ست السيد

طبعا يا جماعة كلنا تقريبا عارفين قصة سي السيد وامينه الي جسدها الاديب الكبير نجيب محفوظ في رائعته بين القصرين ضمن الثلاثيه المشهورة بين القصرين قصر الشوق السكريه وكلنا شفنا ازاي كانت طريقة تعامل سي السيد مع زوجته واولاده مبدا النقاش مرفوض هو صاحب الراي الاول والاخير بس طبعا حال الدنيا بيتغير ودلوقتي ظهر مصطلح جديد هو ست السيد يعني بدل ما الراجل هو فعلا راجل البيت تنقلب الادوار وتبقي لبست هى ست البيت مش طبعا ف كل الحالات ودلوقتي فيه شويه اسئله ياريت نجاوب عليها
ايه هي الاسباب الي تؤدى الي ظهور ست السيد ف المجتمع بتاعنا؟
موقفك يبقي ايه لو اكتشفت ان زوجك او زوجتك بيتعامل بمبدا سي السيد او ست السيد؟
تحب تبقي فالبيت سي السيد او تحبي تبقي ف البيت ست السيد؟
يا ترى هيجي الوقت الي نشوف فيه ف مجتمعاتنا الشرقية تبادل للادوار بمعني ان الست تشتغل والراجل هو الي يعمل شغل البيت؟
انا شفت الموضوع ده وبصراحة عجبني وياريت اسمع ارائكم ومحدش يفتكر ان انا بادعي لثورة ولا حاجة يا جماعة انا قصدى خير

موضوع جميل
انا ارفض اني اكون سي السيد
او ان حد يمثل عليا دور سي السيد
انا اتربيت ع تبادل الحوار و المناقشة
و ارفض اي تعصب للرأي او فرض وجهة نظر
بدون اقتناع
شكرا ع التوبيك

لا ببساطة ما ينفعش الدور ده من قبل الست او الرجل لان بيبقى فيه تجنى من طرف على حقوق الطرف الاخر و بالنسبة للست لو هى كده بيبقى ده بسبب واحد و هو ان جوزها عديم و ليس ضعيف الشخصية زى ما شفنا هنا اللى كانت بتجرى ورا جوزها بسكينة و قضيه تانيه ف السعودية صعبة شويه على رجل من زوجته لا داعى لذكرها
كمان ما ينفعش دور سى السيد و تبقى الزوجة خادمه فقط لان فيها ايذاء لادميتها و انقاص من حقها المشروع فى بعض الاشياء و ان كان الرجال قوامون لكن لازم يبقى البيت مبنى على التوافق اولا و اخيرا
و شكرا لطرح الموضوع يا كيوت

شخصية سي السيد دى كانت زمان لما كان التعليم لسة في البداية منتشرشي يعنى انما دلوقتى مش عشان التعلييم انتشر والمراءة بقي لها دور زي الراجل بالظبط يبقي نتبادل الادوار في البيت واصبح انا الراجل وهو الست لا طبعا مينفعشي ودا بيتوقف علي شخصية الراجل واقتناع المراءة بدورها علي انها ام اولا وست بيت ثانيا وثالثا عملها في المجتمع ان وجد دا رايى وشكرا جدا علي موضوعك الجميل

شكرا علي الردود الجميله روما ومصطفي الشربيني وميجا وكذكوذا