الفرانكو ارب

من طرف MiSHMISH الأربعاء يوليو 29, 2009 3:30 pm

لغة الفرانكو ومن منا لا يعرف الفرانكو ارب

هذه لغه جديده لبعض الناس تكتب العربيه بحروف انجليزيه وتعوض عن بعض الحروف بارقام معينه زي الحاء تكتب 7 والعين مثلا تكتب3

مثال GREAT BRITAIN - بريطانيا العظمي
تترجم بالفرانكو ارب

!! britanya el 3ozma

التساؤل دا مطروح في ظل انتشار ما يسمي بـ"الفرانكو آراب" , هل ممكن فعلا اننا نكتب انجليزي بـ حروف عربي؟ يعني نقول مثلا:
" وي فايند ات هارد تو فيل فور ذيس بيبول آند امبورتانتلي تشيلدرين , أز زاي أر نوت أوار اون سيستر , صن اور ريلاتيف .بط أيف يو جاست اوبين يور هارت فور وان ساكند يو ويل بي فلوديد باي ذي ديسبير فيسينج ذي ستارفينج تشيلدرين اوف هيومانتي"؟؟؟؟؟؟؟؟؟؟؟؟؟؟؟
هل ممكن حد فينا يرضي انه يكتب كدا؟؟؟؟؟؟؟؟؟
الكل طبعا هيقول ايه الهبل دا , مستحيل حد يكتب كدا؟ و مستحيل تلاقي قبول , لكن لو فكرنا شوية هنلاقي نفسنا بنعمل كدا "حرفيا" دون اي وعي بكتابتنا للفرانكو آراب , بنكتب لغة بحروف لغة تانية , طب ليه ماحدش هيرضي انه يكتب انجليزي بحروف عربي و راضي انه يكتب عربي بحروف انجليزي؟ هل لان حروف اللغة العربية احقر من حروف الانجليزي مثلا؟؟؟؟؟ هل حروف الانجليزي ماشية ع الموضة و اكثر شياكة؟؟؟؟؟؟ هل حروف اللغة العربية دلالة علي التخلف و الجهل و حروف اللغة الانجليزية دلالة علي الحضارة و التقدم؟؟؟؟؟ لا بالتأكيد, بلاش عشان هي الحروف اللي كتب بيها القرآن طالما دي مش مقنعة اوي ليكم , لكن الحروف دي عظيمة لانها حروف لغتنا و اللي بتدل علي ثقافتنا , دا لساننا و ماحدش بيغير لغته "القومية" مهما عمل , دي لغتنا القومية عشان بنتكلم بالعربي , بنحلف بالعربي , و "بنحلم" بالعربي و دا كاف اوي انه يخليها لغتنا القومية حسب آراء علماء النفس , طب هل الشعوب الناطقة بالانجليزية فكرت انها تكتب انجليزي بـ حروف عربي, او عبري او حتي هندي؟ ,لا الشعوب دي ما عملتش كدا لانها بتعشق لغتها و بتقدسها و لو ع السهولة-ذي ما شباب الفرانكو بيدعوا- كانوا استخدموا الابجدية الكورية ف الكتابة لانها بتحتوي علي 14 حرف فقط ! لكنهم دايما شايفين نفسهم الاعلي و ما سواهم الادني , و احنا بطيب خاطر اهو بنستبدل حروفنا العربية بحروفهم اللاتينية دون اي وعي ! ف الوقت اللي شبابنا بيضيعوا فيه حروفهم و بيستهينوا بيها ,بنلاقي شعوب تانية -رغم خلافاتها الشديدة مع العرب- بتستخدم الحروف العربية كأبجدية لـ لغاتهم ! , اللغة الفارسية و اللغة الكردية و لغة الاوردو و لغات شتي حروفها مازالت عربية ! طب ليه شبابنا مستمر بالكتابة بالفرانكو ؟ هل احنا ناقصين تدخل اكتر من كدا ف لغتنا و ثقافتنا و بلادنا؟؟؟ طب ايه الهدف من الموضوع دا كله , من مهاجمة الفرانكو و الدفاع عن الحروف العربية , رغم الاهانات شبه اليومية من مستخدمي تلك الكتابة "الغير مبررة",هل احنا فاضيين فعلا و مش لاقيين حاجة نقولها؟ , هل احنا "ماسوشيين" و بنعشق تعذيب نفسنا؟ لا , الحكاية ان الموضوع اكبر من مجرد استخدام الشباب للفرانكو علي النت او الموبايل ..الخ,
الخوف , كل الخوف من تضاؤل استخدام العربية علي مرور السنين , التقليل من الخطر دا مش ف محله , لان فيه تجارب مماثلة قدامنا , و الغرب دايما بيهدف للتحول دا , اللغة التركية و حتي قدوم مصطفي كمال اتاتورك 1920 كانت تكتب بالحروف العربية و بدلها اتاتورك بالحروف اللاتينية ليعلن انفصاله رسميا عن الشرق و العالم العربي و اتجاهه لاحضان الغرب , يعني اللغة التركية دلوقتي اصبحت "فرانكو تركي" ! ,و اللغة الماليزية للاسف ف الطريق لترك الحروف العربية ! , يا ريت حد يديني سبب اكثر اقناعا لكتابته للفرانكو بعد ما عرف اخطار و عدم جدوي الكتابة بالفرانكو , البطء و التعود مش اسباب ابدا لترك حروفنا العربية , ادي نفسك وقت تكتب فيه بحروف عربي , انت ما اتعلمتش ف المدرسة تكتب عربي بـ حروف انجليزي ! , تصوروا كدا بعد مرور السنين و حروفنا العربية بتختفي-بعد اختفاء الفصحي و ظهور العامية- و بيحل محلها حروف لاتينية , "العقلاء" من احفادنا هيلعنونا ! هيسألوا ليه اجدادنا فرطوا ف حروفنا العربية و سابولنا الحروف دي؟
هل من مجيب؟
ارحب بأرائكم و مشاركاتكم.
الموضوع منقول من عدة مصادر :shshsh*:

من طرف dr teeth الأربعاء يوليو 29, 2009 3:44 pm

موضوع جميل جدا وهادف .....

lazem natamasak bel logha al 3rabya..

l2nha al logha al2om

lol

شكرا ع الموضووووع ..

من طرف Eman Iran الأربعاء يوليو 29, 2009 4:25 pm

yaaaaaaaaaah l 7war da ana 2reeto kza mara 2bl kda

1st of all thanx 3la l topic :hat:
2nd..
ana 3n nfsy b7b aktob franko 3shan fe e5tsarat kter msh mwgoda fl 3araby like >>bk ..wb ..tyt..ty...dc...gtg..and so on

plus en e5tsarat l emoticons btb2a in english so l ktaba bl 3araby htb2a s3ba shwya wz using emoticons

bs ra3'm kol da ..ana b7trem l lo3'a l 3rbya gdnnnnn w 3rfa w mot2kda enha abl3' lo3'a 3la wagh l ard bgd ..kfaya enha lo3't l kor2an w lo3't ahl l gana

w ana 3n nafsy b7b l bla3'a ely feha w bktob l tshbehat l 7lwa f wr2a 5argya lma bkr2 l kotab oslobhom 7lw like aniis mansour....

i really enjoy reading literature in arabic

من طرف MiSHMISH الأربعاء يوليو 29, 2009 4:29 pm

ههههههههههههههههه
شكرا لمروك دكتور تيس والحمد لله انت بدأت تتمسك

من طرف MiSHMISH الأربعاء يوليو 29, 2009 4:34 pm

مرسي علي مرورك ايمان
وعامة كتابة الفرانكو ممتعه بس الي هياخد عليها مش هيعرف يرجع للعربي تاني او مش هيبقي زي الاول
وبرده القرائه بالعربي تختلف عن الكتابه

من طرف B a db o Y الأربعاء يوليو 29, 2009 4:39 pm

شكرا على الموضوع يا مشمش
بس الفرانكو بيستخدم بس فى النت والشات وكده بس نادر اوى لما حد يكتب بيه فى ورقه او كتاب
وده دليل على انه بيتكتب مش حبا فيه لا لانه اسرع واحسن فى التعبير بالايموشنز على النت بس
وشكرااا مره تانيه على التوبيك

من طرف MiSHMISH الأربعاء يوليو 29, 2009 4:43 pm

دايما منورني دكتور احمد
مرسي علي المرور
وفعلا هو ماوصلش لدرجة ورقه او مقال بس ممكن في يوم يوصل من انتشاره وكثرة استعماله
مرسي مره تانيه علي المرور

من طرف dezner الخميس يوليو 30, 2009 12:15 am

El mawdo3 da etklmna feh kter w el franco ashal kter fe ktbto w aked kolna bn3sh2 lo3'tna
w aked rbna 7afez el 3rbia lo3't el Qurän el 3azem

من طرف Ahmed Nabeeh الخميس يوليو 30, 2009 12:54 am

thnx ya MISHMISH ana dayman 3al mail msh bktob ela franko
bas 3al montada dayman baktob 3arabe 3alashan law feh 7d msh by3raf ye2rah aw kda

bs bgd l franko da sahl awe w ashal mn l 3arabe bkter

thnx 3al topic again