ذكريات الطفولة

بصراحة عايزة كل واحد يتكلم عن اى موقف حصله ايام الطفولة والابتدائى وعمره ما هينساه *حلو او وحش*

الايام الي بحبها في حياتي هيه والي فيها

فى حاجة كل اما بفتكرها اقعد اضحك بتحسسنى انى كنت مفترية اوى وانا
صغيرة وانا عندى 4 سنين كده
مرة كنت عيانة اصلى كنت بعيى كتييييييييييييييييييييير وانا صغيرة
كنت بعيى مرة كل اسبوع واقعد الاسبوع كل عيانة
ماعلينا
فى مرة من المرات دى كنت عيانة اوى ود\رجة حرارتى 40
وماما كانت عندها تصيح وماكنش ينفع تغيب خالص فبابا هو اللى
قعد معايا يدينى الدوا ويعملى كمدات
ماما بقه رجعت بالليل فانا ازاى تسيبنى وانا عيانة ومتعبرنيش وتيجى
كمان متاخر فاول اما جت ودخلت تعجرى عليا تشوفنى عاملة ايه
فجيه تحط ايديها على راسى وتبوسنى
فقومت ضربها بالقلم يالههوى عليا
ايه الافترى ده

هههههههههههههههههههه بس برضو هتلاقيها باستك
انا وانا صغير عندي تلات سنين نزلت من البيت مرة و رو حت قسم الشرطة اللي في اخر شارعنا و دخلت لغاية ما وصلت عند المامور وبعدين لقوني داخل وعمال العب وبتاع ف واحد من القسم كان يعرف بابا و خدني و وداني البيت طبعا كان الناس كلها عماله تدور عليا انا مش فاكر دا اوي
بس فاكر بقا يوم تاني وانا عندي خمس سنين نزلت انا وابن عمتي ... و كان قبل الضهر و توهنا و لقونا المغرب و كنا ف رمضان و المهم ان لما نزلنا كنا نازلين قال ايه هنشتري بسكوت لنفسنا عشان ماما الله يرحمها كانت اتاخرت في الشغل و احنا بقا معاد البسكوت حاجه مقدسة عندنا ف نزلنا نجيب ومكنش معانا فلوس اصلا و لما نزلنا الشارع نسينا البسكوت و كل حاجه و مشينا و روحنا واتفرجنا على دورات رمضانيه في اماكن عجيبة و كان دا اول يوم اعرف اللعبة اللي اسمها الاولى باين :D و بقيت شوارعي بقا و لما لقونا و مكناش بنعيط بقا اصلا لاننا استمتعنا يعني ف اتدايقو اوي و اتعاقبنا اسبوع مكلناش بسكوت
الله يرحمها ايام الواحد كدا هيعيط والله

الله يرحمها ياشريف
اقرالها الفتحه

الاولى دى عندنا اسمها الحجله
مش دى الى بترسم علي الارض خمس مربعات او تمانيه باين صح ولامش دى

sheref ashraf كتب:هههههههههههههههههههه بس برضو هتلاقيها باستك
انا وانا صغير عندي تلات سنين نزلت من البيت مرة و رو حت قسم الشرطة اللي في اخر شارعنا و دخلت لغاية ما وصلت عند المامور وبعدين لقوني داخل وعمال العب وبتاع ف واحد من القسم كان يعرف بابا و خدني و وداني البيت طبعا كان الناس كلها عماله تدور عليا انا مش فاكر دا اوي
بس فاكر بقا يوم تاني وانا عندي خمس سنين نزلت انا وابن عمتي ... و كان قبل الضهر و توهنا و لقونا المغرب و كنا ف رمضان و المهم ان لما نزلنا كنا نازلين قال ايه هنشتري بسكوت لنفسنا عشان ماما الله يرحمها كانت اتاخرت في الشغل و احنا بقا معاد البسكوت حاجه مقدسة عندنا ف نزلنا نجيب ومكنش معانا فلوس اصلا و لما نزلنا الشارع نسينا البسكوت و كل حاجه و مشينا و روحنا واتفرجنا على دورات رمضانيه في اماكن عجيبة و كان دا اول يوم اعرف اللعبة اللي اسمها الاولى باين :D و بقيت شوارعي بقا و لما لقونا و مكناش بنعيط بقا اصلا لاننا استمتعنا يعني ف اتدايقو اوي و اتعاقبنا اسبوع مكلناش بسكوت
الله يرحمها ايام الواحد كدا هيعيط والله

الله يرحمها يا شريف
ادعيلها واقرلها الفاتحة