فكرة كده

عمرك حسيت إنك مخنوق مش عارف تتنفس, دايخ , عينيك مزغللة و دقات قلبك سريعة , مش مركز

ورجليك مش قادرة تشيلك ...........؟

طب تصدق إن فيه إنسان بيعيش بالعذاب ده وأكثر , يوم وأتنين وأحيانا أكثر من أسبوع ؟

عارف ليه ؟

لما يبقى مصاب بأنيميا مزمنة أو فشل كلوى ومعتمد على نقل الدم......... و يحتاج نقل الدم وفصيلته ماتكونش موجودة..

( وده بيحصل كتير خصوصا لو فصيلة دمه نادرة)



عمرك فكرت فى عذاب مريض النزف الوراثى(الهيموفيليا) لما مفاصله تورم بسبب النزيف الداخلى وميلاقيش مشتقات الدم عشان وقف النزيف ومع تكرار النزف بيصاب بتشوهات واعاقة كان ممكن تجنبها لو علاجه توفر فى الوقت المناسب........



جربت إن حد عزيزعليك يكون محتاج نقل دم عاجل وفصيلة دمه مش موجودة فى المستشفى ...... تخيل أهله بيتعذبوا قد أيه وهما شايفينه بين الحياة والموت

ومش قادرين يسعفوه ........... تخيل فى إنسان حياته فى خطر وانقاذه فى إيديك ؟؟؟؟



تعرف إن كل الحالات دى ممكن تخفف معاناتهم وتنقذ حياتهم فى نص ساعة من وقتك



أكتر من 20 ألف مريض بأنيميا وراثية مزمنة ( يعيشون على نقل الدم المنتظم كل أسبوعين – شهر مدى الحياة)



حوالى 8 ألاف مريض بسيولة الدم (الهيموفيليا) يحتاجون لنقل مشتقات الدم باستمرار



عشرات الآلاف من مرضى الفشل الكلوى والأورام ومصابى الحوادث


كلهم حياتهم في خطر

اتبرع بالدم كي تستمر الحياة

فكرة بنك الدم ان كل واحد هيدخل يسجل فصيلتة واي وسيلة اتصال لية وفي حالة وجود حالة محتاجة نفس الفصيلة هنكلمة اذا كان يقدر يتبرع معانا


وهنكتب هنا بردو الحالات الطارئة المحتاجة نقل دم

ادعوكم جميعا للمشاركة
من فرج علي مسلم كربة من كرب الدنيا فرج الله علية كربة من كرب يوم القيامة

هبدا انا انا فصيلتي o+


وكمان فكرنا اننا نكون فريق للعمل لصالح معهد الاورام هدف الفريق دة انة يساعد في توفير الدم ومشتقاتة للمرضي هناك ونشارك مع المعهد في نشر ثقافة التبرع التطوعي المنتظم بالدم

اي حد يحب يشارك في الفريق دة يكتب هنا