان بيقولوا ايه عن بعض البنات
اما بقى ان واحد يتعرف ببنت و يافور معاها و يرجع يقول لا مش عارف ايه ده يبقى مش مظبوط لانه كده بيغالط نفسه و يا ريت كل واحد يبدا بنفسه فعلا
avatar
Mostafa ElShirbeny
Master
Master

ذكر عدد المساهمات : 7349
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 23/11/2008
دعـــــــــــــــــاء : اللهم اغفر لنا و ارحمنا انك أنت التواب الرحيم

http://www.senanko.own0.com

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Mostafa ElMorsy في الثلاثاء أكتوبر 06, 2009 2:23 am

اولا انا بشكرك يا دكتوره على دخولك بجرأه فى موضوع زى ده
يمكن الرد بتاعى متاخر شويه .. بس انا مش بدخل على المنتدى كتير
انا من وجهه نظرى باختصار شديد .. ان البنت زى الولد .. فى الحقوق .. و لكن فى التكوين و التفكير و اسلوب الحياه .. الامر بيختلف تماما ..و لذلك ربنا قال " و ليس الذكر كالانثى " .. البنت كائن رقيق جدا ..و بيتأثر باللى حواليه بسرعه .. و ممكن مش قوى .. و ممكن لو اتكلمنا خاصة فى المجتمع الشرقى .. نقول ان البنت مقفول عليها حبتين .. عشان كده لما البنت بتدخل على النت و تشوف قدر بسيط من الحقيقه ... و تعرف افكار ممكن تكون سلبيه .. اكيد ده هيأثر فى نفسيتها .. و هيغير نظرتها للدنيا .. و هيقلب مقاييسها فى الحياه .. النت مش عيب .. و اللى يقول كده يبقى جاهل ..بس لازم مع النت يكون اشراف زى ما حضرتك قولتى .. لازم قدر من التوعيه للبنت .. و لازم البنت تعرف دينها صح .. و اظن اليومين دول ان من اكبر مصايب النت انه خلى البنت تبقى مش بريئه .. و خلاها تفهم حاجات مش صحيحه فى المجتمع .. و خلاها تحكم و تحاور و تتكلم عن طريق شويه كلام قرأتهم على النت .. و تبقى الحقيقه مستوره فعليا عنها .. و فى النهايه .. البنت ليها دور عظيم .. و عليها اعباء كتيره زيها زى الولد تماما .. بس الاختلاف فى توزيع الادوار .. مش بحب اسمع كلمه البنت زى الولد مطلقه كده .. لكن لازم نترجمها فى حياتنا بطريقه صحيحه ..و اشكرك يا دكتوره ..على فتحك لموضوع مهم لازم الحسم .. و سلامى لاعضاء المنتدى الكرام ..
avatar
Mostafa ElMorsy
عضو مهم
عضو مهم

ذكر عدد المساهمات : 252
العمر : 25
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 30/11/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الثلاثاء أكتوبر 06, 2009 4:01 pm

Eman Iran كتب:
الموضوع جميييل جا يااسراء انا بحييكى عليه

بالنسبة للبنت اللى بتدخل ع النت ف ده شئ عادى جدا ودى حاجه مينفعش نقول فيها بنت وولد وانا الولد مسموح له بالدخول اما البنت لا ...اعتقد ان الاجدى ان احنا نقول فيها ان الاستخدام يجب ان يكون (( مقننا ))بالنسبه للجنسين والتقنيين ده هيكون ناتج عن التربيه والوعى داخل الاسرة ..لان النت بقى ليه سمعه وحشه جداا بين الاباء والامهات اللى مش على درايه باستخدامه وبقى منتشر عنه انه مصدر للفساد اولا واخيرا!

بالنسبة للمنتدى هنا كمثال يعنى ...عن نفسى انا مش متابعه كل اللى فيه طبعا ..بس ساعات بشوف حاجات بتبقى خارجه وهزار خارج اوى بجد ومش بيبقى من ولاد بس.. لا بالعكس ده بيبقى من بنات تجاه ولاد ودى حاجه انا بستغربلها جدا

تانى حاجه فى ولاد هنا قالوا رايهم بموضوعيه و الكلام واقعى جدااا ...بس يا ترى هو ده اللى بيطبقوه ؟!
اصل انا بتضايق اوى من اللى يقول انا مرضاش ارتبط بواحده بتتكلم ع النت فى منتدى او كده زى المثال اللى ذكرتيه يا اسراء...مع العلم انه ممكن يكون هو بيتكلم مع بنات مثلا ع النت
ف ليه يبقى حرام عليها وحلال عليه

اذا كنت شايف ان هى كده مش هتبقى الفتاه الكامله فى عينك اذا اردت الارتباط يبقى انت كمان متكلمش بنات بقى عشان متقللش من قيمتهم -اذا كان ده المقياس عندك يعنى -

النقاش بين الولد والبنت بخصوص موضوع ع المنتدى وابداء الرأى فيه مفيهوش اى مانع يعنى مادام فى حدود فى الكلام ودى حاجه كلنا متفقين عليها واحنا مش ف الجاهليه يعنى البنت دلوقتى بتتعلم زى الولد وليها راى يجب ان يحترم ...اذا كان الرسول عليه افضل الصلاة والسلام اخذ براى السيدة ام سلمة فى صلح الحديبيه لما انتهى من كتابه الصلح و طلب من الناس ان تقوم فتنحر وتحلق لكنهم رفضوا وقام منهم واحد بس رغم ان الرسول قال كده 3 مرات !!...والسيدة ام سلمة هى اللى اشارت عليه بانه بنحر ويحلق وكان ده الراى السديد فعلا و عمل بيه و مقلش لا لمجرد انها امراه !....

سبحان الله برضه لسه النظرة للبنت فيها شئ من التدنى بسبب عادات ورثناها واحيانا الغلط بيبقى عليها هى لوحدها مع ان الغلط بيبقى مشترك يعنى

انا طبعا مش معصومة من الخطا واكيد حصلت منى تجاوزات بس الواحد بيضايق من النظرة الرجعيه دى للبنت اللى بتشارك برايها ع النت......




انا كمان اكيد حصل مني تجاوزات ...
بس ياريت كلنا نتعلم بجد من الحاجات اللي بنقع فيها واللي احيان كتير بنبرر لنفسنا انها صح
ثانيا..اللي اكدلي ان مشاركة البنت خصوصا في المنديات حاجة عادية
وجود منتدي زي منتدي ا\عمرو خالد
واللي بيشارك فيه بنات ومدامات كمان
واللي بحلم اني اوصل لنص تدينهم وقربهم من ربنا
اذن انا كده بدات اتاثر بشخصيات محترمة ولانهم من نفس جنسي فتأثري بيهم هيكون اقوي
وان التغيير للافضل بالنسبالي هيكون شئ مش صعب بما ان ناس كتير قدرت عليه


وهنا بقي جوهر الاستفاده من النت...
وميرسي جدااااااا لكلامك الحلو ده يا ايمي
وبالنسبة للنظرة الرجعية للبنت فانا اعتقد ان ناس كتيرالحمد لله غيروا نظرتهم دي
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الثلاثاء أكتوبر 06, 2009 4:08 pm

Mostafa ElShirbeny كتب:
تانى حاجه فى ولاد هنا قالوا رايهم بموضوعيه و الكلام واقعى جدااا ...بس يا ترى هو ده اللى بيطبقوه ؟!
اصل
انا بتضايق اوى من اللى يقول انا مرضاش ارتبط بواحده بتتكلم ع النت فى
منتدى او كده زى المثال اللى ذكرتيه يا اسراء...مع العلم انه ممكن يكون هو
بيتكلم مع بنات مثلا ع النت

ف ليه يبقى حرام عليها وحلال عليه

الحمد لله هو ده اللى بطبقه و لو حصل و عرفت بنت بيبقى كلامى معاها فى حدود معينة و بتبقى مرة او اتنين مش عمال على بطال و كمان انا قلت الناس اللى بتفضل تدلع ف بعض و تاخد على بعض اوى و تقوله يا سوسو و يا لولو و هو يقولها يا توتو
ده بقى النظام اللى مرفوض من وجهه نظرى و انا متكلمتش عن الحرام و الحلال لانى مش مفتى بس اتكلمت عن سمعة البنت ف الحالة اللى ذكرتها و وجهت نصيحة عشان انا بشوف و بسمع الصبيان بيقولوا ايه عن بعض البنات
اما بقى ان واحد يتعرف ببنت و يافور معاها و يرجع يقول لا مش عارف ايه ده يبقى مش مظبوط لانه كده بيغالط نفسه و يا ريت كل واحد يبدا بنفسه فعلا


انا قلت قبل كده ان كلامك ده يا د\مصطفي مظبوط جدا
لاني والله سمعت الكلام ده بنفسي
يعني مرة كنت راكبة في عربية وكان 2 ولاد قاعدين ورايا
ولانهم كانوا معليين صوتهم وكانوا بيتكلموا عن بنت انا بصراحة ركزت معاهم
وكانوا بيتكلموا عن البنت دي بطريقة زي الزف
وهما بيتكلمو البنت اتصلت بواحد فيهم فضل يكلمها بطريقة رقيقة جدا ولا كانها البنت اللي كان بيتكلم عنها من ثواني
واول ما قفل قال لصاحبه"مش قلتلك هتتصل يا عم" وكمل كلامه عنها بنفس الطريقة ال

ومواقف كتير من النوع ده وشكرا لحسن المتابعة
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

default رد: هل فتاه النت سيئة؟! ولا يفضلها الشباب؟!

مُساهمة من طرف Den.Esraa في الثلاثاء أكتوبر 06, 2009 4:16 pm

Mostafa ElMorsy كتب:اولا انا بشكرك يا دكتوره على دخولك بجرأه فى موضوع زى ده
يمكن الرد بتاعى متاخر شويه .. بس انا مش بدخل على المنتدى كتير
انا من وجهه نظرى باختصار شديد .. ان البنت زى الولد .. فى الحقوق .. و لكن فى التكوين و التفكير و اسلوب الحياه .. الامر بيختلف تماما ..و لذلك ربنا قال " و ليس الذكر كالانثى " .. البنت كائن رقيق جدا ..و بيتأثر باللى حواليه بسرعه .. و ممكن مش قوى .. و ممكن لو اتكلمنا خاصة فى المجتمع الشرقى .. نقول ان البنت مقفول عليها حبتين .. عشان كده لما البنت بتدخل على النت و تشوف قدر بسيط من الحقيقه ... و تعرف افكار ممكن تكون سلبيه .. اكيد ده هيأثر فى نفسيتها .. و هيغير نظرتها للدنيا .. و هيقلب مقاييسها فى الحياه .. النت مش عيب .. و اللى يقول كده يبقى جاهل ..بس لازم مع النت يكون اشراف زى ما حضرتك قولتى .. لازم قدر من التوعيه للبنت .. و لازم البنت تعرف دينها صح .. و اظن اليومين دول ان من اكبر مصايب النت انه خلى البنت تبقى مش بريئه .. و خلاها تفهم حاجات مش صحيحه فى المجتمع .. و خلاها تحكم و تحاور و تتكلم عن طريق شويه كلام قرأتهم على النت .. و تبقى الحقيقه مستوره فعليا عنها .. و فى النهايه .. البنت ليها دور عظيم .. و عليها اعباء كتيره زيها زى الولد تماما .. بس الاختلاف فى توزيع الادوار .. مش بحب اسمع كلمه البنت زى الولد مطلقه كده .. لكن لازم نترجمها فى حياتنا بطريقه صحيحه ..و اشكرك يا دكتوره ..على فتحك لموضوع مهم لازم الحسم .. و سلامى لاعضاء المنتدى الكرام ..

انا كمان برفض الكلمة المطلقة "المساواة بين ارجل والمراة" علي الرغم اني بنت..
بس ده لان فعلا الراجل بيقوم بحاجات متقدرش البنت انها تعملها
ثانيا..بالنسبة لتاثر البنت بالافكار السلبية الموجوده علي النت
فالتاثر ده وارد للبنت والولد ومتوقف علي شخصية كل منهما
يعني اللي شخصيته ضعيفة ممكن تتغير حياته كلها للاسوأ
واللي دينه ضعيف اكيد من السهل انه يتاثر بافكار وعادات خارجة ويبدا يطبقها فعلا
وشكرا لمرورك الحلو وعجباني جدا طريقة تعبيرك عن رايك
بجد نوووووووووورت التوبيك
avatar
Den.Esraa
Professional

انثى عدد المساهمات : 3073
العمر : 26
مـــــــــــــزاجـى :
النـادى المفضـل :
هـــــــــوايتــــى :
تاريخ التسجيل : 06/12/2008
دعـــــــــــــــــاء :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى